¹ Na namgimbile mmunjwa gwanyi lwimbo lwa mmunjwa gwanyi wa yulu ya lubala lwa mizabibu, Mmunjwa gwanyi gubele na lubala lwa mizabibu, Uloono lwine lwina unaga wiingi. ² Guchunguluye mvule ngubi chose, Guhuminye mawe mage, Guunine mnda lubala mzabibu gwa gusoga, gugubaile mnala m'bwingi na lubala, Gudabile ha uhiila malwa mnda lubala, Guudagile ugana gwiiha zabibu, Nago nuuha zabibu gya mgala. ³ Na bino, benywe bashami ba Yelusalemu, na bwnywe batu ba Yuda, sobolwe hawingi ha nene na lubala lwa mizabibu. ⁴ Wi wii! Ii mgilo nai gugiliye mnda lubala lwanyi lwa mizabibu gwandishigilile? Bino, handiudagile ugana gwiha zabibu, yulu yai gwahuha zabibu cha mgala? ⁵ Bino mndi, hano nimsambila byandilugila lubala lwanyi lwa mizabibu; nihunya hilubala hyage, nahyo hyiliwa; nibela ibambacha yage, nalo lwigyatilwa; ⁶ na nene niludogya; na gushisosolwa matabi na lushilimwa, na lwimena migwa gwa bihama na byokole; na nene nimasambila matimba mashinye mbula hegulu halo. ⁷ Bululi lubala lwa mizabibu lwa MLUME gwa basolokoto noo ndu gya Isilaeli, na batu ba Yuda noo bihama byage bya ubenja meeso; guudagile umona uonona wa kiine, na mndi gumonine umonena; guudagileumona kiine, na mndi! Guhuliche lihanga. ⁸ Luhanga lubi uli baya bene balihulibiya ndu hegulu ha ndu, na ubiya lubala hoka na lubala, na hashi iyaka ihana, na benywe mulinywe ushama benywe bushima mnda ibalo! ⁹ MLUME gwa basolokoto gwadogoma mnda matu manyi, Chigilwe madu mengi mishigala mauwa, ehe, madu mamata, mabenju, mabi mashi na batu, ¹⁰ Wa bululi lubala lwa magulu sambi umi lwisolwa itanga imwechi ka, na itungu ya matete byiha lubada lumwechi ka. ¹¹ Luhanga lubi uli baya balihubyuwa umayaya, ugya naenga malwa; balihuhungicha abisa ata mkundu gya busugu mpaga boo uolwa na ndaa! ¹² Na inubi, na zeze, na milimbalimba, na mafilimbi, na malwa, mose mali mnda sumbilo lyabo; na bibyo bashihulola mgilo gwa MLUME na bashihuengelecha bigilanywa bya maboo mage. ¹³ Wa yulu ya bibyo batu banyi bawaswa kole, na wa uhulwa uba na malango; na batu babo bene bali na bisuba bya byata balina ndala,na beengi babo bali na yuma abisa. ¹⁴ Wa bibyo sinda lyaongecha itima yage, wagaliya anywa age hashi na ilinga; na ugengeda wabo, na bwingi bwabo, na alugu abo, nage iyaka gaseelele hawingi habo, gulihusala na ugingila oo. ¹⁵ Na mtu alema gwiginamiwa, na mtu mmela gwisusulwa,na meeso mabo maginunywe misachiwa., ¹⁶ bino MLUME gwa basololkoto gwaginunywayulu ya uonona,na Abetcha ali Ahaha ahahachiwamnda kiine. ¹⁷ Haho mwaana gwa mmoo helilishiwa nahi u bulilo bwabo, na ihana ya bahemine, hene hashigilwe mauwa, bagenyi bihaya. ¹⁸ Luhanga lubi uli baya balihubula usona wa mgochi gwa byose ii bunene, na buube nahi wa mgochi gwa abilibili. ¹⁹ balihudogoma, Na gagile abilo, gagile wa chigile mgilo gwage, yulu tugumone; na lihiye lango lwage guya guli Mmaha gwa Isilaeli, na tulimone. ²⁰ Luhanga lubi uli baya balihugana usona ii usoga, na busoga ii usona; balihubiya mdo hanyuma ha lwenge, na balihubiya bululu hanyuma ha saa, na saa hanyuma ha bululu. ²¹ Luhanga lubi uli bene bali na malango u meeso mabo bobene; na bina lwenyi u meeso mabo bobene! ²² Luhanga lubi uli bene bali na uoma wa unywa malwa ma buhuchi, malumyana bali na uoma wa usupaganya malwa; ²³ balihuha mlubi kiine, yulu bahewe alambwe, na uumgima kiine mine gwina kiine gyage. ²⁴ Wa bibyo nahi lulindi lwa ahyaa byalusuchigya byoloolo bya bigumu, nahibiya nyobu byachisugwa mlulindi lwa ahyaa; byoka biya shina lyabyo libi nahi bihupu na buluba bwabo bwigululwa nahi ihwili; ibalo baguhanya m'bindo gwa MLUME gwa basolokoto, na uibedula inywa yage guya Mmaha gwa Isilaeli. ²⁵ Wa iyo ibalo sungu cha MLUME chagunjuwa hegulu ha batu bage, nage gwagolola uboo wage hegulu habo; na gubahugumbile, nato tuoono twadandan na bitumba byabo bibele nahi lusumbi mnda ndila. Hamwechi na bibyo byose sungu cha MLUME chishigile koo, na uboo wage uli ugolobu ata bino. ²⁶ Nage gwigihungicha bendela mioga uhumina koo, Nage gwibagilila tugundu uhumina isula ya sii; Na loola, bichwa abilo abilo abisa. ²⁷ Hawingi habi hashi gwiima na hashi gwa uhyatala; Hashi gwa uhongele na gwa ululu tulo; Na ata michingo munda chabo gishilebela,Na ata mgochi gya mkalabanda gyabo gushiutuwa; ²⁸ Migwi gyabo gili na bwiigi, na mata mabo mose mali mahingwe; Tubidi twa falasi chabo twibalwa nahi mnaga; Na bichigi bya tubilibili twabo nahi xxxxxxxxx; ²⁹ Uukula wabo ubi nahi wa tambwe; Biduga nahi mwana tambwe; Ehe, biduga na uwata kole, Na hashi mtu gwihogononya, ³⁰ Nabo biduga hegulu habo lulo lusugu, Nahi udiga wa bahali; Na mtu gabelola ibaloo, gwimona mdo na asusu, Nalo lwenge lwaiswa uba mdo u matimba.