¹ Paolo mtumwa kwa Yesu Klisto , wa Alako a Abetcha Mmonya kwetu, na Yesu Klisto , utakiilo kyetu. ² Wa Timoteo ,Mwananyi naho nntaa mwa uwasha naa Keene naa bibee wobe, Keene na uwasha byehuma wa Tata Abetcha na Klisto Yesu Mlume kwetuu. ³ Nahii biya byandeokanine oshame Efeso, andebelee nehuukyata okyaa Makedonia , yuulu ya oba hanyaa bange bashikyee omana binge. ⁴ Nabashilole eda naa milanduu kya mioka nango na esulaa, byeene byeeolela binywa bishi boolo bwa Abetcha minekwe ntaa uwasha na obeeta biya. ⁵ Nahaho isulaa ya mwanoo koya ilanduu uhuma ntaa mwa Mteema Kobendju, malanga, mabendju, naa uwasha wishina mmonywa. ⁶ Bangee mbee bahokosa wa milanduu kiyaa baokolowa wa milanduu kya bunene kyaotokomatokoma . ⁷ Beeotaka ubaa bakikya ba mmpendo Nabashilole byeene baleeotokoma na milanduu keeya kya beetokiwa wa bunene. ⁸ Haho twekitee yuulu ya mmpendoo kobenjuu, nahii ntokwa oeeta ndeela kya keebenjuu. ⁹ Kwahomana kiya milanduu obaa mmpendoo kushi yuulu ya ntoo kwa bolole, yoolo wabaya bene bishi oholela mmpendo na baya be mibanga, mahaha bene bishi oseena Abetcha naa baya bene bena buubee, naa bebahola misobo naa ohola ba minabo naa bahakanyi, ¹⁰ Naa bamasei, naawafinaji, naa bene bebakiba batuu, naa balulimi naa bene beotokoma lulimi. naa nahii nnanduu kungee kushibolole na makikya mene mena mweko. ¹¹ Nabiya biliibitokomwe nntaa milanduu mabendju kya buhaha bwa Abetcha atalala kwandeobeela langa. ¹² Nanene naamma buswachi Yesu Klisto Mlume Kwetuu minekwabeeya ooma, wa yuulu komonine okanamwapwasha, kwembeile nntaa mwa nkeeloo kwake. ¹³ Ubaa Haho hambelee nene nebele otowana, naa ochyembyaana Janine anene: wa yuulu nipatile Keene wa yuulu nibiitile na bohoso na nango obaana uwasha. ¹⁴ Naa keene kya Mlume kwetuu kyehiitile abisa naa hamwechi na uwasha na luundoo okyaa nntaa mwaa Yesu Klisto. ¹⁵ Nnanduu kunoo kwa uwashiwa, naa ilipashiwe okitabewa abisa, omana Klisto Yesu kuchule mmeebaloo yuulu ya batuu ba buubee bakolowe; na nene kwa hambelee haboo. ¹⁶ Yuulu ya biya nipatile kenee, yuulu nntaa mwanyi hambelee, Yesu Klisto kubepaa utolecha wake ose, nahee benywe wabaya bene Benjamin's haisula, nahee bunyemu na lwengee milumbu na milumbu abisa. ¹⁷ Nahaho wa Oloo kwa milumbu mine kishioosha omona otokiwa mine kushimoniwa, Abetcha kemine, na otokiwa bibee na bunyemu na lwengee milumbu na milumbu abisa. ¹⁸ Mwananyi Timoteo, nuuhaa Alako ao abee buhana wa yuulu kya milanduu kya babowa kyeneenkitangile hakolo obee, yuulu yobe oholanee biya bita bibendju. ¹⁹ Obee minee uwasha na malanga mabendjuu, kwene bangeeseya beholangela mbali bebulee yuulu ya Mwano kwa uwasha. ²⁰ Nntaa mwa naho webele himenao na Alesanduro, yuulu naa ohaa shetani batuu Baboo, yuulu bakikiwa bashi nntowee Abetcha.