¹ Paulo bigu balola bayui ba balaza bihukoola banu babalumwina banduku walugula na luani, haluleme vûû lelu û buhala bwa Vili Nyambi. ² Kohani gwa muyui zina lyagi Anania bigutuma bababali habuihi naji bamijibili kuanu. ³ Paulo bigukoola : Vili Nyambi gumwakujibilanga. Bwasi bufiinyubu bangi guli soga ku uzambisha ulondena na milango na guwenda mamama gutuma bandu bajibili mimi. ⁴ Bababali habuihi yaji bibakoola utuah kohani gwa muyui gwa Vili Nyambi bulomo. ⁵ Paulo bigubonaha: Sijileuh be banduku nang'hah no kuhani gwa muyui wamana isingizubu ndu mwa mukoelanga muyui gwa bandu bobe. ⁶ Paulo, haqguyua nang'ha iba imu ya balaza yali ya banduku na inji na Wafalisayo. Bigutah luhundu mu balaza banu balumi na banduku nili mufalisayo mwa gwa mufalisayo. Wasababu yqa uyuah ujuluah hangati bafu hatulizubu û mazambu. ⁷ Haguvuya koola bihabuah mbaa hangati ya Basadukayo na Bafalisayo nago makutano bigugablua. ⁸ Basadukayo bambonang'ha ndeuli ujulueuh na nde uli basanguwala chiuli na Bafalisayo bamusisimia bindu byoso bibili. ⁹ Biuchaa lutoya luata na bamu bakalani bali ng'hambu ya Bafalisayo bihabua mbaa yiata. Bibaboya nang'hah nde tumumoneauh bubiha nasi mbu bumu mwa yu mundu. Hamu nichiuli ô musangu gwa musahwila. ¹⁰ Lutayo haluhizja muyui gwa basoda bigutina na Paulo nde bamutendela bibiha , bigutusha basoda kumwatusha hangati yabu na umululia munda mwa lupangu. ¹¹ Butufu bwa ulondena, mwanana bigumufumina Paulo na umusawila :Koah na musangu byebya bigwa koola ng'handa yami û Yelusalema , taaah honga ûLoma. ¹² Butufu habutotoah Bayuda bibatah agole nang'hah ndetulyaha wala utoma mpaka Paulo gwayihagubu. ¹³ Babatah ka agole bakila maumi gana. ¹⁴ Bibawenda waumona Makohani bayui na Banunu; na ubasahwila : Tutele agole nang'ha nde tulyah vûû hatu mwihaga Paulo. ¹⁵ Banu nabu hanu mukoole na balaza liatagala na muyui gwa basola bavugayi naji unuli muyui bitulu byagi byoso na batu tuli mumulama ku mwihaga. ¹⁶ Mwana gwa babugwaji na Paulo hagukuza musahu gwa ku agole abu buguwenda munda mw lupangu wa umusahwila Paulo. ¹⁸ Yoga muyui bigui ibugula yoga mwana gwa mulumi biguwenda naji uli muyui gwa basola.Biguboya nang'ha mundu gwa buloko Paulo gufunyitigana nang'ha niku Vili na yugu mwana gwa mulumi guna ng'handa ya ukusawila. ¹⁹ Yo muyui gwa basola bigumuwata kubooh na wenda naji umbavu na umwihuja: Guna ng'handa ayi ya unzawila? ²⁰ Bigulunga : Bayuda bihujiene uvukuhazja gumushali Paulo buenda uli balaza liata kuiyua ng'handa yaji buhululu . ²¹ Ndabahujeuh zaidi ya waumi gana hangati yabu bataha auboya nang'hah ndatumulya ao utoma vûû hamwihagubu hanu tutele mulama yihi lyobe. ²² Yo muyui gwa basola bigumusawila yoga mwana gwa mulumi nang'ha ndusawila mundu yiyi ng'handa yonzawili. ²³ Bigui gana bayui ba musi yagi ba bili bigu basawila : Mukaï paah na saha y'isatu ya butufu basola miah yibili na bamubanda punda maumi yibili bayende û Kaizalia. ²⁴ Na wakaï punda yimu ya Paulo ubanda bayamufiisha guli paah wa liwali Felixi. ²⁵ Bigusinga mukanda: ²⁶ Klode Lusia gumutinubu Felixi nikusema! ²⁷ Yu mundu Bayuda baumuta mashitaki balegelezja umwihaga hanifia na basola binimukuja bibaunzawila nang'ha ni Muloma. ²⁸ Kutaka uyuah ibamuwitili ni uvu naji û balaza liata. ²⁹ Nimona bamusitaki wenda mamama na mipango yabu ndatele itulu nasi ngiemu yepashili ufaha au ushela mu buloko. ³⁰ Nikuza musahu na Bayuda bakoele ng'handa ya malimi, nikutumineje na usawila bamusitaki bakusawili babaninu. Niwenda. ³¹ Basola mumipango yibakuza, bibaumubugula Paulo na umululiah bobutufu vûû û Antipatilia. ³² Luela lwaji, bapanda punda bibaongeza lugendu hamonga naji bibagalusha mu lupangu. ³³ Habafia û Kaizalia, bamubanda punda bibahana mukanda uli liwali na umuhana Paulo. ³⁴ Liwali hagusoma mukanda na biguwihuja nang'ha Paulo gwa ibalu ayi bibayuya nang'ha gwa Silisia. ³⁵ Nimukuzambisha hamufika bababakusitaki. Biguhana mupangu bamutahio munda mwqa lupangui lwa Helode.