¹ Haya ha butulilo Abetcha abumbile gulu na sii. ² Nagyo sii gibele mauwa, na hululu, na mdoo gubele hegulu ha mabenga ma madi; Mtima gwa Abetcha gushamine hegulu ha uganjwa wa madi. ³ Abetcha aganine, Lube lwenge; lwenge nuuba,. ⁴ Abetcha amonine lwenge, uba mlusoga; Abetcha abagulile lwenge na mdoo. ⁵ Abetcha agitile lwenge Mengo ma Chuba, na mdoo gugugitile busugu. Yonuba igolo lonuba lwelo lusugu lumwechi. ⁶ Abetcha aganine, Na habe hululu hawingi ha madi, gubaguile madi na madi. ⁷ Abetcha aitile hululu gubaguile madi mali hegulu ha hululu na maya madi mali hasi ha hululu; Byonuba bibyo. ⁸ Abetcha agitile giya hululu Gulu . Ibele igolo habele halwelo, lusugu lwa mabili. ⁹ Abetcha aganine,Madi mali hasi ha gulu malisumbiche ihana imwechi, bululi hamoneye mgala gwa gugumu; byonuba bibyo. ¹⁰ Abetcha agitile guya mgala Sii; Na ulisumbicha ose wa madi guugitila Bahali; Abetcha amonine uba ii bosoga. ¹¹ Abetcha aganine, Sii na gimene byanyi, byunaganywa byuha biguma, na mti gwa biguma guuha biguma nahi byaguli, goo biguma byage bili mnda mwage, hegulu ha sii; byonuba bibyo. ¹² Sii gimenine byanyi, ihama ili huhaa biguma ulamana na byaili, na mti gulihuha biguma, gwinw guli na bigumamnda mwago, nahi byaguli,Abetcha aminine uba iibisoga. ¹³ Ibele igolo lubele lwelo, lusugu lwa matatu. ¹⁴ Abetcha aganine, Na habe lwenge ha hululu ha gulu bululi habagule hawingi ha mchuba na busugu; nabyo noo byabe humanya mengo na masugu na myaa; ¹⁵ iyaka lwabe noo lwenge mnda hululu lya gululwabiye lwenge mnda sii; byonuba bibyo. ¹⁶ Abetcha aitile lwenge lubili lwata, luya lwata lube mchuba, na luya luucho luba m'busugu; guitile na tumbala-mbala nato. ¹⁷ Abetcha abibiile ha hululu ha gulu, bululi ibiye lwenge hegulu ha sii ¹⁸ na utabala mchuba na busugu na ubagula lwenge na mdoo; Abetcha amonine uba ii bisoga. ¹⁹ Ibele igolo na lubele lwelo, lusugu lwa mana ²⁰ Abetcha aganine, Madi na magilule meengi na uba na bili na mwego bilihugyata, na tunonyi tuguluwe hegulu ha sii hawingi ha hululu ha gulu. ²¹ Abetcha abumbile nyangumi gyata, na bibumbwa bili na mwegi bilihugyata, byine bigilulwe na madi mengi nahi byabili; Na tuninyi tose tuuguluwa nahi byatuliAbetcha aminine ugana ii bisoga. ²² Abetcha abihalile mihaa, gunanine, Butanywe, na ubula, mwagiluche madi na bahali,tunonyi na tubula mnda sii. ²³ Ibele igolo lubele lwelo lusugu lwa matano. ²⁴ Abetcha aganine, Sii na gibute ibumbwa yina mwego nahi byaili, nyama cha usugwa, nabyo bya ulibula, na nyama cha mmisowa nahi byachili bibele bibyo. ²⁵ Abetcha aitile nyama cha m'bisowa nahi byachili, na nyama cha usugwa nahi byachili, na byose bili hulibula hegulu ha sii nahi byabili; Abetcha amonine ugana iibisoga. ²⁶ Abetcha aganine, na Na tummite mtu wa mlingilisho gwetu, wa yenyi yetu; batabale swiicha m bahali, na tunonyi twa ha hululiu, na nyama, na sii gyose nagyo, na yoyose yine ili hugandala hugandala hegulu ha sii. ²⁷ Abetcha abumbile mtu wa mlingilisho gwage, wa mlingilisho gwa Abetcha gum'bumbile, mlumyana na mmachana gubabumbile. ²⁸ Abetcha abahalile mihaa, Abetcha abasambile, Buswe, mubule, mwagiluche sii, na udanja; mwatabale swii cha m bahali, na tunonyi twa ha hululu, na yoyose ibumbwa yine ili na mwego ilihugyata hegulu ha sii. ²⁹ Abetcha aganine, Loolwe, namma bihama na binge byose bya m'bitete bili huhaa biguma, na bili hegulu na bitete byose, na miti gyose, gwina giguma bya matete; bibi noo biliwa byenyu; ³⁰ na iliwa na nyama chose sii, na ya tunonyi tose ta ha hululu, na ya yoyose yine ilihugandala hegulu ha sii, yine ili na mwego; byanyi byose na bili mnda bitete, noo biliwa byenyu; bibele bibyo. ³¹ Abetcha amonine yoyose yeligilile, na loolwe, iyisoga abisa. Ibele igolo lubele lwelo lusugu lwa mtuba.