¹ Abetcha amsambile Yakobo chuwa, seela ugya Batheli, ushame uya; wamgimyile Abetcha butambikilo uya; guya guutobwele holimsinine Esau, mmulobe. ² Yakobo gusambile batu ba mndu gyage, na bose bene babele hamwechi nage, telwe miishi gyamuli nagyo, mulihahache, mwagalule binge bichwalaganywa. ³ Tuchuwe tusele tugye Betheli, na nene nimgimyila Abetcha butambikilo uya, gee mine gupuliche lusugu lwa asusu anyi,gubele hamwechi nanyi ndila gyose gyandihitile. ⁴ Nabo bammele Yakobo miishi gyose gigenyi bibele mmaboo mabo, na matimbi mabele u matu mabo, nage Yakobo gugibisile hasi ha mti mwaloni guli haya Shekemu. ⁵ Bachuwile, booba bwa Abetcha buwashile mabuga mabele mabachunguluwe, na bashioshiche ubalama baana ba Yakobo. ⁶ Haho Yakobo guhiile Luzu, gili mnda ibaloo ya Bakanaani, noo Betheli, gee na batu bose bene babelehamwechi nage. ⁷ Gugimiile uya butambikilo, guhagitile ha iya ihana, El-Betheli; bululi uya noo umtobwele Abetcha,mengo melisinine mmulwage. ⁸ Debola guwile yaya gwa Lebeka, guchiilwe hasi ha Betheli, hasi ha mti mwaloni; na china lya haya ligitilwe Alon-bakuthi. ⁹ Abetcha amtobwele Yakobo iyaka, heligiwile uhuma Padan-alamu Abetcha ammalile mihaa. ¹⁰ Abetcha amsambile china lyobe uli Yakobo; Ushigiswa iyaka Yakobo, bino Isilaeli noo lishibi china lyobe, Gumgitile china lyage, Isilaeli. ¹¹ Abetcha amsambile, Nene, nili Abetcha Dambe, ubule na ugililila. Mmoga na ihichi ya miogabihuma oli, na maoolo bihuma mlubunda mobe. ¹² Na gino sii gyandibahele Iblahimu na Isaka niuha gogwe, na ibushi yobe hanyuma hobe nibaha gigyo sii. ¹³ Abetcha guselile hegulu uhuma uli Yakobo ha iya ihana yelibele hudogoma nage. ¹⁴ Yakobo gugimiye ihanda ha iya ihana yelibele hudogoma nage, ihanda ya mawe, guhongolole hegulu hayo lutangi lwa byunywa, guhongolole mauta hegulo hayo. ¹⁵ Yakobo guhagitile haya, Abetcha helidogomine nage, Betheli. ¹⁶ Bachuwile uhuma Betheli, na hasibele hashigachu lwendo lushihu, uhiya Eflathi, Laeli guwashilwe na busungu bwa ubuta, na busungu bwage bubele bugumagachu. ¹⁷ Hesibele gwahusumwa abisa na busungu, mgumba gumsambile, nagu umona booba, bino hanohoka ulihubuta gunge mwaana gwa mlumyana. ¹⁸ Haho helibele hubuta alibu na uwa, gubushile na mmginyiya china lya Ben-oni, nage nuuwa, hoka haho sage gumgishile china lyageBenjamini. ¹⁹ Lweli guwile, guchiilwe mndila gya Eflethi, noo Bethelehemu. ²⁰ Yakobo gugimiile uhanda hegulu ha sinda,noo ihanda ya sinda lya Laeli ndaa na lino. ²¹ Hanyuma Isilaeli gugile gugimiile itula yage lubi lwa bubili lwa mnala gwa Edeli, ²² Haho Isilaeli helibele hushama mnda giyo sii, Leubeni gugile ulala na Bilha, mgichi gwa sage. Isilaeli guhuli mwano. Haho babo baana ba Isilaeli babele umi na bopi. ²³ Baana ba Leya noo Leubeni, bubele bwa Yakobo, na Simeoni, na Lawi, na Yuda, na Isakali, na Zabuloni, na. ²⁴ Baana ba Laeli, noo Yusufu, na Benjamini. ²⁵ Baana ba Bilha, mgichi gwa Laeli, noo Dani, na Naftali. ²⁶ Baana ba Zipa, mgichi gwa Leya, noo Gadi, na Asheli, Bano noo baana ba Yakobo belibutile uya Padn-alamu. ²⁷ Yakobo guhiili uli Isaka, sage, uya Mamle, mbuga gya Alba, noo Hebloni, wabashamine ubugenyi Iblahimu na Isaka. ²⁸ Masugu ma Isaka mabele myaa sambi na maumi inana. ²⁹ Nage Isaka gugedile mtima, gee nuuwa, gusumbile u batu bage, ii mmungu, mgyusu masugu. Esau na Yakobo baana bage, bamchiile.