¹ Bibyo haho Ezla helibele husaba na ulibecha , gulihulila, na uligwisha lubulubulu u mbele wa ndu gya Abetcha, bammongolwele mnda Isilaeli yose sumbilo lyata abisa na balumyana, na baachana na baana; bululi babo batu babele hulila abisa. ² Ata Shekania, mwaana gwa Yehieli, gumwe gwa baana ba Elamu, gugaile, gumsambile Ezla, Beswe twamlubila Abetcha etu, na beswe twagondana na baachana ba bagenyi ba batu ba bino bibaloo; ata bino hili maudagilo wa ino ihisho mnda Isilaeli. ³ Mndi bino! Na tubiye malagano na Abetcha etu uleyena na baachi betu, na baya bene babushilwe nabo, tulame malanga ma MLUME gwanyi, na malanga ma baya bene balihudandililaalago a Abetcha etu; bino bihisho na bigiliye wa ulama m'bindo. ⁴ Ginyuwa; bululi ino igilanywa ili huulola gogwe; na beswe tuli hamwechi nobe; ube na mtima gwata, wabigile. ⁵ Haho Ezla gugile, ubalahya bauulu ba bibuli, na Balawi, na Baisilaeli bose, ugana bigila nahi bibyo, Bibyo balahile. ⁶ Hanyuma Ezla guhumine haya ha mbele ha ndu gya Abetcha, gugingile mnda yumba ya Yehohanani, mwaana gwa Eliashibu; na helihiile uya, gushilile mkati, na gushinywine maadi; bululi gulilile yulu ya buya buubi bwa batu ba ubululwa. ⁷ Batele mtambila mnda Yuda yose na Yelusalemu, ugana, baana bose ba ubululwa balisumbiche hamwechi uya Yelusalemu; ⁸ na ugana mtu gegese mine gusahuchwa ha masugu matatu, wa malanga maya ma baata na bauulu, bino, gasapwe bitundu byage byose, gachingwe gee buchima na sumbilo lya ubululwa. ⁹ Haho balumyana bose ba Yuda na Benyamini basumbile ha maya masugu matatu; gubele mwechi gwa yahabula, masugu maumi mabili ma mwechi; na batu bose bashamine u lagala u mbele wa ndu gya Abetcha, balihudanda wa yulu ya iyo inywa, na yulu ya mbula gyata. ¹⁰ Hanyuma ibuli, Ezla, gugimene, gubasambile, Mwaluba, mwagonda baachana na bagenyi, ubuche abachi a Isilaeli. ¹¹ Biino, hano, libechiwe u mbele wa MLUME, Abetcha a bamasetu, mwagile byesubenja; mwalibagule na batu ba gino sii, iyaka na baachana bagenyi. ¹² Haho sumbilo lyose ligaile, baganine, wa liidi lyaata, nahi byawadogoma yulu ya mwano gwetu, bibyo noo bitulibgye beswe ubigila. ¹³ Itu imwechi bano batu bali beengi, iyaka mmengo ma mabula meengi, beswe tushinaosha ugimana hambuga, iyaka guno mgilo igwa lusugu lumwechi, au masugu mabili; bululi twaluba abisa yulu ya ino ihisho. ¹⁴ Bino mata betu ba mabuga babiwe yulu ya sumbilo lyose, na bato buse bene bali mmabuga metu, bandile baachana ba bagenyi, na bachwe mengo mene malagilwe, iyaka hamwechi nabo bachwe bauulu ba kila mbuga, na tululiya twa mamo mabuga ndaa na hene hituhumina koo uchigililwa wa Abetcha etu, ino ihishi yahwe. ¹⁵ Yonathani, mwaana gwa Asaheli, na Yazeya, mwaana gwa Tikwa, babo ka noo bagimene uhanya iyo inywa; na Meshulamu, na Shabethai Mlawi, babagegamine. ¹⁶ haho batu ba ubululwa bagilile bibyo. Na Ezla, ibuli, gubagulwe, hamwechi na bamwe baata ba ibushi ya batata, na lubalo lwa ibushi ya bamasabo; babo bose wa machina mabo. Bashamine lusugu lutangi lwa mwechi gwa umi, yulu ya ulola iyo ihisho. ¹⁷ Bahwile bihisho bya balumyana bose, bene babele bagonde baachana ba bagenyi, lusugu lutangi lwa mwechi gwa gutangi. ¹⁸ Biino, hawingi ha bibuli bamoneye bamwe bene babele bagonde baachana ba bagenyi; ba baana ba Yoshua, mwaana gwa Yosadaki, na bashiwabo; Maaseya, na Eliezeli, na Yalibu, na Gedalia. ¹⁹ Nabo bahanene alago a uleyana na baachi babo; na yulu babele na abachi, batangile lunga lya mbuchi yulu ya abachi abo. ²⁰ Na ba baana ba Imeli; Hanani, na Zebadia, ²¹ Na ba baana ba Halimu; Maaseya, na Eliya, na Shemaya, na Yehieli, na Uzia, ²² Na ba baana ba Pashuli; Elioenai, na Maaseya, na Ishmaeli, na Nethaneli, na Yozabadi, na Elasa. ²³ Na ba Balawi; Yozabadi, na Shimei, na Kelaya, (noo Kelita), na Pethahia, na Yuda, na Eliezeli. ²⁴ Na ba bagimbi; Eliashibu. Na ba bugimana u mchango; Shalumu, na Telemu, na Uli. ²⁵ Na ba Isilaeli; ba baana ba Paloshi,; Lamia, na Izia, na Malkiya, na Miyamini, na Eliazali, na Malkiya, na Benaya. ²⁶ Na ba baana ba Elamu; Matania, na Zakalia, na Yehieli, na Abdi, na Yelemothi, na Eliya. ²⁷ Na ba baana ba Zatu; Elioenai, na Eliashibu, na Matania, na Yelemothi, na Zabadi, na Aziza. ²⁸ Na ba baana ba Bebai; Yehohanani, na Hanania, na Akai, na Athlai. ²⁹ Na ba baana ba Bani; Mwshulamu, na Maluki, na Adaya, na Yashubu, na Sheali, na Yelemothi. ³⁰ Na ba baana ba Pahath-Moabu; Adna, na Kelali, na Benaya, na Maaseya, na Matania, na Besaleli, na Binui, na Manase. ³¹ Na ba baana ba Halimu; Eliezeli, na Ishiya, na Malkiya, na Shemaya, na Shimeoni, ³² na Benyamini, na Maluki, na Shemalia. ³³ Na ba baana ba Hashumu; Matenai, na Matata, na Zabadi, na Elifeleti, na Yelemia, na Manase, na Shimei. ³⁴ Na ba baana ba Bani; Maadai, na Amlamu, na Ueli, ³⁵ na Benaya, na Bedeya, na Keluhi, ³⁶ na Wania, na Melemothi, na Eliashibu, ³⁷ Na Matania, na Matenai, na Yaasu. ³⁸ Na ba baana ba Binui; Shimei, ³⁹ na Shelemia, na Nathani, na Adaya, ⁴⁰ na Maknadebai, na Shashai, na Shalai, ⁴¹ na Azaleli, na Shelimia, na Shemalia, ⁴² na Shalumu, na Amalia, na Yusufu. ⁴³ Na ba baana ba Nebo; Yeieli, na Matithia, na Abadi, na Zebina, na Ido, na Yoeli, na Benaya. ⁴⁴ babo bose babele bagonde baachana ba bagenyi; na bamwe baachi babo babele babute baana.