¹ Bili gino mbuga mauwa, Gigyo gibele gigiluchu batu! Nahi byelibele m'bwilwe, Gee byelibele mmata hawingi ha mioga! Msiha gwa oolo hawingi ha migela, Nahibyelibele lubala! ² Ulila abisa mrngo ma busugu, Na byosochi byage bili u matama; Mmanga gwa bene babale hum'benja. Hashi ata gumwechi gulihumungya; Magenda mage mose mamisha bya tenene, tusili tumangu twage. ³ Yuda gwabululwa yulu ya umonenywa, Na wa yulu ya bucha bwata; Gwashama hawingi ha bashigile kumbi, Gushi na ulitolelecha oose; Bose bene bamlamine bambanga m masusu age. ⁴ Madila ma Sayuni mali mmalilo, Bululi hashi mtu gulihuchwa chuba lwa ulitucha; Michango gyage gyose gisili mauwa, Bibuli byage bali hulila wa usumwa; Bawamisiha bage bali humona bibaya; Na gee mine gulihumona bibii. ⁵ Basusuchi bage basili mswee, Tumangu twage twahewa,; Bululi Mlume gwamsusu yulu ya bubii bwage; Baana bage ba tulenge bawaswa kole u meso ma gugo msusuchi. ⁶ Na gugo msiha gwa Sayuni anyamu age ose amshiga; Bahele bage bose basilinahi kulungu chishihumona byuuya; Nacho chilihusina chishi na uoma hambele ha bene bali huchilama. ⁷ Masugu ma asusu na ma ulila wage;, Yelusalemu guswengelecha usalwa wage oseebyabibele utula masugu maala; Haya hene batu bage hagagwile mmaboo ma msusuchi, Na hashibele ata mtu gwa um'bwatilicha; Baya basusuchi bage bammonine, Baitile lusugu lwage lwa ulitucha uba lwa wenja. ⁸ Yelusalemu gwagila bubii bwigi abisa; Wa bibyo gusili nahi itu ya buchafu; Bose bene babele hunyemya basili humnenuna, Ii wa yulu bamona buchi bwage; Ehe, gee gulihusumwa, Na uligalula gagye unyuma. ⁹ Bunyenye bwage bubele u pinda gya bichwalaganywa byage; Gushiengeleche isula yage; Wa bibyo gwasala wa tenene; Gee gushi na mtu gwa umungya ; Loola, Mlume, asusuanyi; Bululi gugo msusuchi gwanyi gwalitona. ¹⁰ Gugo msusuchi gwagolola uboo wage hegulu ha byage byose byeli bele hubenja; Yulu gumonine batu bashibagibe kumbi bagingila mnda mwa ihana ya ihaha yage; Yulu ya mwano gwabo gogwe ushibahele luhusa lwa ugingila mnda sumbilo lyobe. ¹² Wii! Ashi atu wa mli, benywe bose bahita ndila,Lingaminywe, loolwe, nambo hali byosochi byobyose nahi byosochi byanyi, Byandigililwe nene, biya byine Mlume gwanjigilicha nabyo chuba lya sunguchage hashilama. ¹³ Uhuma hegulu gwahila ahyaa u mauda manyi, Nao amahima; Gwatega bwila gambwate umagulu, Gwangiwicha unyuma; Gwangita uba mtu achiye, Na msumwa chuba lyose. ¹⁴ M'buli gwa bubii byanyi gwahambwa na uboo wage; Bibyo byagandamana; Byasela ndaa na mioshi mwanyi; Gwasacha uoma wanyi; ¹⁵ Mluma gwambiya mmaboo mabo, Bene bandishi naosha uhimana nabo. Mlume gwabaita bilume pambwa byanyi byose uba ishyatu hawingi hanyi; Gwasumbicha sumbilo lyata inyume yanyi yulu ya ubahyilila bawambaga banyi; gwammyilila nahi peloo gugo gushinamana balumyana msiha gwa Yuda ¹⁶ Nene nilihulilila bino bitu; Liiso lyanyi, Liiso lyanyi lyahongolowa madi; Yulu mmungya guli koo nanyi, guya mine gulingyeuhonya ichuli-chuli yangi ya mwego; Baana banyi bashigwa boo buchima, bululi ao amangu ahima. ¹⁷ Sayuni gilihugolola maboo mage; Hashi ata mtu gumwechi gwa umungya; Mlume gwahila alago yulu ya Yakono, Ugana bene bimchunguluwa babe basusuchi bage; Yelusalemu gubele hawingihabo nahi itu ya bunyenye . ¹⁸ Mlume noo mine na kiine; Bululi nanoga alago age; Hulichiwe, nihumtongelela, benywe bato bose, Mubilole byosochi byanyi; Bawamisiha babyi na bawambaga babyi bawaswa kole. ¹⁹ Nibagitile baya babele humenja mndi bandi bambindiche; Bibuli byanyi na miungu gyanyi bawile m'buga; Haho hababele huenga iliwa yulu bahonye bichuli-chuli byaabo bya mwego. ²⁰ Loola, Ee Mlume; yulu nenenili mnda asusu; Mtima gwanyi gulihutongaa; Mtima guli husuma mnda mwanyi; yulu nabindula abisa ; Hahu hambuga ahilu alihuhaga batu; Mmadu muli nahi biyumba. ²¹ Bahulicha ugana nilihulila ; na hashi ata gumwechi guchwa upungya; Tumangu twanyi tosetwahulicha mwano gwa udidibuwa wandibele nao; Useelela wa yuluwahisha bibyo; Wiluchwisha lusugu luya lolitele mbila, Nabo babi nahi nene. ²² Bubu bubii byabo bose na buchwe mbele gyobe gogwe; Ubagilile boo nahi byolingilile nene wa yulu ya bubii bwanyi bwanyi bose; BUluli usumwa wanyi ii wingi abisa, Na mtima gwanyi gwazimiya