¹ Hanyuma bagile uhuma haya Elimu, na sumbilo lyose lya baana ba Isilaeli bahiile mlwanaganywa lwa Sini, lusugu lwa umi na butano lwa mwechi gwa bubili hanyuma ha uhuma wabo mnda sii gya Misili. ² Na sumbilo lyose ligima lya baana ba Isilaeli lilidogominye mnda wa mnda yulu ya Musa na Haluni, m'ya mlwanaganywa; ³ baanabaIsilaeli basambile, Bilingyetwisuba uuwa mnda iboo wa MLUME mnda sii gya Misili, haya henehatubele bashame hoka na ngeso cha nyama hatubele huya biliwa na ugyuta; yulu yai mutuhuminye uya na utuchwisha mluno mlwanaganywa , yulu ya utuhaga na ndala beswe lino sumbilo lyose. ⁴ Haho MLUME gumsambile Musa, Loola, nene nimnyeshecha benywe mbula gya mikati uhuma ha gulu; na na babo batu babi hutobowa hambuga na utola kila lusugu ibaa ya lusugu lumwechi; yulu naoshe ubatonda, namone nambo bigyata mnda m'bindo gwanyi ao nangu. ⁵ Bibyo habi lusugu lwa mtuba, ugana babi hulongya biya byine byabichwa nabyo, nabyo bibi bya nyendo chopi uhima biya byine byabasutola masugu mose. ⁶ Musa na Halunibabasambile baana ba Isilaeli, Igolo noo hamwimana ugana MLUME noo gummuminye mnda sii gya Misili; ⁷ na halwelo noo hamwomona ugengeda wa MLUME; bululi gee gwahulicha udogoma wenyu wa mnda wamumdogomine mnda wa mnda MLUME; na beswe tuli ba nanyi, na mutudogomene mnda wa mnda? ⁸ Musa guganne, Bibyo noo bibi hoo, MLUME helimma nyama mengo ma igolo mwaye, na halwelo mikati mwigiya na ulisusula gyo; bululi MLUME gwahulicha uduguma wenyu wa mnda wa mnda, wamumdogomene benywe; na beswe tuli ba nanyi? Udogoma wenyu mnda wa mnda ushi yulu yetu beswe uli yulu ya MLUME. ⁹ Musa gumsambile Haluni, Biino, udogome na sumbilo lyose lya baana ba Isilaeli, Chuwe hoka na MLUME; bululi gee gwahulicha udogoma wenyu wa mnda. ¹⁰ Haluni helibele hudogoma na sumbilo lyose lya baana ba Isilaeli, balolile luubi lwa mlwanaganywa, na loola, ugengeda wa MLUME umoneye mliya timba. ¹¹ MLUME gudogomine na Musa na ugana, ¹² Nahulicha udogoma wa baana ba Isilaeli wa mnda; biino dogomanabo, ugane, Mengo ma igolo mwiya nyama, na mengo ma lwelo mwiiya mikati na ugyuta; bibyo benywe mwiimana ugana nene noo MLUME, Abetcha enyu. ¹³ Isibele igolo kwali chichwile, na uwila bushamo bose; na mengo ma lwelo iime ibele hegulu ha ibaloo yose ngubi chose cha bushamo bwabo, ¹⁴ Na haginywine iya iime yine ibele haguluya ibaloo, Mndi! Hegulu ha bitete hali itu ya icho ili ibilinganyu, icho nahi biguma bya bihaha hegulu ha bitete. ¹⁵ Baana ba Isilaeli habaimonine, basambiene, Iyii ino? Bululi bashiimanine iyitu nai. Musa gubasambile, Noo mkati gwagamma MLUME benywe muguye. ¹⁶ Ino inywa noo yelilagile MLUME, Chelwe benywe kila mtu nahi mlichi gwage byaguli; ugoda ilego ulamana na lubalo lwa batu benyu byabali; noo