¹ Na habele, Yelusalemu lyahuhwa uwasa, (ha mwaa gwa yahabula gwa Sedekia oolo lya ba Yuda, mwechi gwa umi, Nebukadleza,oolo lya Babeli, nabasolokoto bage bose bachwile uchunguluwa Yelusalemu, naugiwata. ² ha mwaa gwa umi na gumwechi gwa Sedeki, mwechi gwa buna, na lusugu lwa yahabula lwa lwehi, ibaa ya ibambacha ibelilwe;) ³ baosobu bose ba oolo lya Babeli bagingile, bashamone hawingi ha mchango gwa hawingi, noo, Nelgal-Sheleza, guunywisha, Nebu-Salseki, mmosobu gwa bashibagya u baachana; Nelgal-Shaleza, mmulu gwa ulola bya buoolo, hamwechi na baulu bange bose ba buoolo bwa Babeli. ⁴ Haya Sedekia, oolo lya ba Yud, na batubose ba bita hababamonine, boo nusina, bahumine mmbuga busugu, u ndila gya lubala lwa oolo, u mchango gwine guli hawingi ha biya bibambacha bibili; nage gutobowole u ndila gya Alaba. ⁵ Ata bibyo basolokoto ba Bakaldayo babalamine, bam'bwatile Sedekia mnda sii gya ibanda-banda ya Yeliko; nabo habam'bwatile, bammyiche uli Nebukadleza, oolo lya Babeli, uya Libla mnda sii gya Hamathi, nage guhanene mwano Sedekia gaononywe, ⁶ Haho oolo lya Babeli gubahagile baaba ba Sedelia uya Libla u mbele wa meeso mage; iyaka oolo lya Babeli gubahagile baulu bose ba Bayuda. ⁷ Hamwechi na bibyo gum'belile Sedekia meeso, gummambile tunangila yulu gamyiche Babeli. ⁸ Nabo Bakaldayo bachigiche ndu gya oolo, na madu ma batu waahya, babelile bibambacha bya Yelusalemu. ⁹ Bibyo, Nebuzaladani, mmulu gwa basolokoto, balochi, guchiguhile kole chose cha batu bene babele bashigachu. ¹⁰ Haho Nebuzaladani mmata gwa basolokoto balichi, gubashigile bamwe bene bali bambuchu, babele bashi na bityndu, mnda giya sii gya ba Yuda, gubahele mabala ma mizabibu na mabala ma malimwe moka mamo mengo. ¹¹ Bino, Nebukadleza, oolo lya Babeli, gumlagile Nebuzaladani, mmulu gwa basolokoto gwa balochi, yulu ya mwano gwa Yelemia, ugana, ¹² Umguhe na ummuse abisa, naushimgile inywa yoyose ya iibi; wamgilile nahi byeliusambila. ¹³ haho Nebuzaladani, mmata gwa basolokoto gwa balichi, na Nebu-Shazbani, mmata gwa bashibagya ubaachana,na Nelgal- Shaleza, mmata gwa bata ba buoolo, na baata ba bilume pambwa bya buoolo bwa Babeli, ¹⁴ batumine batu bammunye Yelemia mnda lagala lya balochi, bam'biile mnda maboo ma Gedalia, mwaanagwa Ahikamu, mwaana gwa Shafani, yulu gammile u ndu gyage; bibyo gushamine na babo batu. ¹⁵ Haho inywa ya MLUME ichwilile Yelemia, maya mengo melibele mmambwe mndalagala lya balochi, ugana, ¹⁶ Bino, Ubegya wadogome na Ebedmeleki, Gwichopia, ugana, MLUME gwa bilume pambwa, Abetcha a Isilaeli, gwaganabino, Loola, nigionona gino mbuga wa binywa byanyi bya bisone,naushi wa abanda talala; nabyo byiwilila umbele ube lusugu lulo. ¹⁷ Bino niuhogonona gogwe luya lusugu, MLUME gwagana; na ushibiwa mnda maboo ma batu baya bolihumona booba. ¹⁸ Bululi iichigilwe, niuhugonona, na ushihagwa wa ahilu, na ichuli-chuli yobe ya mwego ibioli na kole; bululi ukudagile nene, MLUME gwagana.