V 1Wali bang'hnaga biloto na balimu mu kanisa ga Antiokiya : BAlnaba, Simoni gum'telubu NIgeli, Lukio gwa Kulene, Mananaheni, gwa utundulubu na Helodi abele a babu, na Saulo. ² Habamwitaha mulimo gwa mwanana na bawimina bilyazi, chiuli ilumbului bichibaa: Mundululi habunga BAlnaba na SAulo ham'bili gwa mulimo gunaubitegenena. ³ Habahujya na ukaa na zala, bibatendela magaza , na ubahosola bayende. ⁴ BAlnaba na Saulo , batumizubu na Chiuli Ilumbului, bibatua û Seleukia , na ufumina koa bibabanda bwatu bibawenda kwisanga ya Kiplo. ⁵ Habaufia û Salamina , bibasahula ng'handa ya Vili mu sunagogiga Bayahudi. BanYuwani gwa mubakwatilijya. ⁶ Habaukalaganya isanga yooso vuhu û Pafo, bibawasang'hana tutu jimu gwam'busha, Ng'hanga biloto gwa malimilimi Muyahudi, gwamwit'ganubu Bala-Yesu, ⁷ Gwali hamonga na kasheke Selgio Paholo, mundu gwa mubangu. Yugu biguwit'gana Balnaba na Saulo, na bigutungijya muma gwa uhujya ng'handa ya Vili. ⁸ Ila Elima , fumu; Wilondena na mama ga zina lyaji ,- Gwamutaha nabu mikaa, mwikebela um'lubuni Kasheke ndi'teba. ⁹ I hanhan Saulo gumwit'ganubu Paulo, bigubandubu na chiuli-ilumbului , biguum'lola sooho na biguboya: ¹⁰ Be yu tutu gwiyulizubuna bulimwii na limbi, mung'hana kiyung'yungu, meze gwa lujila loso, ndum'lea ukatusha bandu bali mwisanda lya bululi lya Mwanana? ¹¹ Hanu lola, gaza lya Mwanana lil'higulu yobe , gum'kaä mbofo , na ihandi imu ndum'mona yuba . Honga na honga mufitu biguum'hulwila , na bigubamba ukeba , mwihuhuta , bandu baum'lulia. ¹² Hagumona bebya bifiila , Kasheke biguwitaba maluzi ga Mwanana. ¹³ Paulo na binaji , habawita ye'ng'hongo ya Pafo bibawenda û Pelge na û Panfiliya. Yuwani biguwilena nabu, bigugalusha û Yelusalemu. ¹⁴ Ubambila koä û Pelge bibawilonda sinda lyabu, bibafia gu Antiokiya ya Pisidia. HAbashwela mu Sinagogi tufu lya sabatu, bibaka'hasi. ¹⁵ Manyuma ga usoma misii na Bang'hanga-Biloto, Baulu ba sinagogi bibabatumina musahu gwa naha: A banu banduku, hutu mwisambi. ¹⁶ Paulo biguwigoya na bigushagajya uboö, biguboya : Balumi ba Isilaeli na banu bam'tina Vili , muhujyi! ¹⁷ Vili gwa bandu ba Isilaeli gwasobola bashetu.Biguchohana inemo uli ba'bandu lu bali û jyaati ya Misli, na biguchabafumisha wa uboö waji wa buswata . ¹⁸ Bigubalisha habuihi biliu maumi gtana mu buonono; ¹⁹ Na, haguutanya bibalu musambu bya Kanani , biguubaha yeya ndand'gala yooso yakai yabu. ²⁰ Manyuma ga hol'hanhu, habuihi biliu miaha yina , biguubaha bayenga, vuhu uli ng'hanga -Biloto Samueli. ²¹ Bibahajya kasheke . Na Vili biguubaha Saulo biliu maumi gana , mwana gwa Kiisi, gwa kabila ga Benyamina; ²² Haguumtolola , biguubatuluila Kasheke Daudi, gugwateela bushuula bubunu: Niakuuza Daudi , mwana gwa Yesaï,mundu gusalizi mw'itima lyami, gum'taha mooso mwa leg'lejye. ²³ Ni û bana ba Daudi Vili, wilondena nauchiä waji, gwa utuluila Isilaeli mundu gwa ubashosha, i Yesu. ²⁴ Ulo'biibi nda chi guv'yagi, Yuwani gwa mwisahuila bandu booso ba Isilaeli lwa uleä bubiha. ²⁵ Na Yuwani haguvuya lubilu lwaji, gwa