¹ Na haho hambele ha milanduu kyose ninntake, nehokanina , neholombela na uha buswachi oetehee wa yuulu ya batuu bosee. ² Wa yuulu kya Maolo mosee bena buhela toshame mweko kwa oteyamana na uwasha. ³ Yuulu ibebendju , naa uwasha hambelee ha Abetcha Mmonya kwetuu. ⁴ Minee kuubenjaa batuu bosee bahonee naa omana abisa byakenee. ⁵ Yuulu Abetcha imweshi ,naa nnsambanyi hawingi ha Abetcha naa mwana kwa Adamu Klisto Yesu; ⁶ Minee kweliihuminye keminee ubaa Mmonya wa yuulu ya bosee ,wenee wetokomwa haehendee yake. ⁷ Nanene yuulu ya biya nebiwilwe nabee otokoma milanduu kya mwego naa nehaa ( nehukana keene , nishihukana lulimi) mkikya kwa mwaloo nntaa mwa uwasha na keene. ⁸ Bibyo, naamona balomiana ba sabee kila ehana na ukinuna maboo ma mahaha wanangoo songo na malanga ma bubee. ⁹ Biyabiya baachana bachwale nguuboo cha uweela mmpelee hamwechi , olekongya bibendjuu , na Mteema kubendjuu, ushi wa uluuwa ndjuli , nangoo Nolo naa Lulu , naa nangoo wa nguuboo cha ahonasonga. ¹⁰ Wa yuulu kya bigeelanywa bya bibendjuu , biya ibipashike baachana benee beokana oseena Abetcha. ¹¹ Mmaachana kolikikye yuulu ya oleteyamana ,naa kulesacha. ¹² Na biya mmaachana nishiima bushito bwa ukikya ataa uushamina ilumiana nagee gashamee hwee. Wabiya Adamu namine kubumbilwee kwa ntangii na Hawa olama . ¹⁴ Kushii Adamu kwebikiwe, ii mmaachana noo kwebikiwe abisa kwekingiile mpuubee. ¹⁵ Wa yuulu kweehonyiwa yuulu ya ebushi yake , mbee beseenga nntaa uwasha na luundoo na ohahashiwa hamwechi na Mteema kwa uhetaa.