¹ MLUME gudogomine na Musa, guganine, ² Basambile baana ba Isiaeli ugana banguhile lutangi; kila tu mine mtima gwage gwibenja uhana mwiguha wage lutangi lwanyi. ³ Lutangi lyine loligaa mmaboo mabo noo luno; nolo, na lufeza, na lusuu, ⁴ bunyushi bwa ibulen na bwa langi lya manjano, na bwa langi lya ligachichu, na bichwalaganywa bya alili, na maso ma mbuchi; ⁵ na bibambi bya miyoo gya milume gyabibiwe langi lya ligachichu, na bimambi gya myoha, na mti gya misese, ⁶ na mauta ma liya tala, na byungo bya mahembwe bya maya mauta na ushinya, na wa buya buswenge bwa chumba lisoga ⁷ na mawe ma ugengeda na mawe na ugema na ubiwe mnda naivela, na wa guya mfugo gwa uyaali. ⁸ Babo banongecha hahaha; bululi nashame hawingi habo. ⁹ Ulamana na bibyo byose byina byandumonya, mlingilisho gwa bushamo, na mlingilisho gwa bitundu byage byose, noo byamwibilongya. ¹⁰ Nabo balongye luhinda lwa mti gwa msese; ulaha wage ubi wa maboo mopi na ihindi; na mmahinda mage ubi uboo umwechi na ihindi, na ugya hegulu halooboo umwechi na ihindi. ¹¹ Na gogwe waluwile na nolo cha chitogu, waliwile hambuga na mnda, na gogwe waunine na yuunina ya nolo ngubi chose. ¹² Wasule byiki bina bya nolo yulu yalo, wabibiye u masunga nahi magulu mage mana; byiiki bibili luubi lumwechi na byiiki bibili lunge luubi. ¹³ Na gogwe ita miti gya msese gya gilahu na ugiunina na nolo. ¹⁴ Na gogwe wabiye giya miti u biya byiki byine bili chiya ngubi chibili cha lindo yulu ya uliswala. ¹⁵ Gigyo miti gyishama u biya byiki bya lindo; gishihumiwa. ¹⁶ Hanyuma mnda lindo mubi mangisiyo gyine gyandiuha. ¹⁷ Gogwe wasule isuba ya yano ya nolo chihaha; ulaha wage ubi maboo mabili na ihindi, na bwata bwage bubi uboo umwechi na ihindi. ¹⁸ Na gogwe wilongya mbalaika ba nolo; wabbalongye wa mgilo gwa usula,ubiula bya iyo isuba ya yano, ubo na ubo. ¹⁹ Wabiye malaika gunwechi wimwe isula na gunge inge isula ya bubili; usule mamo malaika wa itu imechi hamwechi na iyo isuba ya yano, ino isula na ino isula. ²⁰ Na mamao malaika migina bihwahwa byabo hagulu, na wiiwilaiyo isuba ya yano na bihwahw byabo; na byenyi byabo byililana ino na ino, byenyi bya mamo malaika byilola iyo isiba ya yano. ²¹ Wabiye iyo isuba ya yano hegulu ha lilyo lindo, hanyuma wabiye ubo ubangisiya wine wandiuha mnda lilyo lindo. ²² Na nene nimonana nobe haho, na udogoma nobe haya handimshame wisuba ya yano, hawingi ha mamo malaika babilimene mali hegulu ha kindo lya ubangisiya, bululi bwa bihisho byose byandiulaga yulu ya baana ba Isilaeli. ²³ Na gogwe waite mesa ma mti gwa msese; ulaha wage ubi maboo mopi, na ahinda mage uboo umwechi, na ugya hegulu hamo uboo umwechi na ihindi. ²⁴ Wamaunine na nolo cha chihaha, na wachunguluye na nolo ngubi chose. ²⁵ Hanyuma wachunguluye na achingo ngubi chose, bwata byahyo nahi mnywe gwa asungwa, na gogwe waaite aya achingo wa uahola abisa a nolo a uchugnguluwa ngubi chose. ²⁶ Wabyite byiiki bina bya nolo, ma wabibiye biya byiiki byage ngubi chage china, u magulu magyo mana. ²⁷ Biya byiiki byabe hoka na aya achingo, bululi byabe ihana ya ugingidicha miti, gya uswalila maya mesa. ²⁸ Walongye giya miti byabe gya msese, na uguwila na nolo, yulu giya mesa gyabe huswlilwa wagili. ²⁹ Na gogwe walingye bilego byage, na na mibali gyage, bisengo byage na mbada chage bya uhungolwela; wabilongye byose bya nolo cha chihaha. ³⁰ Gogwe wibiya mikati gya umonya hegulu ha mesa u mbele wanyi masugu mose. ³¹ Gogwe walongye mti gwa tala gwa nolo cha chihaha; gugo mti gwa tala gwalongiwe wa mgilo gwa butumbi, gwabe na tao lyage, na mti gwage, tubila twage, na byundo byage, na buluba bwage, byose bibi itu imwechi iwatane. ³² Nago mti gwa tala gubi na matabi mtuba uhuma mlubachu mwago; matabi matatu lumwe luubi lwa mti na matabi matatu lunge luubi lwa mti. ³³ Tubila tutatu twatulongiwe wa mlingilisho gwa buluba; na mbada chitatu chiitilwe mlingilisho gwa buluba bwa bogongo u tabi lya bubili, iundo ya buluba; byoka bibyo maya matabi mtuba mene mali huhuma mnda guya mti gwa tala. ³⁴ Na u guya mti gwa tala bisengo bina byine bili mlingilisho gwa buluba bwa bugongo, byundo byage, na buluba bwage; ³⁵ na yundo hasi ha matabi mabili mali itu imwechi nago, na iundo hasi ha matabi mabili mali itu imwechi nago,na iundo hasi ha matabi mabili mali itu imwechi nago, u mamo matabi mtubamene malihuhuma u gugo mti gwa tala. ³⁶ Byundo byage na matabi mage mabi itu imwechi iwatane nago; yabe itu imwechi ya mgilo gumwechi gwa butumbi, gwa nolo cha chihaha. ³⁷ Gogwe walingye matala mage njwii; nabo bilamya mamo matala mage, chalamiye lwenge u mbele wage. ³⁸ Na mano chage, na bilego byagebyose bibi bya nolo cha chihaha. ³⁹ Yiiswa ya malengo umi ma nolo cha chihaha, hamwechi na bitundu bino byose. ⁴⁰ Gogwe ulole ubigile wa mlingilisho gwage, byolimonyiwe uya u loono.