¹ Balumi banduku na bash'ami muhujinene yinu yanuswahila ubuhala bwenu! ² Habahuhinena yeye yi gwamukoola mululimi lwa kiebulania bibahija ukaa weehe. ³ Mimi nili Muyuda ubutua û Talse mu Sisiliya , nakulila ujaati yinu yituli, na wigishubu umagulu gwa Gamalieli mu uyua shelia ya bashetu na uleglejya Vilinyambi binuli banu lelu. ⁴ Nawigisha ka' kanuni uganga bandu ubataha mu buloko balumi na bazi. ⁵ Kohani gwa muyui na ba boso banunu m'bashuula bami. Nakuza wabu mikanda u banduku ba Damasiki, na mwenda wauvugaya na baba bali mu buloko û Yelusalema baba bali koa na ubaha malipizi. ⁶ Hanisha mwenda mu zila habwihi na Damasiki yisha mapande goa saa mutuba, binimona mushee ufuma higuli biguunyungila. ⁷ Binihululua hasi, na uhuyinena yihi bili uswahila binu: Saulo, Saulo mana ayi guunihaga? ⁸ Binulunga : Bebe guli nani mwanana? Bigu undunga naha: Mimi nili Yesu gwa Nazaleti go mwihaga. ⁹ Baba bana nabu nabu bamona go mushee, nde bamuhujinena yihi lya yogo gumwisamba ¹⁰ binilunga:Nde nitahi bini ââ mwanana? Mwanana biguundunga: Yigoya bebe ,yenda ûDamasiki koa bamwakuswahila yokumbene utaha. ¹¹ Byebya binishamona sababu ya goo mushee.Bandu bananabu bibaungwata ku booh binifia u Damasiki. ¹² Mundu jimu zina lyagi Anania mulumi gwayua kanuni abu na Bayuda boso bamukaa û Damasiki mumukoela bulegela. Biguvugaya wami. ¹³ Na unzahwila : Paulo nduku yami bulula mesu, binibamba umona. ¹⁴ Biguboya: Vilinyambi gwa bashetu gwa kutuma guyui lugila na gumuhujinena ng'handa ya kuanu. ¹⁵ Gumukaashuula û bandu boso uyeng'handa yo mwene na uhuja. ¹⁶ Hande hanu gumulama ayii yiogoya, batizubu na gutimbii makosa gobe na zina lya mwanana lyaluvii. ¹⁷ Haugalusha û Yelusalema byebya bina muhazjia mu kibanda bibaungusha yoso yina mwisamba. ¹⁸ Binimona mwanana biguuniswahila : Taha lubilu nangwatui mu Yelusalema juu boso nde bamujieuh bushuula bobe wali mimi. ¹⁹ Binikoola : Mwanana babanindu bayuaa na mutahanga mu buloko na ujiziba basha nakosa munda mwa sinagogi bamukutumbula bebe. ²⁰ Habatasa muloho gwa shuula gobe Etsheni, mimi nindu nali shuula matendo gabu na gami gali mumumu. Na ulinda bilamba bya baba bamwihaga . ²¹ Biguunzahwila yenda nimukutuma uila na baba bandu. ²² Biguhuzjinena yeya ng'handa bibabazja yihi: Mundu gwa gu mutindi nda kum beni ukaa pa heu. ²³ bibataha mbundu: Tasa bilamba byabu na utasa luvumbi higulu. ²⁴ Yogo muyui biguhana luhusa bamusheje Paulo munda mwa yende ya masambu naumwihuja na miti, gwayui sababu yigwamutaha mbundu. ²⁵ Hababamba û muzjibila fimbo Paulo bigukoola na yoga muyui gwa bakombuyulu gwaqli honga mbya buose uzjibila mundu gushi na itulu mundu mu LOma gushi guhukumu? ²⁶ Yoga muyui biguwenda uli gwagi gumukili kuwamuswahila tutaha bini na yu mundu Muloma. ²⁷ Yo muyui hagugalusha bigu musawila Paulo: Binu bebe guli mu Loma? Ngwaligila. ²⁸ Muyui biguboya nang'ha nahana falanga yishwali kuuza lugila : Paulo bigulunga mimi nilikuzili tangu ubutua wami. ²⁹ Baba bawitalisha na maulizo baibabamba kwatuah: Muyui hagumona Paulo gwali Mulumi bigumona moyo sababu gwa umugagisha migize. ³⁰ Luela lwagi gwalegelejyea gwa yui sababu Bayuda ibamusitakila. Yoga muyui gwa basolaa bigumwatusha mu buloko biguhani luhusa ule Makohani na baba bayui, bakumng'hani kisha bamutusha Paulo na umutaha hangati yabu.