¹ Gusambile, Mtu, gimana wa magulu mobe, nene nidogomanobe. ² Nage helidogomone nanyi, mtima gung'ingile, gungimiye; nimmuliche guya gudogomine nanyi. ³ Gusambile, Mtu, nutuma u baana ba Isilaeli, wa mioga gwa lubengo, bamengile nene; boo na bamasabo bulubile yulu yanyi, ehe, ndaa na lino. ⁴ Na babo baana bali na byenyi bishina abule, na mitima gyabo mgigumu. Nene nutuma wabali; gogwe wibasambie, Mlume, ABETCHA gwagana bino. ⁵ Nabo nambo bihulicha, na nambo bashihubenja uhulicha, (bululi noo ndu gya ubenga gigyo) , ata bibyo bimananugana mbuwa gubele hawingi habo. ⁶ Na gogwe, mtu, ushibamone booba boba, na ushimone booba binywa byabo, inangwa miigwa namiigwa gwa bihama guli hamwechi nobe, gogwe ulimshame hawingi ha ngele-ngele; ushimone booba binywa byabo, na ushididibuwe yulu ya byenyi byabo, inangwa ii ndu gy'ubenga ⁷ Gogwe wibwsambila binywa yanyi, nambo bihulicha, na nambo bashihulicha; bululi babo balihubenga abisa. ⁸ Biino gogwe mtu, hulicha inywa ino yandi huusambila; ushibe gogwe noo gulihubenga nahi guya ndu gyubenga; gadula anywa ubo uye yandyuha. ⁹ Nene handilolile, uboo ugulolwe wandi; na loona, m'bungo gwa itabo guli mnda mwage. ¹⁰ Gugubungule u mbele wanyi; nayi ibeleigolwe mnda nahambuga; mnda mwage mubelemgolwe malilo, na panga ,a luhanga luubi.