¹ Biino mano no machinama mioga gigyo; utulaisulaya luubi lwa uboo wa uachi, hoka na ndila gya Hethloni, ndaa na ubugingililo bwa Hamathi, ndaa na Hasal-enoni, ulugumba lwa Dameski, noo, luubi lwa uboo wa uachi hokanaHamathi, babi naluubi lwa mlugulu, na luubi lwa igolo; Dani mtala gumwechi. ² Iyaka lugumba lwa Dani, luubi lwa igolo; Asheli, mtala gumwechi. ³ Na lugumba lwa Asheli, uhuma luubi lwa mlugulu ndaa na luubi lwa igolo; Naftali, mtala gumwechi. ⁴ Na lugumba lwa Naftali uhuma luubi lwa mlugulu ndaa naluubi lwa igolo; Manase, mtala gumwechi. ⁵ Na lugumba lwa Maase, uhuma luubi lwa mlugulu ndaa naluubi lwa igolo; Eflaimu, mtalagumwechi. ⁶ Na lugumba lwa Eflaimu, uhuma luubi lwa mlugulu ndaa naluubi lwa igolo; Leubeni, mtala gumwechi. ⁷ Na lugumba lwa Leubeni, uhula luubilwa mlugulu ndaa na luubi lwa igolo; Yuda mtala gumwechi. ⁸ Na lugumba lwa Yuda, uhuma luubi lwa mlugulu, habi lutangi lwine lwamwitangila, bwata bwage malonge uki maumi mopi na matano, na ulaha wage ulamana na mitala gigyo, uhuma luubi lwa mlugulu ndaa na luubi lwa igolo; na ihana ya ihaha ibo hawingi hage. ⁹ Lutangi lwage lwamwimtangila MLUME, ulaha wage ubi wa malonge uki maumi mopi na matano, na bwata bwage malongo uki umi. ¹⁰ Lutangi lulo luhaha lubi yulu ya bano batu, wa bibuli; luubi lwa uboo wauachi ulaha wage malonge uki maumi mopi na matano, na luubi lwa igolo bwata bwage malonge uki umi, na luubi lwa mlugulu bwata bwage uki umi, na luubi lwa uboo waulume ulaha wage uki maumi mopi na matano; na ihana ya ihaha ya MLUME habi hawingi hage. ¹¹ Habi ha bibuli baana ba Sadoki, bene bahahachiwe, bausile bulochi bwanyi, bashibabenge, baanaba Isilaeli hababengile, nahi Balawi byababengile. ¹² Na lutangi lulo lwa sii byalusutangilwa, lubi wabali itu ihaha abisa, hoka na lugumba lwa Balawi. ¹³ Na hoka na lugumba lwa bibuli, Balawi babi na mtala, ulaha wage uki maumi mopi na matano, na bwata bwage uki umi; ulaha ose ubi wa uki maumi mopi na matano, n bwata bwage uki umi. ¹⁴ Na bashigucha ibaa yage, na bashi ibalilisha, na bashibaha bangi mitomwe gya sii; bululi igihaha wa MLUME. ¹⁵ Na malonge uki chitano mamashigachu u bwata, uhyiila maya uki maumi mopina matano, mabi ma batu bose, ba gigyo mbuga, na u ba mbuchu, na byose byine bili bilungwe, na gigyo mbuga bigi hawingi hage. ¹⁶ Na ulingililwa wage noo uno; luubi lwa uboo wa uachi uki china na sambi chitano, nahainda mage uki china na sambi chitano, na luubi lwa mlugulu uki china na sambi chitano, na luubi lwa igolo, uki china na sambi chitano. ¹⁷ Nagyo mbuga gibi na bulishicho; luubi lwa uboo wauachisambi chibili na maumi matano, na luubi lwa uboo wa ulume sambi chibili na maumi matano, naluubi lwa mlugulu sambi chibili na maumi matano, na luubi lwaigolo sambi chibili na maumi matano. ¹⁸ Na byabishigachu wa ulaha wage