¹ Ablamu guchuwile uhuma Misili, gee na mmachage, na byose byalibele nabyo, na Luti hamwechi nage, ndaa na lubi lwa uboo wa uachi. ² Nage Ablamu gubele mona abisa gwa bisuganywa, wa bumona na nolo. ³ Gugililile ugya uhuma lubi lwa uboo wa uachi ndaa na Betheli, ihana iya yelitulile ugimiya hema lyage hawingi ha Betheli na Ai; ⁴ haho noo helitulile ugiliya butambikilo; Nage Ablamu gugitile china lya MLUME haho. ⁵ Na Luti gugile hamwechi na Ablamu, gee nage gubele na migoma gya ng'ombe na miyoo, na itula. ⁶ Na giya sii gibele gicho wabali, yulu bashame hamwechi; bululi bibya byabo bibele biingi, na bashioshe ushama hamwechi. ⁷ Habele byumano hawingi ha baushi ba nyama cha Ablamu na baushi ba nyama cha Luti; na maya masugu Bakanaani na Bapelizi babele bilihushama m gigyo sii. ⁸ Ablamu gunsambile Luti, Bino, hashibe byumano, nuutendelela, hawingi hanyi nobe, ata hawingi ha baushi banyi na baushi bobe; bululi beswe tuli babuswa. ⁹ Wi wii! Sii gino gyose ati gili u meeso mobe? Bino ulibagule nanyi, nuutendelela; ubegya lubi lwa uboo wa uachi nene nigya lubi lwa uboo wa ulume, ubegya uboo wa ulume nene nigya uboo wa uachi. ¹⁰ Luti guginunine meeso mage, Guimonine ibetabeta yose ya Yolodani, ugana yose yina madi, ii hambele ha MLUME gushinachigya Sodoma na Gomola, ibele nahi lubala lwa MLUME, nahi sii gya Misili ndila gyugya Soali. ¹¹ Haho Luti gusobole ibetabeta yose ya Yolodani; guchuwile na ugya lubi lwa mlugulu; balibagulile boo wa boo. ¹² Ablamu gushamine nda sii gya Kanaani, na Luti gushamine mnda mabuga ma iya Ibetabeta; gusheninye itula yage alibu na Sodoma. ¹³ Biya batu ba Sodoma babele babii, buugila bubii bwingi abisa MLUME. ⁶ Na baana ba Hamu ii Kushi, na Misili, na Putu, na Kanaani. ⁷ Na baana ba Kushi ii Seba, na Havila, na Sabta, na Laama, na Sabteka. Na baana ba Laama ii Sheba, na Dedani. ¹⁶ Na lubuto lobe niluita uba nahi ihwili ya ibaloo; ata mtu gabeosha ubala ihwili ya ibaloo, na ibushi yobe nayo yibalwa. ¹⁷ Gimana, wagyate mnda sii gino mmahinda mage, na ulaha wage, bululi niuha gogwe gino sii. ¹⁸ Bibyo Ablamu guseninye itula yage , guchwile na ushama mmiamba gya Mamle, nagyo noo miti gili Hebuloni, gumgimiile MLUME butambikilo uya.