¹ Balumi bamu bafumina û Yudea, bawigishubu banduku bibinu: Hutu nde musheizubu paha na byebya byawenda Musa, nde mum'shoeü. ² Paulo na Balnaba bibautaha nabu mbaä hooto, na banduku bibawiyitena naha Paulo na Balnaba na bamu hangtaqi yabu babndi û Yelusalemu waali bamitwana na bayui , ku'lojya chii isimu. ³ habausindiubu na kanisa , bibautibila mwi zila welela Fenisiya na Samaliya , mwiyulila ukokoa wa bapakani, na bibauvisha musangu gwa mehe uli banduku booso. ⁴ Ufia û Yelusalemu, bibautambulubu na Kanisa , mitwana na banunu , na bibausahula byoso byebya Vili byetele nabu. ⁵ Hanhan bamu ba mutamba gwa Bafalisayu , bawitaba , bibawamunua, mwibpoya naha bapakani bakumbene batahubu yandu na balonde byebya bimuboya misii ya Musa. ⁶ Mitwana na banunu bibawilunga ku wiyitena hamubili gwa yiyi ng'handa . ⁷ Bibabanda , bibautua na mbaä , Petelo biguwigoya , biguubasahila: A balumi banduku ,mwijili naha tangu alah' Vili gwasobolola hangati yenu , kuboyela , ukwilila kuanu wami, bapakani bamhujya muolo gwa musahu gutohe na bakumbana witaba. ⁸ Na Vili , jehe gwijili mitima, gwa batela bushuula hagwa ubaha Chiuli -Ilumbului paha na batu ; ⁹ Ndataha mamama ni nigasi hangati yetu na boho, hagwautosha matima mabu kwilila luitabu. ¹⁰ I hanu , hamubili gwa ayi mutemumubela Vili, mutaha Chiumbu ishausamunubu na bashetu tehe na gu'batu mwi ose na mitwana? v 11 Batu boso tuli bitali naha ni kuilila bin'sonya bya mwanana Yesu i bim'tushosha , bibye bya paha na boho. ¹² Alunga-jyeba oso bikaukaä wehee, na bibauhujyisha Balnaba na Paulo , bawisamba hamubili gwa bisimu na bizinga Vili bigwauta kuilila boho hangatingati ya bapakani. ¹³ Habauleäwisamba , Yakobo biguutambula mwolo na biguboya : Balumi banduku, mumbujy'nene ! ¹⁴ Simoni guwisamba tutu Vili bigwaulelula babalu byoso wa'sobolola hangati yabyo seses'bandu ba'usamuna na zina lyaji. ¹⁵ NA cheä isimu ibagene na miolo ya bang'hanga biloto, wilondena na byebya byahalubu: ¹⁶ Manyuma gaji , nimwagalusha, na nimwatysha ihili ya Daudiyahulua, nimwalojya momwa mooso mwa'oneä, na nimwauchiful'lula , ¹⁷ Ku'boyela naha bâbanji bandu bakwebe Mwanana , nagu ye yinji ndandagala yoso yim'tengetela zina lyami, biboyizi Mwanana,gumulojya bibindu, ¹⁸ Na wel'jehe ubuyukii milumbu na milumbu . ¹⁹ I chool'cheu iniwitabila naha nde tutula baaba bafumizi mu bapakani mumagumu, baaba bam'galuili Vili, ²⁰ Sesese boobo tubahalili bayileene na bindu bibiha bya misii , bya buvu, bya nyama yifilili na muloha . ²¹ I boya bibinu, mu lukelele looso , Musa gu na bandu mu chila isizi bamwimulumbugula, wilondena bamwimusomanga mwini matufu mu sabatu mu masinagogi. ²² Hol'hanhu biyimoneä buose umutamba gwa mitwana na banunu, na kanisa ooso, wasobolubu hangatingati yabu bandu bautuma Antiokiya , hamonga na Paulo na BAlnaba , Yuda gumwit'ganubu Baliseba na Sila , bandu batelubu inemo hangati ya banduku . ²³ Bibaubaha mukanda guhali bibinu: Mitwana , banunu na banduku , uli banduku bali hangati ya bapakani , bali Antiokiya , Siliya na Sisiliya , muwimua! ²⁴ Hatuhujya naha bandu bamu baufumina kool'koö wenu, na batushauha buswata nini bubuno, bawauntejy'tejya kuilila miolo yabu na unusub'gula kuii na kuii, ²⁵ twaukala, manyuma ga ukum'ng'hana batu boso hamuongo, tusobole mieze na tumitumineyu hahanu na bipwanyi netu Balnaba na Paulo, ²⁶ Baba bandu bawisumba lufu hamubili gwa zina lya Mwanana gwetu Yesu Klistu. ²⁷ Tuumitumina Yuda na Sila, bam'nuswahila na mianu yabu bindu bibyebya bibimu. ²⁸ I boya yimoneë buose uli Chiuli Ilumbului na utuli batu nde tumifininii mu bindu bishwali ishi byebya boobo biliiu bya mu paha , ²⁹ uyuä, witenga na nyama yihalilubu û misii, muloha , nyama yifilili, na bindu -buvu, biibi i bindu bimukumbene ukaä na bu mambi û bili.Mwisagalenje. ³⁰ Boyo, habaweileena na kanisa , bibawenda Antiokiya, u bawahana chéa iswasu, uli ibumbu ya bandu bashwali. ³¹ Habavua ugusoma , banduku bibauseh'lejya wilondena na byebya bigwa ubatundula igongo. ³² Yuda na Sila , baali boh'baninu bang'hanga biloto, bibaubigayila na uhijya ubatak'mia na miolo yishwali. ³³ Kiisha matufu bayaya bibaubeleela bibagalusha koä ubatumubu. ³⁴ Sila jehe muninu bigu'ulegelejya ukalila onga. ³⁵ Paulo na Balnaba bibaukaä Antiokiya , mwilulia na mwisahula , hamonga na banji bashwali , musahu gwa buose gwa mwoolo gwa Mwanana. ³⁶ Matufu gashwali hagakuila , Paulo biguswhila Balnaba : Tugalushi twalole banduku mu ga jyaati goso gatwasahula mwoolo gwa Mwanana , tubambuli bali bini. ³⁷ Balnaba gwam'kueba yende hamonga na Yuani, gumwitaganubu Malko; ³⁸ Ila Paulo bigumona naha nde buose usamuna hamonga nabu yogwa gwaubasiga lyehu û Pamfiliya , na nda'ubasindia mu milimu gwabu. ³⁹ Koä witashena biusichuvuyii bikukaä sulu ya boho wileena jimu na minaji. Na Balnaba, haguubugula Malko hamonga naji , bibawita kuisanga ya Kiplo. ⁴⁰ Paulo bigusobola Sila na biguwenda uhanubu na byebya uli binin'sonya bya Mwanana . ⁴¹ Biguutambatamba mu Silisiya , muhana buswata uli tunisa.