¹ Nene Paulo nilihumtangelila wa chumba chumba na ulisacha wa Kelesitu, nene nili mmochu nahuba hamwechi nenyu, na ata nisahubaho nina uoma ose lulu yenu. ² Ehe nihusaba nahubahu nashibe na uoma wa nangu udidibwa wa ubabala uba nao hegulu haya balihulanga ugana beswe tulihushama ii m'bili. ³ Inangwa tulihushama ii m'bili, tushihulwa bita bya m'bili. ⁴ (Yulu mataa metu mashi ma m'ibili, bululi mali na uoma w'Abetcha ata uguisha mgumbo); ⁵ Tulihuguisha malanga ma kila itu iliginui uba ili huliginuna hekulu ha umana w'Abeca, na uwata kole kila langa limnyemie Klisto. ⁶ Iyaka tube abilo uonona bigilanywa byose bibe, nabyewilile anyemu enyu. ⁷ Bilolwe bili hambele henyu na meeso menyu. mtu gabeliudagila gee mine ugana ii mtu gwa Klisto, na galange hino mnda mwake, ugana nabi gee byeli gwa Klisto, byoka biya na beswe. ⁸ Bululi, nabelitona uhima uchoo, yulu ya uoma wetu, (watuhelwe na mlume, yulu tubagubai ushi wa umgusha), nishimona abule. ⁹ Nashichwe umonea nahi nihubenja uudanja wa mikanda kianyi. ¹⁰ Bamwe balihugana, mikanda gyake ii gigumu, gya bushito guishuba gee miine wa m'bili ii msumwa, binywa bige ashiatu. ¹¹ Mtu nahi gugo gugo galange bino, ugana biatuli wa binywa bya mikanda tusahubaho, noo biatuli uu bihisho tuahubaho. ¹² Bululi tushihuolwa ulibala hamwechi nabo balihulibala boo bene, na balihulilingilisha mitima gyabo na mitima gyabo, bashi na lwenyi. ¹³ Bino beswe tushilitona u mitima gyetu uhima biatuli, ila wa ulingilila wa ichuli yatulibalingililwe na Abetcha noo yuhiya ata wenyu. ¹⁴ Yulu tushihuliluche mitima gyetu uhima byatuli, biatuchuile wenyu, yulu tubele batatangi uhiya wenyu na mwano gwa Kelesitu. ¹⁵ Na tushihulitona uhima biatuli, yulu, mnda asusua bange batu, na tuli na maudakilo mugana uwasha wenyu hawiula, ba beswe tuiula ichuli yetu yulu yenu, na uongechiwa. ¹⁶ Tulihuudagila, ulisamba mwano gubenju ata ibaloo ya koo uhima ibaloo yenyu, tushilitone yulu ya ichuli ya gunge mtu ubigilanywa biene bihuile ulongiwa. ¹⁷ Bibyo mine gulihulitona, na galitone wa Yesu. ¹⁸ Yulu mtu mine gwagitabichiwa gushi mine gulihulitona, bino gee guitonwa na mlume.