¹ Bululi byai mengo mashibiwe na Mine gwina uoma ose? Na babo bene bamgidi yulu yai bashihumona masugu mage? ² Bali hoo bene balihuhunya ishaya ng'umba; Balihuguha bihichi bya bisuganywa wa buhuli-huli na ugya ubilisha byaanyi. ³ Na uchinga punda chine chishina bamasabo, Na uguha mbwate ya maboo ya mmachana gwa m'bwile. ⁴ Numgalula msabi gagileye ndila; Bambuchu ba hano ha sii basulibisa hamwechi. ⁵ Loola, punda gya mgala mlwanaganywa, Choo chihuma na ugya umigilo gyabo, chisuenga iliwa wa chigilwe; Lwanaganywa lusuba iliwa ya baana bacho. ⁶ chisuhulula mihunga mmabala; Na utola zabibu cha basone. ⁷ Chisulala buchi busugu too chishi na bisanjwa, Na bashi na byuliwila yulu ya peho. ⁸ Bali hunowa na imundi-mundi ya u koono, Na ulibunga u mawe ma mata bululi bwa uhulwa bya uliwila, ⁹ Bali hoo bene bali hugihunya wa uoma u mabele giya gishi na sage, Na uguha mbwate ya maboo u bambuchu; ¹⁰ Na bachugnuluwe buchi bashi na byuchwala, Nabo, babeba na ndala basuguha mihunga gya bange batu nuuya. ¹¹ Basuhamba mauta mnda bibambacha bya batu babo; Basuhina maalwa nabo bina yuuma. ¹² Batu basusumwa uhuma mbuga gyina batu beengi, Na mtima gwage guya mine gwina malase guli huenga mbatilicho; Na Abetcha gushihulola buhugi. ¹³ Babo noo bli hawingi ha baya bene babengile ugema; Bashimagidi madila mage, Na bashihushama mnda mahitilo mage. ¹⁴ Mmagi gusubyuwa halwelo hasili huhahala, gusuhaga mbuchu na msabi, Iyaka mengo ma busugu guli nahi miibi. ¹⁵ Iyaka liiso lyage gwa masei lisugonga mengo ma ha ishihita, Gusugana, Hashi liiso lyine lyimona; Nage gusubisa yenyi yage. ¹⁶ Boo basuchibula ndu ha mdoo; Basulibugalila mndu mengo ma mchuba; Bashigidi ata ugema. ¹⁷ Bululi lwelo wabali bose mnahi mdoo gwiingi; Bululi boo bagidi udanda wa yulu ya gugo mdoo bwata. ¹⁸ Mulihugana, Gee guli mmuhu u yenyi ya maadi meengi; Ihana yabo yalogwa hano ha mgala; Gushihugaluwa ugya ndila gya umizabibu. ¹⁹ Gunji na yuuda bisugumya maadi ma imundi-mundi; Usinda nao uusuha baya ba ngila biibi. ²⁰ Gumo lyine lim'bushile lyimgibilila; yolo yiim'ya na ummona saa; Gushiengelechiwa iyaka; Na buhulihuli bwinogwa nahi mti. ²¹ Ehe, gee gusubaya bene bali bigumba bene bashibabute; Na gushihumgilila bisoga mmachana gwa m'bwile. ²² Ata bibyo Abetcha gusubabula benebali na uosha wa uoma wage; Basuginyuwa bene bashi na maudagilo ma uba na mwego. ²³ Gusubabiya uba kolongecho, nabo basulihocha wabili; Na meeso mage mali hegulu ha madila mabo. ²⁴ Boo batoninywe; na mengo macho byihuma; Ehe, bisachiwa, na uhunyiwa mndila nahi bange bose, Nabo bigechwa nahi mihunga gya ngano. ²⁵ Na nambo bishi hano bino, mnanyi gwikonona ugana nina lulimi, Na ugana binywa byanyi bishi atu.