¹ Musa gusumbiche sumbilo lyose lya baana ba Isilaeli, na uabsambila, Binywa bimsabile MLUME nii bino, ugana mubigile. ² Gilwe mgilo masugu mtuba, na lusugu lwa njwii lubilusugu luhaha wenyu; ii Sabato gya ulitucha abisa wa MLUME; mtu gegese mine gwigila mgilo gogose mndalulo lusugu gwihagwa. ³ Mushilamya aahya mnda madu nenyu lulo lusugu lwa Sabato. ⁴ Hanyuma Musa gudogomine na sumbilo lyose lya baana baIsilaeli, gubasambile, Ino inywa noo idogomine MLUME ugana, ⁵ Guhwe hawingi henyulutangi lwa MLUME,; mtu gegese mine guli na mtima gwa luundo, galyshe lutangi; nolo, lufeza na lusuu. ⁶ na bunyushi bwa langi ya ibule, na langi lya imanjano, nalangi lya ligachichu, na isanjwa ya ibenju, na maso ma mbuchi. ⁷ na bibambi bya miyoo gya milume byabibiwe langi lyaligachichu, na bibambi bya konda na mbao cha msese; ⁸ na mauta malilyo tala, na byubiya mo bya malashi yulu ya mamo mauta ma ushinyiwa, na wa bubo buswenge bubenju. ⁹ na mawe ma shohamu, na mawe ma ubiwe mnda gigyo naivela,na wa gugo mfugo gwa uyaali. ¹⁰ Na mtu gegese hawingi henyu mine gwina mtima gwa lwengu gachwe, na gaagile biya byose byine bilagila MLUME. ¹¹ noo, bubo bushamo bwa hema lyage, na luhupo lwage, na byundo byage, na mbao chage, na bihoho byage, na byiiki byage, na buhanda byage na masongo mage, ¹² lilyo lindo , na miti gyage, na iyo isuba ya uleelela, na pashia lya uwila; ¹³ namamo mesa, na miti gyage, na bitundu byage byose, nagigyo mikati bya gyumonya. ¹⁴ na gugo mti gwa tala yulu ya lwenge, na bitundu byage,na tala lyiline, na mamo mauta ma lwenge; ¹⁵ na bubo butambikilo bwa uchigicha buswenge, na miti gyage, na mauta ma ushinya, na bubo buswenge busoga, na iyo ibi ya mchango, u mchango gwa lilyo hema; ¹⁶ na butambikilo bwa lutangi lwa uchigya, hamwechi na bwila bwage bwa lusuu, na miti gyage, na bitundu yage byose, na gigyo mbilika na bushamo bwagyo. ¹⁷ na bubo busundiilo bwa bisanjwa bya mlagala,na byundo byage, na masongo mage, na pashia lya mchango gwa ulgala; ¹⁸ na biya byiiki bya bushamo, na byiiki bya u lagala, na migichi gyage, ¹⁹ na bichwalaganywa bya bilwiwe wa ubenda, bya yulu ya ugila ha ihana ya ihaha, bibyo bichwalaganywa bya Haluni ibuli, na baana bage, yulu ya ugila mgilo gwa bwibuli. ²⁰ Na sumbilo lyose lya baaba na Isilaeli bahumine haya umbele wa Musa. ²¹ Bachwile kila mtu mine gwima mtima gwa uhana,na gegese mine mtima gwage gummitile ubenja, nabo balushiche lutangi lwa umma MLUME, yulu ya mgili gwa hema lya busambeno, na wa bugichi byage, na wa yulu ya bichwalaganywa bihaha, ²² Nabo bachwile balumyana na baachana, bose bene babele na mtima gwa luundo, bachwile na mihinyi, na nolo cha u mihyembe, na pete cha chisulwe, na lungaa, na bitundu byose bya nolo; mtu gegese mine gutangile nolo na umma MLUME. ²³ Iyaka mtu gegese mine gubele wage bunyushi bwa langi lya ibule, na bunyushi bwa langi lya imanjano, na bwa bugachichu,na alili a abenju, na maso ma mbuchina bibambi bya miyoo gya milume bya bishinyiwe langi lya ligachichu, na bibambi bya konda, guchwile nabyo; ²⁴ Mtu gegese mine gutangile lutangi lwa lufeza, na lusuu, gutangile wa MLUME; na mtu gegese gubele na mti gwa msese yulu ya mgilo gwa bubo bugichi, guleshile ²⁵ Na baachan bose bene babele na mitima gya lwengu, baluwule wa maboo mabo, boo baleshile biya byabaluwile, bichwalaganywa bya langi lya ibule, na langi lya imanjano, na bubo bunyushi bwa bugachichu, na bibyo bichwalaganywa bya alili. ²⁶ Na baachana bose bene babele na mitima gyubatulumuna wa lwengu baluwile mamo maso ma mbuchi. ²⁷ Na babo baulu baleshile maya mawe ma shohamu, na mawe muubiya mnda naivela, na ma mnda guya mfuko gwa uyaali. ²⁸ na byulunga mnda malashi, na mauta; malilyo tala, na u maya mauta ma ushinya, na bubo buswenge bubenju. ²⁹ Baana ba Isilaeli bachwile na lutangi lwa umtangila MLUME wa mtimi gya ubenja; bose malumyana na baachana, bene mitima gyabo gibaitile babenje ulusha yulu yago mgilo, gwine guganine MLUME ugana guiswe wa uboo wa Musa. ³⁰ Hanyuma Musa gubasambike baana ba Isilaeli, Lingaminywe, MLUME gwamgita wa china lyage Bezaleli mwaana gwa Uli, mwaana gwa Huli, gwa ilongo ya Yuda; ³¹ Nage gwamgilucha mtima gwa Abetcha, gwa lwenguna lwenyi,a bumana, na mgilo gwa wino gwa mioga gyose. ³² na utucha migilo gya bwenge, na ugila mgilo gwa nolo, na gwa lufeza, na lusuu, ³³ iyaka ugeda na uchibula mahundu, na ubada miti, gaagile migilo bya bwenge bya mioga gyose. ³⁴ Nage gwam'biya mtima gwage yulu ya ugigya bange, gee na Oholiabu mwaanagwa Ahisamaki, gwa ilongo ya Dani. ³⁵ Gwabagilucha babo batu mitima gya lwenyi, yulu bagile migilo gwa mioga gyose,na babi hubada mawe, na mgilo gwa bwenge, na babi hubiya malenda, u bunyushi bwa langi lya ibule, na cha langi lya imanjano, nabwa bugachichu, na alili abenju, na bwa mine gulihufuma bihwalaganywa; na u baya balihugila migilo gyogyose, na bene balitula ugilamigilo gya bwenge.