¹ Hanyumaha uuwa wage Yoshua, baana ba Isilaeli bam'budiche Mlume, baganine, M nanyi gwigya gwa mtangi yulu yetu na Bakanaani, ulwa nabo? ² Mlume guganine, Yuda gwigya; loolwe, nagibiya giya sii m muboo wage. ³ Haho Yuda gumsambile Simeoni mshiwabo, Gogwe ugye hamwechi nanyi mnda luti lwanyi, yulu twaoshe ulwa na Bakanaani; hanyuma nene nigya hamwechi nobe mnda luti lobe, Haho Simeoni gugile hamwechi nage. ⁴ Yuda gugile; nage Mlume gubabiile Bakanaani na Bapelizi mnda uboo wabo; nabo babahagileuya Bezeki batu uki umi. ⁵ Bam'bangile uya Adoni-bezeki uya Bezeki; balwile nage, nabo babalwile Bakanaani na Bapelizi. ⁶ Alakini Adoni-bezeki gusinine; nabo bamlamine naum'bwata, bamgedile byaala byage bya maboo na bya magulu. ⁷ Adoni-bezeki guganine, Maoolo maumi njwii bene babele bagechwe byaala byabo bya maboona bya magulu, babele hutola biliwa hasi ha mesa manyi; nahi byandiitile nene, Abetcha agiwidicha byoka biya. Bammyiche Yelusalemu nage nuuwa uya. ⁸ Hanyuma baana ba Yuda balwilena Yelusalemu, bagisapile, bagilwile wa bwigi bwa ahilu, na ugichigya aahya gigyo mbuga. ⁹ Hanyuma baana ba Yuda basalile yulu ya ulwa na babo Bakanaani bene babele hushama u koono, na sii gya Negebu,na sii gya Shefela. ¹⁰ Hanyuma batu ba Yuda babalamine baya Bakanaani bene babele hushama Hebloni; (china lya Hebloni haya hambele gibele hugiswa Kiliath-alba;) nabo bammagile Sheshai, na Ahimani, na Talmai. ¹¹ Hanyuma uhuma haya gubalaminine baya bene babelehushama Debili. (Chinalya Debilihaya hambele gibele hugiswa Kiliath-sefeli.) ¹² Uya wine Kalebu guganine, Guya mine gigilwa Kiliathi-sefeli na ugisapa, nimgonja mwananyi Aksa gabe mmachage. ¹³ Nage Othnieli, mwaanagwa Kenazi, mnunage gwa Kalebu, gugiwatile; haho gumgonjiche mwanage Aksa. ¹⁴ Hanyuma ha haya hene heligile nage ushana nage, guya mmachana gubenjiche gasabe lubala wa uli sage; na gugo mmachana gusalile hegulu ha punda gyage; Kalebu gum'budiche, Uli husimba i yoli hubenja? ¹⁵ Mmachana guganine, Upale mihaa; bululi gogwe mambiya mnda sii gya Negebu, bino upe na misula gya maadi nagyo. Kalebu gummele biya bichiba bya maadi bya mlugulu na bichiba bya mmanda. ¹⁶ Babo baana ba Mkeni, guya shemeki gyage na Musa, baselile hegulu uhuma mnda gigyo mbuga gya tusugwe, hamwechi na baana ba Yuda, na ugingila mnda mgala gwa Yuda, gwine guli luubi lwa uboo wa ulume wa Aladi; nabo bagile ushama hamwechi na babo batu. ¹⁷ Hanyuma Yuda gugile hanwechi na mshiwabo Simeoni, na babalwile Bakanaani bene babele hushama Sefathi, na ugidogya mbuga abisa. China lya gigyo mbuga gibele hugiswa Holma. ¹⁸ Hamwechi na bibyo Yuda guwatile Gaza hamwechi na ng'umba chage, Ashkeloni na lugumba lwage, na Ekloni na lugumba lwage. ¹⁹ Mlume gubele hamwechi na Yuda; nage gubachingile batu bene babele hushama sii gya koono; gushioshiche ubachinga