¹ Nahi biya Mlume byelibabwililebawa misiha ba Sayuni wa wningi wa sungu chage! Gubutelile uhuma gegulu ndaa na hasii buhungwe bwa Isilaeli; Na gushyengelelche iti ya magulu mage ha masugu masungu chage. ² Mlume gwamina bushamo bose bwa Yakobo, Na gushimonine keene; Gubugwishiche busililo bwa bawa misiha gya Yuda wa buhuchi bwage; Gubelila ata na sii Gwabuita uba bunyenye buolobwa bahele bage. ³ Gwageda meege mose ma Isilaeliyulu ya sungu chage; Gwaubindila unyuma uboo wage wa ulume u meso ma tuto tumangu, Nage gwammita Yakobo nahi ahyaa ene alihulma, alihuchigya ngubi chose. ⁴ Gwahinga buta bwage nahi amangu, Gugimene na ubooage waulume nahi msusuchi; Nage gubahagile baya bose nebe babenjiche meso ; MNda itula ya misiha gya Sayuni gwahongolola uoma wage nahi ahyaa. ⁵ Mlume gusili mlingilisho gwa amangu, Gwammina Gwammina Isilaeli; Gwamamina madu mose, Gwabudogya businino bwage; Iyaka gwabaita uba beengi bawamisiha gya Yuda u lilo n malilo. ⁶ Nage gwahumya bushamo bwage wa uoma, ugana ii lubala lwa minanyi gya byanyi kaa; Gudogiche masugu mage ma ulitucha; Mlume gwaligibilicha m Sayuni masugu ma ulitucha ma kiine sabato; Nage gwabasebulula oolo na ibuli wa yulu ya sungu chage cha chata. ⁷ Mlume gwatele koo ubutangilo bwage, Gwahaonywa hahaha hage; Gwabibiya bibambacha bya ndu gyage m maboo ma tumangu; Bata bigelegele mndu gya Mlume nahi lusugu lwa sumbilo lya kiine. ⁸ Mlume gwacheelecha udogya bibambacha bya bawa misiha gya Sayuni; Gugolole guya mgochi, Gushiubindile uboo wage ushihage; Mndi gwagubaa nyimbo na ibambacha lwa malilo; Byose hamwechi ibididibuwe. ⁹ Michango gyage gyachinda msii; Gwabidogya byiki byage na ubibela; Oolo lyage na maosobu bage m'bashame hawingi ha mioga gyine gishi na m'bindo; ehe, bambuwa bage bashihu bashihuhewa malo Mu uhuma wa Mlume. ¹⁰ Miungu gya misiha gya Sayuni basushama hasi, Basushama pii; Baligululila ihwili heulu ha miswee gyabo, Bachwala mmunda bichwalaganywa bya milembe; Baachana ba Yelusalemu balibaginamu miswee ulula hasi. ¹¹ Meso manyi maima na byosochi, Mtima gwanyi gulu husuma abisa; Binyi byanyi byageswa hegulu ha siiyulu ya udiga wa misiha gya batu banyi; Bululi baana ba tulenge na bene bali bukoka, bali huzimiya mnda mwa mikoba gya mbuga. ¹² Babo balihubucha bamnabo, Bili uhi biliwa na divai? Haho habalihuzimiya nahi babongoile mnda mwa mikoba gya mbuga, Haho hene habahongololwe bichuli-chuli byabo bya mwego m'byali bya bamnabo. ¹³ Nubangisiye ii ? Nulingilishe na ii ,Benywe misiha gya Yelusalemu ? Nuumone nahi ii, naoshe uuhungya, ¹⁴ Bambuwa bobe bamonine malo yulu yobe ma bitu bishi na mgilo na bya buhugi na bishi baununeyulu ya bubii bobe, yulu baoshe ugiwicha bahamba uli; Mndi bamonine lubuo lwabuneneyulu yobe na wa yulu ya ubululwa. ¹⁵ Babo batu bose bene balihuta bali huhulila kwasa; Balihumshigila yoga bawa misiha gya Yelusalemu, Na udigicha miswee gyabo; Wi wii? Gino mbuga noo gibele hugiswa, Uwilila wa buhungwe, Saso lya sii gyose ? ¹⁶ Hegulu hobe tumangu tobe twaginuna miswee byabo; Balihuzomeya, hudiga meno mabo,Ugana, Twammina; Luno lusugu noo lwatubele hulolela; Twaluhewa na talumona. ¹⁷ Mlume gwagila byelibendiche; gwaiwicha inywa yage, yelibiile lusugu lwage; gwaigwisha mpaga na hasi, Na gushimonine keene; Nage gwaha amangu obe saso; Gwaginuna meega ma tumangu tobe. ¹⁸ Mitima gyabo gimlilile Mlume; Ee, ibambacha ya misiha gya Sayuni! Byosochi bimwagiye nahi ahyaa chuba na busugu; gishilihe ulihocha; Abetcha a mliso obe ashilituche. ¹⁹ Ginyuwa, ulile m'busugu, Umayaya mage; Hungolola mtima gobenahi madiu yenyi ya Mlume; Umginunine maboo mobe; Yulu ya mwego gwa baana bobe ba tulenge bene beli huzimiya yulu ya ndala, Ubutulilo bwa ndila gya gyata. ²⁰ Loola, Mlume, lingamina,Mnanyi goligilile bibyo! Wi wii! Baachana baya bene babushile, Baana bababeile? Wi wii! Ibuli na mbuwa bahagwe ihana ya ihaha ya Mlume ? ²¹ Mmwalubaga na mmungu bali hulala hasii mnda ndila gyagyata; Bawamisiha gyanyi na bawambaga babyi bagwa wa ahilu; Wabahaga lusugu lwasungu chobe; Wabahaga, na usabamonena keene. ²² Wamabala nahi lusugu lwa sumbilo lwa kiine; Iduba yanyiichwe ngubi chose; Na hashi ata gumwechi mine guhonine ao ushigala ha luya lusugu lwa Mlume; Babo bandiswalile na ubabeya ao amangu anyi abasususla.