¹ Haho Sofali Mnaamathigugaile, na ugana, ² Wi wii! Buno bwingi bwa binywa bishigawe? Na mtu gwamgilucha binywa, wii! Gabalweuba na kiine? ³ Wi wii! Ulitona obe uabiye bato bobe uba pii? Na gogwe haho husuita msebululo, wii! Hashi mtu mine gwiudambya mmee? ⁴ Bululi gogwe wagana, Lugigyo lwanyi luli lusoga, Na nene nili msoga u meeso mobe. ⁵ Biino, nambo Abetcha gwabadogoma, Na ubulula milomo gyage yulu yobe; ⁶ Iyaka gumonye lulo lubisagulu lwa lwengu, Ugana ugililwa mnda uwilicha malanga mage!Biino umane ugana Abetcha uleya mnda usona obe. ⁷ Wi wii! Gogwe unaosha ubisula bwata bwa Abetcha? Unaosha uhyiila umona wa Guya guli na uoma ose? ⁸ Uli hegulu abisa nahi gulu; unaoshaugila ii gogwe? Guli na iina ilahu uhima usinda: Unaosha umana ii gogwe? ⁹ Iimo yage ili ilahu uhima ibaloo, iyiihangu uhima bahali. ¹⁰ Gee gabehita, na uhamba batu, Na ubagita ugya uononywa, mnanyi gegese mine gunamchibila? ¹¹ Bululi gee gubagidi batu bahyonono; Husumona na usona nao, ata nambo gusahuulanga. ¹² Bino, mmugi gunaba na uengelecha, Inangwa mwana gwa mtu gusubuswa nahi mwana gwa pende. ¹³ Gogwe ubeosha mtima gobe wa kiine, Na umgolwela maboo mobe; ¹⁴ Uba wina usona mmuboo mobe, uubiya koo nobe, Na ushigitabuwe buhugi uba mnda itula yobe; ¹⁵ Chigilwe noo holiosha uginuna yenyi nangu na abule; Ehe, wimoneya hululu ushibi na mmee. ¹⁶ Wa bululi wigibilile adugwa obe; Wiaengelecha nahi maadi mene mahwile uhita. ¹⁷ Na mwego gobe gubi guhaha uhima kunyia meeno; Linangwa hali mdoo, Libi nahi mnena. ¹⁸ Na gogwe ubi kolongecho, bululi hali na maudagilo; Ehe, wienga-enga mbamba mobe, na ulitucha wa kolongecho. ¹⁹ Iyaka wilala, na hashibi mine gwiubiya booba; Ehe, batu beengi bienga yenyi yobe. ²⁰ Haho meeso na basone migingila ahongolo, Nabo bashibi na ndila gya usinina, Na maudagilo mabo mabi noo ugeda mtima.