baya babelehushama mnda sii bya ihongelela, yulu babo babele na tubilibili twa bigela. ²⁰ Hanyuma bammele guya Kalebu Hebloni, nahi byelidogomine na Musa nage gubachingile baya baana ba Anaki. ²¹ Alakini baana ba Benyamini bashibachingile Bayebusi bene babele hushama m mbuga gya Yelusalemu; bibyo Bayebusi bene babele hushama hamwechi na baana ba Benyamini mnda Yelusalemu balimo ndaa na bino lino. ²² Ndu gya Yusufu nagyo, boo nabo baselile ugya Betheli; nage Mlume gubelehamwechi nabo. ²³ Hanyuma ibushi ya Yusufu bahilile batu ugya udindaBetheli. (China lya gigyo mbuga hambele gibele hugiswa Luzu.) ²⁴ Baya badinjibamonine mtu gulihutobowa mnd gigyo mbuga, bamsambile, Ibumbu ino, utumonye bugingililo bwa gino mbuga, na beswe twiugilila bisoga. ²⁵ Haho gubamoninye bugingililo bwa mbuga, nabo bagilwile gigyo mbuga wa bwigi bwa ahilu; alakini gugo mtu bamleile galigile lwage, na batu bose ba ilongo yage. ²⁶ Gugo mtu gugile mnda sii gya Bahiti, gugubae mbuga, gugitile china lya gigyo mbuga Luzu; nalyo noo china lyagyo ndaa na lino. ²⁷ Iyaka Manase gushibahuminye bashami ba Bethsheani na mabuga mage, na ata na baya babele hushama Taanaki na mabuga mage, na ata na baya bene babelehushama Doli, na mabuga mage, na ata na baya bene babele hushama Ibleamu na mabuga mage, na ata na baya bene babele hushama Megido na mabuga mage; alakini babo Bakanaani bene bashigitabiche ugishiga gigyo sii. ²⁸ Hanyuma bibele, haya Isilaeli hababele bahuba na uoma wingi, noo habababiile babo Bakanaani mnda migilo gya gigumagachu, na bashibachingile abisa. ²⁹ Eflaimu nage gushibahuminye Bakanaani bene babele bashame Gezeli; alakini Bakanaani bashamine mnda Gezeli hawingi habo. ³⁰ Zabuloni nage gushibahuminye bashami ba Kitloni, na ata baye bene bashamine Nahalali; alakini Bakanaani bene bashamine hawungi habo, babagidichi migilo gya gigumagachu abisa. ³¹ Asheli nage gushibahuminye bashami ba Aka, ata na baya bashamine Sidoni, ata na baya ba Alabu, na ata baya ba Akzibu, na ata baya ba Helba, na ata baya ba Afeka, na ata baya ba Lehobu; ³² alakini Baasheli bashamine hawingi ha Bakanaani, baya bashami ba giya sii; na bashibachingile. ³³ Naftali nage gushibachingile bashami ba Bathshemeshi, ata nabaya bene bashamine Bethnathi; alakini gushamine hawingi ha Bakanaani, babo bashami ba gigyo sii; hamwechi na baya babo bashami ba Bethshemeshi, na bashami ba Bethnathi, babagilile migilo gya gigumagachu. ³⁴ Hanyuma Baamoli babachingile baanaba Dani bagye u koono; bululi bashibagitabiche uundumwina wihongelela; ³⁵ alakini babo Baamilo bagililile ushama u loono lwa Helesi, na uya Aiyaloni, na uya Shaalbimu; hamwechi na bibyo uboo wa ndu gya Yusufu ubahimine, na byabagidiche migilo gya gigumagachu. ³⁶ Lugumba lwa Baamoli lubele uhuma uya na usela Aklabimu, utula luya loono, na hegulu hage.