¹ Nabibyo namona nene mine nambo nasabachowa eyaka wenye wa esusu. ² Nambo nibaetile benywe lubaba, inanyi kuabampa saso nene, ike kubongolilwe na nene? ³ Nakola bine byali mmite hine nichi wenyu nishibe ubongolwa na baya bene bampele saso. nili ntu kushi naboba wenyu bose bibyo saso lanyi no saso line mulinalo benywe bose. ⁴ No nibakolile benywe uhumona na asusu ata, na asusu ya mtema, nibakolile na luhanga lwingi. hanyuma hake, nibenjile m'mane luundo nilinalo yulu kyenu. ⁵ Nambo ntu kekese kuitile usuma, kushi itile tu wande, a ihindi imwe - bila ubeya buhuchi bwingi - wenyu benywe bose. ⁶ uhulwa lwa ntu kumwechi uli babengi byawilela. ⁷ Wa bibyo eyaka luhulo, ubihubenja ulelela na uma mtena. Muite bibyo yulu kasichwe uiswa na asusu kile kingi. ⁸ No mana nihubabeya mtema uelecha yulu kyake. ⁹ Eyo no yulu nikolile no yulu nihuba uba kakecha na m'mane yulu nambo bale balisache ubitu byose. ¹⁰ Nambo mwahondelelela byobyose, na nene eyaka nalelela ntu kuya. Eya nilelele - nambo ni lelele byose - bya lelela wa faida wenyu wa uoma wa Klsito. ¹¹ Ee ni m'mobu kashichwe utaitila ubicha. Beswe tushi tuhoso wabenja wake. ¹² Mchango kwa bukulwa wanyi na Mlume nichwile wenyu mboka wa Troa usambalacho mlandu kya Klisto haya. ¹³ Na bibyo, nasaba na talala kya mtema, yulu nasampanga mshi wetu Tito haya. Bibyo nabashika na nikiwile Makedonia. ¹⁴ Na katonywe Abeca, yulu ya Klisto kuliutulombola beswe wa uhima. Uhetela beswe usambalacha unyuka bibenju lwengo lwake fashi chochose. ¹⁵ Yulu beswe wa Abetcha, ni unyuka bibenju ya Klisto, bose hawingi ya balebahone na baya bene bali bawile. ¹⁶ Wa bashiwetu bene bale huwa, na unyuka uhuma uwa na uwa. Ubaya mweko na mweko. Inanyi kushilingye bitu bingi? ¹⁷ Yulu beswe tushi nahe bashiwetu bengi bene bali ukula mlandu kwa Abetchha wa faida. Hanyuma mwake, wa uhahala wa malanga, twadokoma yulu ya Klisto, hahe bia tutuminwe uhuma wa Abetcha, umeso ma Abetcha.