¹ Ce fwɔninw tinmin layidu garee ra Yaamasa bato kwoora. Batoshoo dgukooman byɛ tun manna. ² funnun shoo tin jɔra. A sho garee tiin kri ko ja senuman. Fintaanba nin tabaribaa nin yrarii byurukunw, wu ree tin m'a kɔɔnna. ³ Fnun shoo flannaan tinmin sho shɛtgɛ fnuun kɔfɛ, a tiin kri ko ja senuman senuman. ⁴ Wushunan dga miin didaa ra nin sannu wee, wo tin min ɲin, a nin layiduu kɛshuba wo, sannu danin tin min wo jaa byɛ kan. Manɛ tin min sannu dga miin kɔɔnna, wo tin min kɛshuba kɔɔnna, ani Arɔn ka bemee min ngura, anin layidu komaa sɛbɛra walga miinnu kan. ⁵ Sherubɛn nɔrɔmanw tin min wo kɛshubaa sanfɛ wuw brini tin min jrumun ban jaa kunna. Nŋa wow kwow byɛ ɲafwɔ sgan ti sisa ye. ⁶ Fnushoo nin a kɔɔna fɛw byɛ labɛni kwɔ, saakalashebgaw dun wo sho garee kɔɔna sgaan byɛ ka Yaamasa bato kwow kɛ. ⁷ Nŋa saakalashebgaw kuntgii ken n'e dun sho flannaan kɔɔnna shian ken pe san o san. A t'i dun nin byɛkan yuu t'a boora, Ka wo lashe Yaamasa ma a yɛɛ kanma nin mŋɔw ka friw kanma. ⁸ Ni senu n'a yra wo tgora ko ka fnusho garee to ɲin, Ja senuman senuman sraa tun ma dayɛɛ. ⁹ wo Fnusho garee min sisa waati kwow bisgi ree, wo r'a yra ko ɲinnin fɛw nin saaka miinnu lashe, wuw ti she ka wo jibgaa dapa dosokun ka pan fɛ. Wo ¹⁰ ŋinnifɛnw nin saakaw ni dunnufɛw nin myinnifɛw nin jeera kwokwow shaanman tin min kɛɛnkan kwo ree, wuw kɛra sariya ye ka sgi aa kuna, fwɔ ka ta she fɛɛbyɛ latgɛ waatii ma. ¹¹ Nŋa Krista naa, fɛ n ɲumaan nataw sakalashebgaa kuntgi ro. A ka saakalashebgayaa fnun shoo ka bun, a dapara ka tɛnmɛn jɔ kan kun. Mŋɔ boo ma wo jɔ, wo ti diɲa ɲin ta ye. ¹² A ma dun ja senuman senuman kɔɔnna bakpɛɛniw nin mishindinw yuu baaka ra, nŋa a dunna a yɛɛkun yuu wee baaka ra shaan ken pe, a taa kɛ kun bari ee kunmabɔrii sɔɔ badaa. ¹³ Ayiwa bakpɛɛninw nin toraw yuu ani mishigmren giin ni bripiɛɛ dgudgunin wo mŋɔ nŋɔnniw kan, we r'e wuw kwɔkanaw saniya, ¹⁴ nŋa Krista yuu wee saniyarii kɛ ka tɛnmɛn wo kan kwosɛbɛ! A ra yɛɛ jii Yaamasa ma saaka fyɛntan ye, badaa ɲin baaka ra. A ye yuu n'an dosokun saniya kɛta saniw ma. Yaako an baara kɛ Yaamasa ɲranman wee. ¹⁵ Wee kanma Krista min layru klaa soonarikɛra wee. Mŋɔw jrumun miin kɛɛ layru garee sgaanna, a ye sa ra wuw kumabɔri wee kanma,yaako Yaamasa miinnu kri, badaa cɛn miin layru ta ra, aa r'a wo sɔɔ. ¹⁶ Nin cɛntasɛbɛɛ min ɲin, a r'a yra ka pyɛ ko a sɛbɛ bgaa sa nin no, ¹⁷ katguw wo sɛbɛ kɔɔnna komaw ti fwɔ n'a sɛbɛbgaa sanin tɛ, wo ti kɛ k'a ɲranman to. ¹⁸ Wee kanma layru garee shi ma sgi nin yuu tɛ. ¹⁹ Musa sariyaa cefwɔninw byɛ ken ken fwɔ mŋɔw byɛ ɲanaa sgan min na, ee mishindinw nin bakpɛɛninw yuu ta, ka jee byɛ ta, ani sgashe wlemaan ta nin hisopɛ yri bruu wo, ka wo siisii kitabuu nin mŋɔw byɛ kan, ²⁰ en ko: Yaamasa layru miin taa a' ye, wo yuu min de. ²¹ Wo tgo kewna, Musa ree yuu siisii fnunshoo nin Yaamasa ka baarakɛ mlanw byɛ kan. Ka kanɲan nin sariya wee, ²² fɛn byɛɛ sanniya nin yuu wee ye, fwɔ fɛn ken ken. nin yuu ma bɔn, jrumuun ti yafa. ²³ Wee kanma, waajibi r'e tumun sankoora fɛnw bisgiw r'a saniya nin wo fɛnw ye, nŋa wajibi ro sankoora fɛw yɛɛkunw n'a saniya nin saaka pisanmanw ye . ²⁴ Ka sɔɔ mɲɔ boo ja senuman miin jɔ ka kɛ ja senuman sɛbɛ bisgi wee, Krista ma dun wo kɔɔnna, nŋa, a dunna sankoo yɛɛkuun kɔɔnna, yaako a r'i yra Yaamasa ra sisa an kanma. ²⁵ A ma dun ɲin yaako ka a yɛɛ kɛ saaka ye shiyan shaanman, nafwɔ saakalashebgaw kuntgi wee dun ja senuma senuma kɔɔnna san o san nin yuu wee tin miin shi min ti a yɛɛ ta ye. ²⁶ Na tin miin tin, Krista tin ka kan ka tɔɔrɔ shiyan shaanma ka bɔ fwɔ diyan da sgan. Nŋa sisa, waati laban ɲin na, ee r'i yra shaan ken pe ,yaako a r'a jrumun ban nin a yɛɛ saakari wee. ²⁷ A latgɛra ko mŋɔw r'a sa shiyan ken pe. wo kwɔ, kiti wen tgɛ. ²⁸ Wo tgora, Kista byɛ kɛra saaka ye shiyan ken pe. Yaako a r'a mŋɔ shaanman ka jrumuun diin ta. A n'i yra a makɔɔn bgaw ra siyan flanan na aa krishi kanma. Jrumun kwo sin tara.