¹ Wa bululi, loola, Mlume, MLUME gwa basolokoto, gwabahuminya Yelusalemu na Yuda ugegama, na bugegamino,bugegamino bose bwa iliwana bugegamino bose bwa madi. ² mtu gwuoma na mtu gwa bita; mgechi gwa milandu na mbuwa; gwa magabo na miungu; ³ solokota guli hegulu ha batu maumi matano, na mtu gulingye, na gwamihungo, na mino gwa bwino, na mgabo gwine gugidi luganga ganga. ⁴ Nene nibaha baana babahyilile, na baana ba tulela babi na inywa hegulu henyu. ⁵ Nabobatu bimonenywa, mtu na gunge nage, na mtu na m'binji nage; mwaana gwilitona umbele wa mmote, na mtu alema umbele wa mtu gwa lwengu. ⁶ Mtu helim'bwata mshiwabo mnda ndu gya sage, gulihugana, Gogwe wina bichwalaganywa, gogwe ube na inywa hegulu hetu; na ino ihana ibeleile ibehasi ha oboo obe; ⁷ bino, luya lusugu gwiginuna lidi lyage, gwigana, Nene nishibi iyaka guhonya batu; bululi mnda ndu gyanyi mushi biliwa ata na bichwalaganywa; na mushimbiya uba na inywa hegulu ha bano batu. ⁸ Wa yulu ya Yelusalemu yabelwa na yuda bagwile, wa yulu ya ndimichabo na bihisho byabo bili pinda piswa na MLUME, na ata bibyo balihuonywa meeso ma ugengeda wage. ⁹ Umoneya wa byenyi byabo bili hubangisiya yulu yabo, balihumonya buube bwabo na Sodoma, bashi hububisa. Lujanga lubi u bichuli=chulu byabo bya mwego, wa yulu baligiwidicha bichuli-chuli byabo bya mwego usona. ¹⁰ Basambilwe bene bina kiine ugana babi na luhanga lusoga, bululi biya biguma bya bigilanywa byabo, ¹¹ Luhanga lubi wage mtu msone; buube bubi hegulu hage, bululigwihewa alambwe a maboo mage. ¹² Yulu ya mwano gwa batu banyi, baana noo bali hubamonena, na baachana noo bali nainywa hegulu henyu, Benywe batu banyi, bene bali hugolwela balihuulubya, balihudogya mndila gya buhotilo bobe. ¹³ MLUME gwagimana yulu gashitaki, gwagimana bululi gaonone batu. ¹⁴ MLUME gwigingila yulu gaonone miungu gya batu bage na bahele babo; Benywe noo mlile lubala lwa mizabibu; bitu byamuwashile kole ba mbuchu bili mnda madu menyu. ¹⁵ Iyii mana mage, benywe ubamonena batu banyi, na uhyilila byenyi bya ba mbuchu? Mlume gwagana, MLUME gwa basolokoto. ¹⁶ MLUME guganine iyaka, Wa bululi misiha gya Sayuni gili na buhulihuli, na ugyata na maoshi ma magimiwe, na meeso m'itima, balihugyata wa matamba ma buyanja, na uchwala lunga u magulu mobo; ¹⁷ Bino, wa bibyo, Mlume gwibahula bawamisiha gya Sayuni wa bihele bya mlubombo, na MLUME gwibuluila buchi bwabo . ¹⁸ Lusugu lulo MLUME gwibahuminywa busoga wa kunga chabo, na madu mabo; ¹⁹ na matimbima mumatu na mabangili, na sala chabo; ²⁰ na itambala ya igachichu, lunga lwa umagulu,na uhanga gumo, na bibiilo bya malashi, na bihindi bya bibambi byabigolwe; ²¹ na pete, na bihinda bya nolo bya ubiya umihyembe. ²² na bichwalaganywa bya lusugu lwa saso,na bya uliwila uyenyi; na kunga; na byulihupa umaombe, na atondo a madi; ²³ na biyoo bicho, na anyiki abenju, na byulihupa mswe gose, na lushungi. ²⁴ Na ata habibi uba na malashi noo ugalulanya na unyuka wa ubola, hauba na mchingo nuba na mgochi; hauba na njuli cha chiluwiwe bisoga noo ibanda; halingye uba na bichwalaganywa noo bisanjwa; na ubiwa ibala na ahyaa hanyuma hauba kolongecho. ²⁵ Batu bobe ba balumyana bigwa wa ahilu, na bilume pambwa bigwa ubita. ²⁶ Michango gya Yelusalemu gyilila na uba na malilo, nage gubi na mauwa, gwishama hasi.