¹ Haho Yusufu gugile umsambile Falao, gumganine, Tata na bashiwetu, na miyoo gyabon na ng'ombe chabo, na byose byabali nabyo, bahiya uhuma iya ibaloo ya Bakanaani, nabo basili uya Gosheni. ² Guguhile haya batu batano hawingi ha bashiwabo, gubagimiya u meeso ma Falao. ³ Falao gubabudiche baya bashiwabo, Mgilo gwenyu ii mgilo nai? Bamsambile Falao, Bacha bobe tuli baushi ba nyama, beswe na bamasetu. ⁴ Bamsambile Falao, Twachwa ushama u bugenyi mnda gino sii, bululi nyama cha bacha bobe chishi na ihana ya ulila, bululindala gili giingi abisa mnda ibaloo yose ya Bakanaani. Bino, tuli huutendelela, utugitabiche beswe bacha bobe tushame uya Gosheni. ⁵ Falao gumsambile Yusufu, guganine, sobe na bashiwenyu buchwilila; ⁶ ibaloo ya Misili umbele obe, ihana yoyose iya yolimona isoga ubabiye sobe na bashiwenyu; na bashame mnda ibaloo ya Gosheni. Iyaka nambo ubagidi ugana hali batu buosha hawingi habo, ubabiye babe bahele ba uusa nyama chanyi. ⁷ Yusufu gummyiche sage Yakobo mnda ndu gya Falao, gummalile Falao mihaa. ⁸ Falao gum'budiche Yakobo Wi wii! masugu ma myaa gyobe mmanga? ⁹ Yakobo gumgaile Falao, Masugu ma myaa gya ushama wanyi ii myaa sambi na maumi matatu; masugu ma myaa gyanyi gisili gocho, itaka gya asusu, na mashihyile masugu ma myaa gya tata nahi masugu ma mwego gwabo ¹⁰ Yakobo gu mmalile Falao mihaa guhumine u meeso ma Falao. ¹¹ Yusufu gubashaminye sage na bashiwabo, na ubaha buoolomnda ibaloo ya Misili, wi ihama isoga ya ibaloo, mnda ibalo ya Lamesese, nahi biganine Falao. ¹² Nage Yusufu gubalishiche sage na bashiwabo na ndu gyose gya sabe, wa ulamana na lubalo lwa baana babo. ¹³ Ata bibyo hashibele na biliwa nda sii gyose, yulu ndala gibele gya bushito abisa, na ata mnda ibalo ya Misili, na ibaloo ya Bakanaani isusulwe abisa, bululi bwa ndala. ¹⁴ Yusufu guongole bumona bose bwine bumoneye mnda ibaloo ya Misili na mnda ibaloo ya Bakanaani, bwa biliwa byabagulile. Yusufu guhyiche buya bomona mnda ndu gya Falao. ¹⁵ Bumona bose habuhwile uongolwa mnda ibaloo ya Bamisilina ibaloo yose ya Bakanaani, Bamisili bose bachwile bamchwilile Yusufu, baganine Beswe utuhe iliwa, yulu yai tuwe u mbele wa meesomobe? bululi bumona bwetu bwahuhwa. ¹⁶ Yusufu guganine, Hanywe nyama chenyu, na nene nimma biliwa, ugulana na nyama chenyu, nambo bumona bwenyu bwahuhwa, ¹⁷ Bachwile na nyama chabo uli Yusufu; Yusufu gubahele biliwa, bya falasi, na bya miyoo, na bya ng'ombe, na bya punda, nage guchiliche nyama chabo chose guya mwaa. ¹⁸ Na guya myaa haguhwile, bamchwilile mwaa bubili, bamsambile, Tushihum'bisa mlumyetu ugana bumona bwetu bwahuhwa, na bihichi bya nyama chetu noo bibya bya mlumyetu, hashishigele itu umbele wa mlumyetu, nambo mibili gyetu ba bibaloo byetu. ¹⁹ yulu yai tuwe umbele wa meeso mobe, beswe na ibaloo yetu? Ubetugula beswe na ibaloo yetu na biliwa, beswe na ibaloo yetu tubi bacha ba Falao; hanyuma utuhe matete, twabe na mwego na tushiwe, na ibaloo yetu ishichimine. ²⁰ Haho Yusufu nuumgulila falao ibaloo yose ya Misili; bululi Bamisili bagudiche kika mtu lubala lwage; wa ibalo ya ndala gibele gibaoshe abisa, ibalo yo nuba ibya ya Falao. ²¹ Gubabulule babo batu, gubabiile mnda mabuga, utula lulu luubi lwa Misili ndaa na luya luubi. ²² Haya ibalo ya bibuli gushiigulile; bululi babibuli babele na pamba gyabo uhuma wa Falao, babele huya pamba gyabo gyababele huhewa na Falao. Wa bibyo bashigudiche ibaloo yabo. ²³ Yusufu gusambile batu, Loolwe, namgula lino, benywe na ibaloo yenyu, uba bibya bya Falao; bino, matete menyu m'bemauna mnda ibalo. ²⁴ Hamihiya mengo na uesa mwimma Falao iba ya bitano, na ibaa ya bina ibi yenyu benywe bene, uba ii matete ma ibaloo, na uba biliwa byebyu, na biliwa bya baya bali mnda madu menyu, na biliwa bya baana benyu. ²⁵ Baganine, Watubiya na mwego, tulihusaba tuhewe ugitabichiwa u meeso ma mlumyetu, na beswe tubi bacha ba Falao. ²⁶ Yusufu gubiile m'bindo gwa mwano gwa ibaloo ya Misili ndaa nalino, ugana ibaa ya bitano ibi bibya bya Falao. Iya ibaloo ya bibuli kaa noo ishibi ibya ya Falao. ²⁷ Isilaeli gushamine mnda ibaloo ya Misili, mnda ibaloo ya Gosheni. Bapashile bibya mmo, babulile naugulilila wine ubo, ²⁸ Yakobo gushamine iyakaginge myaa umi na njwii mnda ibaloo ya Bamisili, bino, masugu ma myaa gya mwego gwa Yakobo gobele myaa sambi na maumi mana na njwii. ²⁹ Masugu ma uwa wa Isilaeli mo nuhiya; gumgitile mwanage Yusufu, gumsambile, nambo nagitabichiwa, u meeso mobe, biya uboo obe hasi ha tango lyanyi, wangitile uleelela ea chigilwe; nuutendelela ushinjiye mnda ibaloo ya Bamisili. ³⁰ Mengo mandilala hamwechi na bamatata, waswale uhuma Misili, wanjiye mnda sinda cha bamatatulu. Yusufu guganine niita nahi byolihudogoma. ³¹ Yakobo guganine, undahile, Yusufu gumlahile Isilaeli guliginaminye uli mwamba gya ingo.