¹ Mlume gumsambile Musa, Lingamina, niuitile gogwe uba nahi Abetcha uli Falao; na gugo mmulobe Haluni gubi mbuwa gyobe, ² Wilisamba biya byose byine byandiusambila; na mmuloba Haluni gwidogoma na Falao, yulugabaha baana ba Isilaeli bahume mnda giya sii gyage. ³ Nene nigubiya gugumu mtima gwa Falao, na nene nibiya bisaga byanyi uba biingi na bigagicha byanyi mnda sii gya Misili. ⁴ Ata bibyo falao gushimmulicha benywe, nene nibiya uboo wanyu heguluha Misili, na ubunya bilume pambwa byanyi, batu banyi, babo baaana ba Isilaeli, baahume mnda sii gya Misili wa uonona wine uli waata. ⁵ Na Bamisili bimana ugana nene noo MLUME, haho hene handigolola uboo wanyi hegulu ha Misili na ubahunya baana ba Isilaeli bahume hawingi habo. ⁶ Musa na Haluni bagilile bibyo; nahi biya bibasambile MLUME noo byabagilile. ⁷ Gugo Musa gubele gisili mtu gwa myaa maumi inana gya uoma wage, na Haluni gubele mtu gwa myaa maumi inana na gitatu, haya hababele hudogoma na Falao. ⁸ Mlume gudogomine na Musa na Haluni guganine, ⁹ Falao helidogoma nenyu, na umsambila, Gilwe bisaga; haho noo holimsambila Haluni, Guha lubango lobo, lubulage hasi u mbele wa Falao, yulu lube ndowa. ¹⁰ Bibyo Musa na Haluni bagingile uli Falao, bagilile biya byine bibasambile MLUME; Haluni gutelile lubango hasi u mbele wa meeso ma Falao, naumbele wa bagichi bage, lugaluwile ndowa. ¹¹ Haho Falao nage gugitile bene bali na lwenyi na bandogi; na babo bagabo ba Misili bagilile bibyo wa bugabo bwa ba Misili. ¹² Babulage hasikila mtu lubango lwage, nacho chigaluwile uba madowa; bibyo lubango lwa Haluni luminine mango chabo chose. ¹³ Mtima gwa Falao gubele gugumu kaa gashibahuliche; nahi bIganIne MLUME. ¹⁴ Mlume gumsambile Mus, Mtima gwa Falaoii guli bushito, gwahanya ubaha batu banyi luhusa bagye wabo. ¹⁵ Mumgile Falao halwelo; loola, gulihuhuma u luudi; na gogwe wagimane huka na m'bega gwa luudi yulu wamonane nage; na luya lubango lwine lugaluwile uba ndowa wabe nalo mmuboo obe. ¹⁶ Gogwe wamsambile, MLUME, Abetcha a Baeblania, gwatuma nachwe oli,ugana, Ubahe batu banyi luhusa, yulu bagye ungilila mlwanaganywa; na gogwe loola! Ushinahulicha ata bino. ¹⁷ MLUME gwagana, Yulu ya ino ihisho wiimana ugana nene nili MLUME; loola, nene nuhula mama maadi mene mali mluudi wa luno lubango lwandi nalo mmuboo wanyi, namo maadi gigaluwa uba maashi. ¹⁸ Na chicho swii chine chili mmaadi chiiwa, na lulo luudi lwinyuka ufunda; nabo Baimisili bichigililwa yulu ya unywa maadi ma lulo luudi. ¹⁹ Mlume gumsambile Musa, Msambile Haluni, Wata lubango lobe, waugolole uboo obe hegulu ha maadi ma Misili, heguluha ngudi chabo, hegulu ha tuudi twabo, na hegulu ha bichiba bya maadi mabo, na hegulu ha bishima byabo byose bya maadi, yulu gyagaluwe uba maashi, naho habi na maashi mnda sii gyose gya Misili, mnda bitundu byose bya miti, na bitundu byose bya mawe. ²⁰ Musa na Haluni bagilile bibyo, nahi bibasambile Mlume; nage Haluni guginune luya lubango, na umahula maadi mene mabele mnda luudi, u mbele wa meeso ma Falao, naumbele wa bagichi bage; namamo maadi mose menemabele mnda luudi magaluwe uba maashi. ²¹ Chicho swii chine chibele mluudi chiwile; na luya luudi lunyukile ufunda, Bamisili bashioshiche unywa maadi ma mluudi; na maya maashi mabele mnda sii gyose gya Misili. ²² Na bagabo ba Misili bagilile mlingilisho gwa bibyo wa bugabo bwabo; na mtima gwa Falao gugililile uba gugumu, ata bubyo gushibahuliche, nahi biya biganine Mlume. ²³ Falao guchuluwe na ugingila mndu gyage, na ata bibyo gushibibiile mnda mtima gwage. ²⁴ Bamisili bose badabile -dabile bishima hibamba ha luudi bululi bapate maadi ma unywa; bululi, ²⁵ bashioshiche unywa maya maadi na mluudi.