bilihulola lutangi lwa luhaha, luubi lwa mlugulu bibi uki umi, na luubi lwa igolo uki umi; nabyo bibi ulamana na lutangi luhaha; na byine byiiha bibi biliwa bya bagichi ba mgilo mmo mmbuga. ¹⁹ Nabo babo bene balihugila mgilo mmo mmbuga, ba mioga gyose gya Isilaeli, bilima gigyo sii. ²⁰ Lutangi lose lwa sii lubi uki maumi mopi na matano, wa uki maumi mopi na matano; mwihana lutangi luhaha, sii gilingilile lulingo lumwechi, hamwechi na uhananywa wa mbuga. ²¹ Buya bose bwa ushigala bubi bwa guya mmata, lulu luubi na lulu luubi lwa uhanywa wa uhaha, na hahelwe mbuga, uhyiila maya uki maumi mopi na matano, ugya luugi lwa mlugulu; iyaka luubi lwa igolo uhyiila maya uki maumi mopi na matano, luubi lwa uhyiila luubi lwa mlugulu; nahi giya mitala, gigyo gibi igya guya mmata; na uhanywa uhaha na ihana ihaha ya ndu ibi hawingi hage. ²² Iyaka uhuma hahelwe Balawi, na hene hahelwe mbuga, bululi halihawingi ha mbuga gya mmata, hawingi ha lugumba lwa Yuda na lugumga lwa Benyamini, habi ha mmata. ²³ Na yuluya mwano gwa mioga ginge gyine gishigele; utulaluubi lwa mlugulu ndaa naluubi lwa igolo; Benyamini, mtala gumwechi. ²⁴ Iyaka lugumba lwa Benyamini, utula luubi lwa mlugulu ndaa na luubi lwa igolo; Simeoni, mtala gumwechi. ²⁵ Iyaka lugumba lwa Simeoni, uhuma lwamlugulu ndaa na luubi lwa igolo; Isakali, mtala gumwechi. ²⁶ Na lugumba lwa Isakali, uhuma luubi lwa mlugulu ndaa na luubi lwa igolo; Zabuloni, mtala gumwechi. ²⁷ Nalugumba lwa Zabuloni, uhuma luubi lwa mlugulu ndaa na luugi lwa igolo; Gadi mtala gumwechi. ²⁸ Na lugumba lwa Gadi luubi lwa uboo ulume, ugya luubi lwa uboo wa ulume, lugumba lwage lubi uhuma Tamali, ndaa na maadi ma Meliba-Kadeshi, ndaa na luudi lwa Misili,ndaa na bahali lya lyaata. ²⁹ Gigyo noo sii gyamwibagabulila mioga gya Isilaeli, uba buhyana bwabo, nagigyo noo mitala gyabo, Mlume ABETCHA gwagana. ³⁰ Na butobwelo bwa mbuga noo buno; luubi lwa uboo wa uachi, malonge uki china na sambi chitano, wa ulingilila; ³¹ na michango gya mbuga milumbulwa wa machina ma mioga gya Isilaeli, michango gitatu luubi lwa uboo uachi; mchango gwa Leubeni, gumwechi; mchago gwa Yuda, gumwechi; na mchango gwa Lawi gumwechi. ³² Na luubi lwa mlugulu , uki china na sambi chitano, wa ulingilila; na michango gitatu; mchango gwa Yusufu, gumwechi; mchango gwa Benyamini, gumwechi; mchango gwa Dani gumwechi. ³³ Na luubi lwa uboo wa ulume, uki china na sambi chitano wa ulingilila wage; michango gitatu; mchango gwa Simeoni, gumwechi; mchango gwa Isakali, gumwechi; mchango gwa Zabuloni, gumwechi. ³⁴ Na luubi lwa igolo, uki china na sambi chitano; hamwechi na michango gyage gitatu; mchango gwa Gadi, gumwechi; mchango gwa Asheli, gumwechi; na mchango gwa Naftali, gumwechi. ³⁵ Ugichunguluwa iimalonge uki umi na china; na chuna lya gigyo mbuga utula lino libi lino; MLUME Guli Hano.