¹ MAnyuma gaji, binichauhujy'nwna mu matimba paha na ibilila huu ya bandu bashwali mwiboya: Aleluya !Bushoke, utaba na buswata bya Vili gwetu, ² wilondena na alu lyaji ndialujila na lyya bululi sihi, ku'boya guumkalila yogwa malaya kabambi gwa uligula alunga-mugaza kuilila lumbanya lwaji, na guhiula muloha gwa bandu baji ba mulimu mwibasima ufina uboö waji. ³ Na bibaboya lugumbu lwa bululi: Aleluya !...Na mwisi gwaji gum'banda biliu na biliu. ⁴ Na banunu maumi gabili na bana na mwaswabaga gana gali zâ-uma bibauhuluä ubul'vunu na utendeela Vili guli soga mwihumbulu, bibamwiboya : Amina ! Aleluya ! ⁵ Na yihi bilichaujyia ufumiona mwihumbulu, lyamwiboya: Muluvi Vili gwetu, banu booso bandu baji ba mulimu, banubamum'tina moyo, wibambijya balenje na bayui! ⁶ Na binichauhujya paha na ibilila ya bandu bashwali, paha na ngwagu ya mema gashwali, na paha na miunu yiminiyimini, mwiboya: Aleluya !Hamubili gwa naha Mwanana Vili gwetu mukome gushwela mu butangala bwaji. ⁷ Tusehelejye na tukaï mu lumwenye musangu , na tumutumbule ; Wilondena na lusabi lwa mwana gwa mukoö lufiä, na mwazi gwaji guwiyala, ⁸ Na guhelubu gwavete alamba ahela , am'kwes'gana, ashi na atimba.Wilondena naha alqamba ateela, ni bilongwa bya bului bya balumbului. ⁹ NA malaika bigunzwahila :Haâla ; bali buose na baaba bit'genubu kuihugizi ya lubali lwa mwana gwa mukoö ! Na biguniswahila : Yiyi mioolo ni yiminu mioolo ya kasisi-kasisi ya Vili. ¹⁰ Na biniuhuluä hamagulu gaji ku'umhalila; Ila biguniswahila :Leä utaha byebyebyu!Nili minobe gwa mulimu, na gwa banduku yobe bana bushuula bwa Yesu halila Vili .-Iuboya bibinu bushuula bwa Yesu ni chiuli ya bung'hanga biloto . ¹¹ Honga binimwona timba liwezulula , na mwona , mbanda yitoä biyiufuma .Yogwa gwayibanda gumwit'ganubu gushi na mwaji mwaji na gwalujila na gum'kala na utaha lugoze luli bululi. ¹² Mesu gaji gali paha na imuni ua mulilu ; U mushui gwaji gwali na mabangala gashwali; Gwali na zina lihali , lishijilubu na mundu, sesese gu'jehemu'ninu boobo; ¹³ Na gwa'vete ilamba yali ihonye muloha .Zina lyaje ni mwoolo gwa Vili. ¹⁴ Tuswanyi tuli mwitimba bituumulonda munyinga higulu ya mambunda gatoenge, ba'vete bilamba bihela , bitoa, bishi na matimba. ¹⁵ Muanu wajimwamwifuma ahete ali bwazi mukeeta, ku usesa bisizi ; gumwabalisha na mujyeleti gwa yelu; na gumwawatila yesuyesu ga maluvu ga ngeteeü gwa bwazi bwa Vili mukome. ¹⁶ Kwilamba yaji na uchiondo yaji wahalubu zina: Kasheke gwa Bakasheke na Mwanana gwa Mianana. ¹⁷ Na binimwona malaika gwa'wimana mungati yuba . Na biguutanda luâta, biguuboya uli toni tooso tum'vumbua hangati timba ; Muviage, mwibungi kwihugizi chiata ya Vili. ¹⁸ Kuboya muv'lyahi misamba ya tusheke , misamba ya bayui ba basolaha, misamba ya maswata , misamba ya mambunda na baaba bamuyibanda , misamba ya booso, batandilu na bahiä, balenje na bayui ¹⁹ Na binimwona nyama , na bakasheke ba mwalunga-mugaza, na tuswanyi (bilumbu bya lugoze) byabu bawibunga ku'utaha lugoze na yogwa gwali hasi higulu ya mbunda na aji aswanyi(ibumbu ya lugoze). ²⁰ Na nyama biyikuatubu, na hamuonga nayu yogwa ng'hanga biloto gwa malimi , gwauta mu mesu ga yogwa nya,ma bisimu na luzinga bigwauuhliusha nabyu baaba bautubu bimbanga bya yogwa nyama na ba'uhulial ifuatuli yaji. Bibachausumbulubu booso bababili bali papapa mwibenga ili mulilu gumtemba nganganga na gu'na byaugutembesha. ²¹ Na baaba banji bawihagubu na ahete kaäam'fuma muanu mwa yogwa gwali hasi uluegulu ya mbunda; na toni tooso bitukuuta na misamba yabu.