¹ Uununywa yulu ya Moabu. Bululi mnda busugu bumwechi Ali gwa Moabu gwadogiwa abisa na uchimiwa. ² Bashina hegulu ndaa na Bayithi na Diboni, ndaa na ihana yine ili hegulu bululi balile; hegulu ha Nebo na hegulu ha Medeba Bamoabi balile; bina bibanda hegulu ha miswee gyabo bose; na alembe ose abegwa. ³ Balichiya bisanjwa bya madagala mnda madila mabo mamata; hegulu ha butato bwabo, na mnda mikoba gyabo, batu bose bali hulila, balihutupula byosochi. ⁴ Heshboni gulihulila na Eleale; ndaa na Yahasalidi lya ulila lili huhulichiwa; ata batu ba Moabu bali bachwale byulwa nabyo baita mdodo abisa wa yulu ya iyo ibalo; ichuli-chuli yage ya mwego ilihidanda mnda mwage. ⁵ Mtima gwanyi guli humlilila Moabu; bahela bage basinina Soali nahi mwana ng'ombe gwa myaa gitatu; na nahi biya mbachu cha Luhithi balilile, bululi mndila gya ugya ndaa na Holonaimu balihugabuwa wa uwa mtima. ⁶ Bululi madi ma Nimlimu masili ihana yine idogile, bululi byanyi byaguma, byunaganywa byaguma, byanyi bya bibisi byasunga. ⁷ Wa bibyo bibya byabalyengele bee, na luhinda lwabo, baluswala ndaa na u luudi lwa mielebi. ⁸ Bululi lilo lilyo lyachunguluwa ndaa na Moabu, ugabuwa wabo wahiya ndaa na Englaimu, na ugabuwa wabo ndaa na Beel-Elimu. ⁹ Bululimadi ma Dimoni magilula mash; yulu nabiya asusu aahya hegulu ha Dimoni, tambwe gyaye batu ba Moabu bene basinine, na yulu ya mihona gyabo.