¹ Mano noo malo ma mtima ma Isaya, mwana gwa Amozi, melimonine u mwano gwa Yuda na Yelusalemu, masugu ma Uziya na Yothamu na Ahazi na Hezekia maoolo ma Yuda. ² Hulichiwe benywegulu, tegwe litu, Ee sii, bululi MLUME gwadogoma; Nabalisha baana ba ubabeya, nabo bamenga. ³ Ng'ombe chigidi mine nacho, Na punda chigidi itulatula ya mlumyage; Mndi Isilaeli gushigidi, batu banyi bashihulanga. ⁴ Luhanga lubii, uli mmoga gwine guli na buube, batu balihuswala mchigo gwa usona, ibushi ya bangila biibe, baana bene bali hudogya; bamleya MLUME, bali humnenuna gee mine guli Mmaha gwa Isilaeli, basobeganya nage na ugiwile unyuma. ⁵ Yulu yai mulihubenja uhulwa ata bino, ata ugulilila umenga? Mswe gose mgusumwa mtima gose gwachiminya malanga. ⁶ Utula iasasa yugulu ndaa na mswe gose mushi mwego mnda mwage. hali malase na ushubuwa na bilinda bilihuhuma aama; bishihambilwe, bishiandilwe, na bishishinyiwe mauta. ⁷ Ibalo yenyu ili mauwa; na mabuga menyu mashigiwa wa ahyaa; sii gyenyu, bagenyi ba iya umbele wa meeso menyu; nayo ili mauwa, nahi ugana bachimiwa na bagenyi. ⁸ Na msiha gya Sayuni gwashigwa nahi ibanda mnda lubala lwa mizabibu, nahi itula mlubala lwa biboga, nahi mbuga gichunguluwilwe. ⁹ Nambo MLUME gwa basolokoto gusabatushigila bamwe batu bacho abisa, twisuba nahi Sodoma; twabahwanana na Gomola. ¹⁰ Ihulichiwe inywa na MLUME, benywe baachi ba milandu gya Sodoma; tegwe matu muhuliche m'bindo gwa Abetcha, benywe batu ba Gomola. ¹¹ Buno bwiingi bwa lutangi lwamuli huutangila lwina a,ambwe nayi? MLUME gwagana. Nina mauta magiluchu ma miyoo gwa gitambikilwe gwa milume, na mauta na nyama cha chinonyu; nene nishihuseelela mashi ma ng'ombe, ata ma mwana gwa mmoo, na ata ma mabuchi ma malunga. ¹² Hamwichwa yulu ya ulimonya wandi, mnanyi gusabile ino inywa mmaboo menyu, umagyatila malagala menyu? ¹³ Mushichwe iyaka na lutangi lwa luube; aswenge iyusona wandi; mwechi gwa abalu na sabato na ugita sumbilo; nishi hubibenja bibyo na sumbilolwa lwa inyumbya. ²⁴ Wa bibyo MLUME gwa bilume pambwa gwagana, Dambe, gwa Isilaeli, nihewa mmungyo uli baya bene balihumenga, niguha ugiwidicha buube uli tumangu twanyi; ²⁵ nene niubiya uboo wanyi hegulu hobe, na uhahacha na lusumbi lobe abisa, na niuhuminya manjanja mobe mose; ¹⁶ Ligogwe, lihahachiwe; hunyiwe usona wa bigilanywa byenyu ushube umbele wa meeso manyi; leewe ugila biibe; ¹⁷ muligigye ugila bisoga; benjiwe uonona na kiine; bawatilichiwe bene bali humonenywa; mmewe shige kiine gyage; mdogomenywe m'bwile. ¹⁸ Bino, chuwe, tugombole, MLUME gwagana. Buube bwenyu inangwa bwahuba bugachichu abisa, bubi buhaha nahi imundimundi; bwahuba nahi ibala ya igachichu bubi nahi bupamba bwa msufi. ¹⁹ Nambo mwigitabicha na unyemya mwiya unona wa sii, ²⁰ bino nambo mwihanya na uumenga mwihagwa wa ahilu; bululi anywa a MLUME noo adogoma bino. ²¹ Mbuga gino gibele giwashe gyachwawi uba sengu! Gee mine gubele mgiluchu uonona wa kiine; kiine gishamine mndamwage, mndi bino basili bahagi! ²² Bumona bobe busisi lusumbi, divai lyobe lya supaganyiwa na madi. ²³ Bahele bobe ii babengi, na magenda ma beebi, batu basubenja ugenjwa milomo, basilama ulipwa; bashi huuha shige kiine gyage, ata binywa bya m'bwile bishi hubahyila. ²⁴ Wa bibyo MLUME gwa bilume pambwa gwagana, Dambe, gwa Isilaeli, nihewa mmungyo uli baya bene balihumenga, niguha ugiwidicha buube uli tumangu twanyi; ²⁵ nene niubiya uboo wanyi hegulu hobe, na uhahacha na lusumbi lobe abisa, na niuhuminya manjanja mobe mose; ²⁶ na nene nigiwicha buhya bagechi bobe ba milandu nahi byababele haya hambele, na baya buuhunga babe nahi haya hambele; hamnyuma ha bibyo wigiswa; Mbuga gya kiine, mbuga gya winene. ²⁷ Sayunu gyihogononywa na uononya, na bawasha bage wa kiine. ²⁸ Bibyo udoga wabo wa balubi na bene bina buube byimoneya mengo mamwechi, na baya balihumleya MLUME bichigiwa waahyaa. ²⁹ Wa bululi badamba mme yulu ya miamba gyamubanjiche, na benywe mwimona abule bululi bwa tumabala twamusobolile. ³⁰ Bululi mubi nahi mmamba gwine guli na byanyi bya byaguma, na mnda hilubala hishi na madi. ³¹ Na mtu gwa uoma gubi nahi gwagya kumbi, na mgilo gwage nahi mitetele gya ahyaa; nabo bilama bose hamwechi na hashi gwibachima.