¹ Yulo ya bibyo tubeye kipawa mbele ya ukelela yulo yabiya tuolecha, yulo tushibewe mbale nabo. ² Mwano kole odokomwa iwatenene, na bobe na ohanya opokela ohobwa tu, ³ tbihewa bihe usena nambo tushikitabowa ohana oommata? ohona wenywe oleotanza na lume haokelelela nabeswe mabaya boholeche. ⁴ Ke Abeca mine kokelolile bikoko, byabikakeche, bikolelanywa bya byita, byenye bakelele ya itema kwa maaha kabahebe olamana na obe nja wake kemine. ⁵ Abeca kushibile lunga lwine lwachwa, tweba olesamba mwano kwake, hasa malaika. ⁶ Hanyuma wake, hu fulani kulesmbile fashi fulani kwedokomine, "Hi inanyi, hata kawece olanga? Ao mwana kwa hu, hata kahonye? ⁷ Itu oba inene ooheta malaika, wachuya taji yabohaha na heshima. Mbatela: ndaa ookelelela wa kwene ya mwanjo, mishitale koko kushiho. " Naupile yulo ya kiefo ya mabo mobe. ⁸ Wabeyaa kila etu asee amakulu make. "Wa bibyo Abeca kubile kila etu asee aatu. Kushishikile ata etu emwe chi ishi hasee ake. tusiomona etu ishiasee ake. ⁹ Haho bibyo, tweomona mine kobele mengo mane, hasee oheta malaika Yesu, yulo ya bibyo ya mateso yake nalubu lwake, bachuya kata ya buhaha na heshima. Yulo ya neema ya Abeca, Yesu kwatonda lubu yolu ya kila hu. ¹⁰ Ebele ya saa hii Abeca, yolo ya ela etu ebee yolu yake ohetela ke, ilengye owabela bana bengi indaa bohaha, ilengye oeta kabe kiongozi indaa ohana wabo okamilisha ohetela mateso make. ¹¹ Wa bibyo bose babele keya kobile hololo nabaya kabewa hololo, bose bahuma hasili kemwechi, Abeca kushiomona bibaya ubakita bandoko. ¹² Heokana, "nisambalacha china liobe obandoko banyi, nekemba ohete la kokwe uhuma indaa lubonga." ¹³ Eyaka nakana, "halyaka mona, hano nnabona Abeca kwapaa". ¹⁴ Wa bibyo, baana ba Abeca bose uba amwechi ipeele na mashi, ha bibyo Yesu kobele hamwechi bitu byoka bibyo, yolo ohetela lubu ahewee ngufu yakoya kobele hekolu ya lubu, iimobu. ¹⁵ Obaeta holulu baya bose ohatela lubu babe na mweko bose ndaa icha. ¹⁶ Wa bibyo kushi malaika kusobasaidia. Uhuma kekusobasaidia loboto lwa Ibrahimu. ¹⁷ Yulo ya bibyo, obele lazima ke kobeye nahe bandoko bake indaa ndefu chase, yolu kaweche ubakuhani mmata mine kenee hauba mwaminifu wa bitu bya Abeca, yolu ya bibyo kabe hangufu wauhuma isamaha kwa bbe bwetu. ¹⁸ Yolu ya bibyo Yesu emine katesekilem na otondwa na kwenangufu na kusaidia baya benye bale otondwa.