¹ Mwaa gwa bubili gwa olo Dario,mwechi gwa mtuba chuba lya litangi lya mwechi, Inwa ya Mlume imchilile Zelubabeli, mwana gwa Shealtieli, mlochi gwa Yuda, na Yoshua, mwana gwa Yehosadaki, ibuli ya yata, wa anwa age Hagai mbuwa, ugana. ² Mlume gwa bilume pambwa gwanaga bino, bano batu baligana, mano mashimengo malingye uchwa, mano mashi mengo maugubaa nduu gya Mlume. ³ Haho noo inwa ya Mlume ichwile wa anwa a mbuaHagai ugana. ⁴ Wii ! Mano noo mengo ma benwe ushama mmadu ma menga mailu ma mbao, inangwa gino nduu mgishame gya gibelebu? ⁵ Bino mndi, Mlume ilume pambwa gwagana bino, lilolwe madila menyu. ⁶ Mwauna biguma biingi mwisola biicho; mwiyaa na mushigyuta; mulihunwa magumo mashigilula na byunwa; mulihuchwala bichwalaganwa hashi mine gulihumona yuuda; na guya mine gulihuhewa alambwe na uhewa alambwe na ubiya mmifugo gya gibelebu mahundu-mahundu. ⁷ Mlume gwa bilume pambwa gwagana bino, lilolwe madila menyu. ⁸ Chinwe koono, mchwe na miti, mwagigubae ndu; na nene nigiseelela, na nene nitonwa, Mlume gwagana. ⁹ Mubelehuudagilabiingi , mndi byahumonea biicho; na hamubihyiche mndu nibigimbule. Ii yulu ya ii ? gwagana Mlume gwa bilume pambwa. Ii yulu ya nduu gyanyi gili gishame gya gibelebu, mndi benwe kila mtu gulihusinina mnduugyage. ¹⁰ Bino yuluyenyu gulu lyachibilwa nanguuhunya iyaka imee, na sii nagyo gyachibilwa nangu uhaa bigumabyage. ¹¹ Na nene nahuuhila mengo ma yuuda machwe hegulu ha ibaloo, na hegulu ha koono, na hegulu ha biliwa na yulu ya divai lya lihya,na yulu ya mauta, na yulu ya byose bisuhuma m'bitete, na yulu ya batu , nayulu na nyama chose, na yulu ya migilo gyose gya maboo. ¹² Haho Zelubabeli mwana gwa Shealtieli, na Yoshua mwana gwa Yehosadaki, ibuli,hamwechi na bibyo bisunga byose bya batu, bahuliche lidi lya Mlume, Abetcha abo, na binwa bya Hagai mbuwa, nahi Mlume Abetcha abo, byeli mtumine; na bao batu bamonine booba u meso ma Mlume. ¹³ Haho Hagai Mtumwa gwa Mlume, gubasambile batu, guganine, nene nilihamwechi neenyu, guganine Mlume. ¹⁴ Mlume gubyulile mtima gwa Zelubabeli, mwana gwa Shealtiele, mlohigwaYuda, na mtima gwaYoshua mwana gwa Yehosadaki, ibuli ya yata, na mitimagya busunga bya batu, bagile naugila mgilo mndu gya Mlume gwa bilume pambwa, Abetcha abo. ¹⁵ U masugu maumi mopi na mana ma mwechi, mwechi gwa mtuba, mmwaa gwa bubili gwa oloo Dario.