¹ Honga binimwona malaika mwituä hasi ufumina higulu, gwali na fungulu ya ibenga ili hôlo na muyololo gûata mw'igaza lyaji. ² Biguwibundila kimahayamahay , nyoa ya aala, yiyeya i kiyungu yungu na Akesh'kesha, na bigu'umuganga biti mumia elufu yimu. ³ Biguumusumbula mwibenga ili hôlo, biguubuviila na uganga ndehe umashwelebu higulu yaji, ku'boyela naha ndelimba honga bisizi, vuhu byebya bimwabagananga yeya mia elufu yimu manyuma gaji, yikumbene gwahosololubu mu matufu gasehe. ⁴ Na binimwona bihumbulu;na baaba babikaila hasi bauhububuswata bwa kûala ng'handa.Na binimona matima ga baaba booso baukalubu mishu hamubili gwa bushuula bwa Yesu na hamubili gwa mwanda gwa Vili na ga baaba bashaututugwilanga nyama na ifuatuli yaji , na bashakuuza kimbanga û uluebu lwabu na ku'boö wabu. Bibaugalusha papapa ,na bibautangayala na Klistu mia elufu. ⁵ Baaba banji bafu nde baugalusha papapeü vuhu byebyu bya ukumbana yeya mia elufu.I busangu bubele. ⁶ Baliu buose na balumbului ni baaba bamwakuuza leu mu bubuu busangububelebele !Lufu lwa bululi nde lu na buswata ubali boheü;Ila boho bamwakaä Makuani ga Vili naga Klistu, na bamwalenga na ibalu mu mia elufu yimu. ⁷ Hamwakumbana mia elufu yimu, Akesh'kesha amwahosolubu ufuma mu buloko bwaji. ⁸ nNa gumwafuma ku'ulimba bisizi ba matunji gooso gu'gana ga alunga-mugaza, Gog na Magog, ku'babungila lugoze , lubali lwahululi paha na mushenga gwa iziba. ⁹ na bib'ubanda uluegulu ya alunga-mugaza , bibausimina ngota kwitulu ya balumbului na ya jyaati yilegelejyubu.Ila mulilu biguchautuä ufumina higulu, na biguchaubalyaha. ¹⁰ Na kiyunguyunga, cheä yamubalimbanga , bichiusumbulubu mw'iziba lya mulilu na bya ulembesha , mwomwa muli nyama na ng'hanga biloto gwa malimi. Na Bamwasuba yuba na butufu, miaka na milumbu. ¹¹ Na binimwona ihumbulu chiâta , na yogwa gwa chikaila hasi .Alunga-mugaza na gulu bibiujyoä û mesu gaji , na biushichimwona handu habiooukalila. ¹² Na binimwona bafu , bayui na balenje , bâli shu-shu-shu û mesu ga ihumbulu. Bitabu bibichawez'lulubu. Na chii itabu imu biichawez'lulubu, I itabu ya buomene . Na bafu ba'kualilubu kuilila bilongwa byabu, wilondena na cheä yahulubu mu byebya bitabu. ¹³ Ziba bilichaufumisha bafu bali mwaji, lufu na ukahisi biyachafumisha bafu ba'bamnabu; Na chila jimu bigukualilubu kuilila bilongwa byaji. ¹⁴ Na lufu na ukaisi bibachausumbulubu mw'iziba lya mulilu I lufu lwa bubili, cheä iziba ya mulilu. Yo' gooso gusha na zina lyaji lihali mwitabu lya buomene gwasumbulubu mwiziba lya mulilu.