mwiboya :Shili yoga gumum'ningieii; Mulole , manyuma gami umuva yogwa shikumbene utotola na gu migoze ya bikubati lyaji. ²⁶ Balumi nami, bagana Ibulahimu, na banu bam'tina VIli, gwenu watumubu yiyi ng'handa ya bushoe. ²⁷ Wilondena na bandu ba Yelusalemu na baulu baabu bawila Yesu, na habaum'kalila ufa , ba'ubagajya myanda ya Bang'hanga Biloto yim' somaubu mwini sabatu. ²⁸ Nasi bebya bibashaumona isimu ya umwihagila , bahajya Pilatu gwa mwihajyi. ²⁹ Haba utaha byoso bya halubu hamubili gwaji, bibaum'tusha û muti guhiygani na um'tala mu mugumbu. ³⁰ Ila Vili biguum'sangusha ufuma mu bafu. ³¹ Gwafumisha bâbâ bagwabanda nabu ham'onga ufuma û Galilaya wenda û Yelusalemu matufu gashwali, na bâbâ i batele bashul'baji û mesu ga bandu. ³² Na batu, tumisahila gunu musahu gwa buose paha na ihingu yatelubu bashetu, ³³ Vili guchikumbajya utuli batu bana babu, um'sangusha Yesu , paha na bebya biyihalizubu mu Zabuli ya bubili: Bebe i mwanami, niukutanda lelu. ³⁴ Gwa musanguli ufuma uli bafu, ham'bili gwa naha ndem'galusha honga û mubili gwa unyenga , i bebyo bigwawisomba hagwaboya: Nim'nuha buneme bulum'bului bunahia Daudi, bu'buneme bwa kasiis'kasiisi. ³⁵ I chee ye' yisambili honga lunji luba: Ndum'leela mulumb'lui gobe gwa nyangi. ³⁶ Na kuii, Daudi, manyuma ga jehe utaha mulimu mu'uleg'lejya wa Vili , gwa faha , gwa bungubu ham'onga na bashaji, na gwa nyanga . ³⁷ Ila yogwa gwasangulubu na Vili nde nyangizeü . ³⁸ Muyui bibinu, balumi nami, ngukuilila wele utumbia wa bubiha haumwisahilubu, ³⁹ Ku'uboiyela naha yogwa gooso gumwitaba gwabalilubu bulegela na jehe bwa bindu bioso byebya bimushif'mubalilubu bulegela misii ya Musa. ⁴⁰ Wabinu, mukai a mulole buose mbisha ushamifiila cheë yawisambubu na Bang'hanga-Biloto: ⁴¹ Mulole mwiil'mini, muhani na muzimini; Hamubili gwa naha nim'taha mulimu mu matufu genu, mulimu gumusham'ningia hutu gwa nuswahilubu. ⁴² HAbaufuma , bibaum'hajya guvwayisambili honga bindu bibili byabimu mu sabatu yimulondela ; ⁴³ Havuyia abunga-jyeba, Bayahudi bashwali na bâbâ bawitaba bibawiwat'nena na Paulo na Balnaba, bibauyulila nabu, na ubahajya nde bileena na bin'sonya bya Vili Nyambi. ⁴⁴ Sabatu yaulondela, habuihi jyaati yooso yawibunga kuhujy'nena ng'handa ya Vili. ⁴⁵ Bayahudi , habaumona ibumbu, bibakuza muägu, na bibaubamba uhianya byebya bya mwichisambubu na Paulo, mwite'lula na mwimutua bulomo. ⁴⁷ Wilondena na byebya bya utuswahila Mwanana niaukutanya ha mubili gwa naha gukai mu cheë gwa ndandagala , kuusumusha bushoe vuhu u uboo lya alunga-mugaza. ⁴⁸ Bapagani baumona ulegela habahujya bye byebyo , bibauluvya (utusha , utumbula)ng'handa ya Mwanana, na booso bâbâ bauteulubu buome bwa milumbu bibawitaba. ⁴⁹ Ng'handa ya Mwanana biyi utangayala mwibalu yooso. ⁵⁰ Ila Bayahudi bibaushojy'ganyabaata-ibalu na babaazi bâbâ bana luitabu; Bibaubusha buluisi bwa uluisha Paulo na Balnaba, ⁵¹ Paulo na Balnaba bibaubakuk'mina luvumbi lwa byahi byabu, na bibawenda ku Ikonio, ⁵² Na kuu mitwana yawiyula na musangu na Chiuli Ilumbului.