byamubi huguda, kila mtu ulamana na batu bene bali mnda itula yage. ¹⁷ Baana ba Isilaeli bagilile bibyo, babelehutola bamwe biingi, benge biicho. ¹⁸ Nabo hababele hulingilila ilego, guya gubele hutola biingi gishishigele na atu, na guya mine gubele hutola biicho gushihungwilwe na atu; batolile kila mtu nahi mlichi gwage byaguli. ¹⁹ Musa gubasambile, mtu gegese gashibilache ndaa na halwelo. ²⁰ Ata bibyo bashimmulicha Musa; bamwe hawingi habo babilachiche ndaa na halwelo, nabyo bigingile mbubu na utula unyuka; Musa guchigililwe yulu yabo abisa. ²¹ Bibyo batolile lwelo nalunge lwelo, kila mtu nahi uya wage byaubele; na haya hene habele chuba lwa buhuchi, isumbwile. ²² Haho haluhiile lusugu lwa mtuba batolile bihichi nyendo chibili, kila mtu bilego bibili; haho baulu bose ba sumbilo bagile na umsambile Musa. ²³ Gubasambile, Iyo noo inywa ihumine wa MLUME Mmeshi iyulitucha uhaha, noo Sabato (ulecha, ulitucha) gihaha gya MLUME; chelwe yamwiosha uchela na utokotesha yamwiosha utokotesha; na iya yina yishigala libiilwe naiuswe ndaa nahalwelo. ²⁴ Bibyo babele huibiya ndaa na halwelo, nahi bibalagile Musa; nayo ishinyukile ugaga na ta ugingila mbubu. ²⁵ Musa guganine, liwe ino lino; bululinlino ii Sabato gya MLUME; (lusugu lwa ulitucha lwa MLUME) lino mushiitola hambuga ha lwanaganywa. ²⁶ Lusugu lwa mtuba mwiitola; bibyo lusugu lwa njwii ii Sabato, lulolusugu ishimoneya. ²⁷ Haho lusugu lwa njwii bange babele hugya uitola, bashiimonine ishibele oo. ²⁸ MLUME gumsambie Musa, Mwihanya uwasha malagano manyi na m'bindo gwanyi ata mengo naii? ²⁹ Lingaminywe, bululi MLUME gwamma benywe gigyo Sabato, noo ulihocha, yulu ya bibyo gusumma benywe biliwa bya masugu mabili; shamwe kila mtu ha ihana yagelulolusugu lwa njwii. ³⁰ Bibyo babo batu balituchiche lusugu lwa njwii nahi biganine MLUME, Abetcha abo. ³¹ Na ndu gya Isilaeli gigirile iya iliwa china lyage Mana; nayo ibele nahi igumaya mabelee, ihaha; na saa gyayo gibele nahi saa gya itumbula ya lubamba sali yine yabiwa bui. ³² Musa guganine, Ino noo inywa ya MLUME yelilagile, Ilego imwechi na ya iyo itu ibiwe yulu ya bibushi byenyu; yulu boo nabo baimone iya iliwa yandimlishiche benywe mnda mlwanaganywa, haya hene handimleshile uhuma mnda sii gya Misili. ³³ Bibyo Musa gumsmbie Haluni , Guha isengo, utahe ilego imwechi ya gigyo Mana mnda mwage, waibiye u mbele wa MLUME, iuswe wa yulu ya bibushi byenyu. ³⁴ Nahi biya byine bilagile MLUME uli Musa noo bibile Haluni umbele wa Mangisiyo, yulu byiuswe. ³⁵ Na baana ba Isilaeli balile Mana mengo ma myaa maumi mana, ndaa nabyabahiile sii gyine gili na batu, balile giya Mana, ndaa nanbyabahiileu ng'umba cha sii gya Kanaani. ³⁶ Gigyo giya Managibele huguha kila mtu gihiile bilego ibaa ya umi.