¹ Mengo maheta Abeca kodokomine nabata tulu betu ohetela banabii nyendo nyingi na madela menge. ² Lakini mano mengo twenamo Abeca koleodokoma nabeswe ohtela mwanake, kubilwe obaa mmyane wa bitu byose,na ohetela ke kubumbije lungu. ³ Mwanake lwenge lwa bahaha bwake, tabiya buchima ya asili liake, kusoeta bitu byose wabinywa byangufu wake. Kisha olohonya habobe kweshame obo wa olome wa buhoro ya ekolu. ⁴ Kwa bibenju oheta malaika, nambo biya kuhyane shina lebe bibenju oheta mashina mabo. ⁵ Nambo imalaika naye kobangile odokoma, "Kokwe imwananyi, leno nisesobe?" nayaka, "niba sobe, nake kweba mwananyi?" ⁶ Hayaka, maya mengo Abeca kuleshibe poswa kwa tangi mnalulingu, odokoma, "Malaika bose ba Abeca bakelelele oabudu." ⁷ Yulo Malaka odokoma, "kee kuitule malaika bake uba itima, habakushi bake oba nahe ndile chahaya". ⁸ Nambo kuhusu mwana odokoma, "Ete yobe ya buolo, Abeca, iyamilombo na milombo. Lobongo ya buolo bobe na lobango iya kene. ⁹ Obenjile kene na onaka a mpendo, yulo ya bibyo Abeca, Abeca kobe, kulishinye mauta na saso oheta benabe". ¹⁰ Haho hala, lume, ubile bioko ya lungu. Hekolu ikelo ya mabo mobe. ¹¹ Bihuma, kokwe weba byose beba bihosu nambo ngubo. ¹² Webunga bunga nambo echibabo, byabo biukaluwa nahe ngobo. Weba kokwe, namyaa kyobe kishiwa. ¹³ Imalaika naye Abecakodokomine mengo mose, "shama oboo wanyi waulume mengo nee ita mpee kobe uboa iteeya makolu mobe"? ¹⁴ Je, Malaika bose bashi mitema batuminywe ukalela mweka?