¹ Nene Paulo mcha kwa Klisto Yesu wa luundo lwa Abetcha, na Timoteo mshi wetu, na ihwilo eya ele Korinto, na baklisto bandela keke behula maakaya. ² Keene natalala ohuma w' Abehcha Pungu, na mnome kwetu Yesu Klisto. ³ Katonywe Abetcha Tata kwa Mlume kwetu Yesu Klisito. Kenyike i Tata kwa lehema na Abetcha ohocha mtema. ⁴ Abetcha ohocha mitema kyetu ubihende bya ususua wetu wose, yulu beswe tube batu buhocha mitema kya batu bena tususu. Tubaoche mitema kya batu byeeetele wetu Abetcha. ⁵ Nahebiya asusu aklisto kukelelela yulu yetu, bibyo bibiyo talala kyetu kuyukelelela uhetela wa Klisto. ⁶ Nambo twe ususulwa, iyulu yuba bahocha mitema na uhoma wenyu. Nambo twe usachibwa mitema, iyulu yusachibwa mitema kyenyu. hausachibwa mitema wenyu ueta mkelo na uwelecha mpe mwesususuela habimwechi na utolelecha, nahibesu lwetu twe susu ile. ⁷ Na ukimana nangu utekela yulu yenyu na ukimana, Twehumana mwehamwechi na ususuwa, bibyo bibyo mpehamwechi usachana mitema. ⁸ Yulu tusiutaka benywe uba tohoso, bashiwetu asusu etubele nao oho Asia. Twemonelelwe abisa ueheto buya tweshibele eyaka na mandekelo moshama. ⁹ Keene twebele nahukukyu wa hakulu hetu. Byebele yulu tushibele maundakelo mta mwa Abetcha, kwe lehuchula babu. ¹⁰ Kwetuhele alamo notohunya undela kyalubu, na utuhonya eyaka, notukimia eyaka mpwingi nake, na utuhonya eyaka. ¹¹ Benywe na benywe mwelungana netu yulu yetu ndaa usaba , yulu ya leya karama lyatulebahewe beswe undela kya ubenja wa bato bengi, bato bengi bahane buswachi yulu yetu. ¹² Twehu likinuna yulu ya bibyo tweushuhudiya wa dhamiri kyetu. Kyemtamwa dhamiri kehaha na uhahala wa Abetcha. ¹³ Ukana twekile beswe mpwingi na ebalo, twe ueta bino hasa benywe na bishi eyaka ulwengu lwa ebalo. hanyuma hake impwingi na keene cha Abetcha. ¹⁴ Ushiemwe beswe tweandeka, eyamshina mana benywe usoma nomana. Neno ujasiri yulu mmetumana wa biingim na ujasiri mpwingi namnome kwetoye su kelesitu yulu yulekinu wenyu. ¹⁵ Nahe mweta kile uba wetu. neme nebelena buwasha yolu ya bibyo, neta kile uchwa wenyu hambele. yulu muhewe na upata faida kyu kyatelwa nyendo chibele. ¹⁶ Ne hulamanya ubakyatela, mengo menekya Makedonia, eyaka nebele hutaka ubakyatela mengo me ukuela Makedonia, hanyuma hulepelwa nenyu ugya Buyahudi. ¹⁷ Haho handelangilee bibyo, niitile wa ulebela. Ao bibyo byande langile, nebilangile epelee ugana bibe bibyo wande na udogoma ehe, ehee ao nangu, nangu. ¹⁸ Nambobibyo Abetcha kwa kene, enywa yetu wenyu ishi yugitabicha ao yuhanya. ¹⁹ Abeca etu ilulame Yesu Kelesitu, i Silvano, Timotheo na nene twe kanine wenyu ushi ukitabuwa, ao uhanya hanyuma hake mengo mose iukitabuwa. ²⁰ Yulu alako Abeca iokitabowa mmdamwakem na lutela wake tukitabuwe "amina" wa ukengeda wa Abeca. ²¹ Haho geemine guhutuleleya hamwechi nenyu mpwingi mwa Klisto ma utubeela mauta i Abetcha ²² Nagee, nomine gutubile yaala , utuha Arabuni gya mtema nda mitema gyetu. ²³ Nambo nene nageta Abetcha gobe mpangeseya yulu ya mtema gwanyi ,waumonena kene nishinahia Korinto. ²⁴ Eshi yulu twehulanga ukima wabuwasha bwenyu bube, hanyuma tueteha mwechi nanyu yulu saso kyenyu nahe mukimana wa uwasha wenyu.