¹ Habele maya mengo, Yuda gusalile uhuma u bashiwabo, guhiili na ushama wa gumwe mtu gwa Badulami, china lyage Hila. ² Yuda gumonine uya msiha gwa mtu Mkanaani, china lyage Shuwa. Gumguhile na ugingila weli. ³ Guswalile gumo, gubutile mwaana gumgitile china lyage Eli. ⁴ guswalile gumo iyaka , gubushile mwaana, gumgitili china lyage Onani,. ⁵ Gugililile, gubushile iyaka gunge mwaana,gumgishile china lyageShela. Nage Yuda gubele uya Kezibu, helim'bushile. ⁶ Yuda gumgondele Eli mmachi, bubele bwage, na chinalya gugo mmachana ii Tamali. ⁷ Nage Eli, bubele bwa Yuda gubele mtu msone u meesoma MLUME; na MLUME nuummaga. ⁸ Yuda gumsambile Onani, Ugingile uli mmachi gwa mshiwenyu, umgonde, wamginunine mshiwenyu ibushi. ⁹ Onani gumanine ugana iyo ibushi ishibi yage, haho heligingile uli mmachi gwa mshiwabo, gugesile hasi gashimme mshiwabe ibushi. ¹⁰ Iyo ihisho yeligilile ibele isone u meeso ma MLUME, bibyo, gummagile gee nage. ¹¹ Yuda gumsambile Tamali mnage buo, Ugye ushama m'bwile wenyu wa sobe ndaa na byioma Shela mwananyi helihiya uba mtu mmomu, yulu Yuda guganine gashiwe nahi bashiwabo. Haho Tamali gugile, gushamine wabo u nduu gya sage. ¹² Masugu mengi mahitile, msiha gwa Shuwa guwile, mmachi gwa Yuda. Yuda guhungiwe, gugile uli batu bage balihugeda miyoo maaso uya Timna, gee na miinage Hila, gwa Badulami. ¹³ Gugo Tamali guhelwe mwano,ugana, Sobe buo gulihuhita ugya Timna, ugeda miyoo gyage maaso. ¹⁴ Haho, guchulile bichwalaganywa bya buwile bwage, gulichwiiche ilemba, guliwilile yenyi, gushamine ha mchango gwa Enaimu, hoka na ndila gyugya Timna. Bululi gumanine ugana Shela gwahwoma, na basamgonja gabe mmachage. ¹⁵ Yuda helimmonine gulangile ugana ii sengu, yulu gulimliunine yenyi. ¹⁶ Gumgalwile hibamba ha ndila, guganine, Kumbatile nagingile obe. Bululi gushimanine ugana noo mmage buo. Gum'budiche, Wipa ii nambo ubegingila wanyi? ¹⁷ Yuda guganine, niuhilila mwana mbuchi gwa ihichi. Tamali gum'budiche, Wi wii! Wishigila ii yumanya abangisio holichwa? ¹⁸ Yuda guganine, Nuhe abangisio nai? Guganine, lupete loba lwa yaala, na mchingo gwage, na lubango lobe lwine luli mmuboo obe. Bibyo gee numma, gugingile weli nage nuswala gumo. ¹⁹ Yuda guchiwile nuuligila lwage, guchulile iya ilemba yage, na uchwala bichwalaganywa byage bya buwile. ²⁰ Yuda guhilile guya mwana gwa mbuchi mmaboo ma bugenda bwage gwa Badulami, yulu gahewe abangisio age uhuma mmaboo ma guya mmachana bino gushigiwishe guya mmachana. ²¹ Gubudiche batu ba iya ihana, guganine, Guli uhi guya sengu gubele haya Enaimu hibamba ha ndila? Bagaile, Hano hashibele sengo. ²² Guya gwa Badulami gugiwile uli Yuda guganine, Nisammona; ata batu ba iya ihana baganine, Hashibele sebgu haya. ²³ Yuda gugaile, Gee gabebiguha, tushichwe ubiwa abule; loola nammilila mbuchi gugo, na nisam'banga. ²⁴ Hanyuma ha myechi gitatu yusa guhelwe mwano gwa ugana, Mnage buo Tamali gwaita masei, nage gwina gumo lya bunyenye. Yuda guganine mlushiwe hano gachigiwe. ²⁵ Helilushiwe, guhilile mtu uli sage buo, guganine, Nene naswala gumo lya mtu mine bino bitu. Guganine, Chelechiwe, bino bitu ii bya nanyi, luno lupete, mchingo guno, na luno lubango. ²⁶ Yuda gubigitabuwe,guganine, Gee gwina kiine upima nene, bululinishimmele Shela, mwananyi, na gushimmanine, iyaka hanyuma ha haho. ²⁷ Hasibele mengo mage ma ubuta mnda mwage mubele mahasa. ²⁸ Helibele huubuta, gumwe mwaana gutobole uboo, mgumba guguhile lumondo lwa lugachichu guluhambile uboo wage, mgumba guganine guno noo mtangi utobowa. ²⁹ Mengo meligiwiche uboo wage, loola, mshuwabo gee nutobowa. Mgumba guganine, Yulu yai watobowa wa uoma gogwe? Bigilanywa bya uoma na byulame gogwe. Wa bibyo china lyage gugishilwe Pelesi. ³⁰ gotobowile mshiwabo hanyuma, gwina lumondo lwa lugachichu uboo wage, nage gugishilwe china lyage Zela.