¹ Haho tugaluwile, tutulile lwendo lwetu ugya mlwanaganywa m ndila gya Bahali lya Shamu, nahi bisambile Mlume; tubele huchunguluwa koono cha Seili masugu meengi. ² Mlume guganine, gusambikle, ³ Byamuchunguluwile luno loono byahwa; galuwe luubi lwa uboo wa uachi. ⁴ Gogwe ubalage batu, ubasambile, Mwihita hawingi ha lugumba lwa bashiwenyu baana ba batu, wabasambile, Mwihita hawingi ha lugumba lwa bashiwenyu baana ba Esau bene basushama Seili; nabo bimmona booba; bino lilingaminywe bichuli-chuli byenyu bya mwego abisa; ⁵ nangu ulwa nabo; bululi nishimma ata imwe ibaa ya sii gyabo, ata nahi ihana ya yaasa-asa ya ugulu; bululi nimmele Esau koono cha Seili uba ihana yage. ⁶ Gulwe biliwa wabali na lusuu, yulu mwaye; na maadi mabo mumagule na lusuu, yulu mwanywe. ⁷ Bululi Mlume, Abetcha obe, uhalila mihaa u migilo gyobe gyose gya uboo obe; gugidi byoligyatile mnda lwanaganywa luno lwa lwata; myaa gino maumi mana Mlume gubele nobe, Abetcha obe; ushihulilwe na ibya. ⁸ Haho t7hitile miba,ba mwa bashiwetu baana ba Esau, bene basushama Seili wa ndila gya U Baalabu, uhuma Elathi na uhuma Esion-gebeli. Tugaluwile na uhita ndila gya mgala gwa Moabu. ⁹ Mlue gusambile, ushibadegye Bamoabu, na mushihidane nabo wa ulwa bita; bululi nishimmele ibaa ya sii gyage benywe uguhyili; wa yulu Ali namma sii gya baana ba Luti mugishamine. ¹⁰ (Bene babele bashamemo haya haala m Baemi, nabo m batu baata, beengi, na balahu, mlingilisho gwa Baanaki; ¹¹ na babo nabo balihulangwa uba bilume-pambwa nahi Baanaki; alakini Bamoabi basubagita Baemi. ¹² Na Baholi nabo babele hushama Seili haya haala, alakini baana ba Esau bachingile; babachiminye umbele wabo, boo nushama u buihana byabo; nahi biitile Isilaeli sii gya ihananyage yelihelwa na Mlume.) ¹³ Bino hano gimanywe, mwadabuwe luudi Zeledi. Na beswe tuludabwile luudi Zeledi. ¹⁴ Na masugu matubele hugyata uhuma Kadesh-balnea ndaa na byatudabwile luudi Zeledi, mabele m myaa maumi matatu na inana; bululu, na hatuhwile ubachimya batu bose ba bita uhuma u hawingi ha mabuga, ibushi yabo yose, nahi byabalahilwe pa na Mluime. ¹⁵ Iyaka uboo wa Mlume ubele hegulu habo yulu ya ubachimya, ubachinga hawingi ha bushamo ndaa na byabasungile. ¹⁶ Bibyo habele, habahwile uchimiwa wa uwa batu bose ba bita hawingi ha batu. ¹⁷ Mlume gusambile, guganine, ¹⁸ Hano bino udabuwe Ali, lugumba lwa Moabu; ¹⁹ na holibashena ubahyila baana Bamoni, babo ushilwe nabo; bululu nisuuha sii gya babo baana ba Bamoni uba ihana yobe; bululi nibahele baana ba Luti uba ihana yabo. ²⁰ (Gigyo sii nagyo gilihugwa uba m sii gya Balefai, haya haala Balefai babele hushamamo; alakini Baamoni babele hubagita Bazamzumi; ²¹ nabo m batu bengi, baata, balahu, nahi Baanaki; alakini Mlume bubachiminye u mbele wabo; babachiongile bashamine ha bihana byabo. ²² nahi biya byelibaitile baana ba Esau, bene babele huishama Seili, helibachiminye Baholiu mbele wabo; babachingile bashamine ha ihano yabo ndaa na lino; ²³ na Baavi bene babele hushama mnda tusoi twa ndaa na Gaza bachiminywe na Bakaftoli bene bahumine Kaftoli, na bano bashamine ha ihana yabo.) ²⁴ Gimanywe, muligile lwenyu, mwadabuwe ibetbeta ya Alnoni; looa, nam'biya Sihoni Mmamoli oolo lya Heshboni mmuboo obe, na sii gyage, tulwe ugihyilila, hianywe nage wa ulwa. ²⁵ Bino lino nene nitula ubiya iduba yobe na usinywa obe hegulu ha betu bene beli hashi ha gulu bihana byose, habihulicha mgugumbo gobe, na udanda, na ugingilwa booba bwingi yulu yobe. ²⁶ Nitumine batu uhuma mgala gwa Kedemothi ugya wa Sihoni oolo lya Heshboni na binywa bya talala, ugana, ²⁷ Nahite hawingi ha sii gyobe; nihitila m ndila gya giulu, nishigaluwa ugya luubi lwa uboo wa ulume ata lwa uachi. ²⁸ Na gogwe wanguche biliwa bya lusuu naaye; wape na maadi ma ugula na lusuu nanywe; iliho upishe ka nahite na magulu manyi hawingi bibyo ka; ²⁹ nahi biya byabangilile baana ba Esau bene bali bashame Seili, na baya Bamoabi bene bali bashame Ali; yulu nadabuwe Yolodani nagingile sii gyatuhelwe na Mlume, Abetcha etu. ³⁰ Alakini Sihoni oolo lya Heshboni gushibenjiche beswe tuhite wage; bululi Mlume, Abetcha obe, gummitile mtima gwage uba gugumu, yulu gam'biye mmuboo obe nahi byeli lino. ³¹ Hanyuma Mlume gusambikle, Loola, nitulile umunya Sihoni na sii gyage u mbele obe; tula uguhyilia, waoshe ugihyana sii gyage. ³² haho Sihoni helituchwilile hegulu hetu gee na batu bage bose, ulwa netu uya Yahasa. ³³ Mlume, Abetcha etu, gummunyinye u mbele wetutumagile gee na baana bage, na batu bage bose. ³⁴ Tuguhile mabuga mage mose mamo mengo, tugugiche abisa mbuga gyo gyose gyine gibele na batu, hamwechi na baachana ba tulenge; tushishigile ata gumwechi; ³⁵ nambo ng'ombe chabo tuchiguhile uba buhibi bwetu, hamwechi na bisunga bya mabuga mene matuguhile. ³⁶ Uhuma Aloeli, lwine luli wibega ya ibetabeta ya Alnoni, na bgiya mbuga byine gili mnda ibetabeta, ndaa na uhiya Gileadi, hashibele na mbuga gya gilahu utuhima; Mlume, Abetcha etu, gugibiile hululu u mbele wetu; nambo sii gya baana Bamoni ushimashenene; ³⁷ ngubi chose cha luudi Yaboki, na mabuga na giya sii gyukono, na ihana yo yose yine ituhaninye Mlume, Abetcha etu beswe ugyao.