¹ Bangeze na babutui ba tima bali û YUdea bibahujya naha Bapakani bautambula nabo ng'handa ya Vili . ² Na Petelo gwa banda û Yelusalema baba bitebe ng'handa ya Vili basheë bibaum'kalgenya , ³ Na mweiboya : Gushelizi uli bandu bashitelubu yazi, biguülya nabu. ⁴ Petelo bigubamba wibaswahila olnoze-olnoze byoso byakila . ⁵ Biguboya : Niali û jyaati ya Yopa , hanamwihajya , bimhanua chiuli undumbua na binichakuza uloto ku atulu: Indu imo yali paha na bwata luata lugangizubu mitamba yooso yi yina, ichamwitua ufuma higulu vuhu haniali. ⁶ Mesu vuhu halilo bwata, binibambula binimona ngama ayi hoo ya magulu ganiyili mwalumga-mugaza , nyama ya luswii, nyoo na tone tu hoo twahigulu. ⁷ Binichauhujya yihi lyaunzah'luila ufumina higulu: Yigoya Petelo, yihaga gulyahi. ⁸ Binichaulunga : Nduyi, Mwanana , Iuboya bibinu muanu mwami nde mwachishwelanga indu il' bin'sonya na ibiha . ⁹ Na lugumbu lwa bubili yihi lyam'hujyia ufumina higulu: Chéä iboyizubu na Vili naha nja buose , nduchilole paha na chiu. ¹⁰ Chocheu isimu bichitekea ngumbu yisatu; Manyuma bioso bibigob'lolubu higulu. ¹¹ Hamulole , honga na honga babalumi basatu batumubu ufumina û Kaizalia uva wali bam'fia kuibalu ya yende ini ali. ¹² Chiuli bichiunzahila naha niende nabu ushi ushesh'gela baba balumi mutuba bamum'mona hanha bibaunzindia , bituwashwela mu yende ya Kolneliyo. Yo tutu bigutusahila bigwamona mu yende yaji malaika umufiila na umsahila : Yamnushi bandu ba yende û Yopa , bakuil'gene Simoni, gum'telubu Petelo, ¹⁴ Guvwakusahile bindu bya uta bim'kufula, bebe na yende yobe. ¹⁵ Hana ubamba wisamba , Chiuli Ilumbului chom'batuila paha na batu haubamba. ¹⁶ Bini chauninga isimu ya Mwanana : Yuani gwa batiza wa mema , ila banu, mumwabatizubu na Chiuli ilumbului. ¹⁷ Na kuijili Vili gwa ubaha kakaa abugu paha na batu lutwawitaba Mwanana Yesu-Klistu, ni akumbana wihiena na Vili? ¹⁸ Habhujya mwomwamwa, bibawitusha na bibaulumbugula Vili; Na uboya : Vili gwa uhana bi byebya tima lya witaba ulea bubi uli bbapakani , nabu bakuzi buome. ¹⁹ Ba'ba bahlgajyubu hamubili gwa usuba wafumina uli Etieni biba wenda vuhu Féninsia, mwi'isanga ya Kyiplo na û Antiokiya , mwisahula ng'handa uli Bayahudi bohongo. ²⁰ Bihamonea hangati ya ba'ba bauviaga û Kyiplo na û Kulène , bauviaga û Antiokiya , bibasahila honga baBagliki na bibabajyong'twela musahu gutohe gwa mwnana Yesu. ²¹ Gaza lya mwanana lyali hamonga nabu, na lubali lushali lwa bandu bibawitaba na bibaum'galuila mwanana. ²² Nyininyiti biyifiila û maushu ga bandu ba kanisa ga Yelusalema , ibibatuma Balnaba vuhu û Antiokiya. ²³ Hagufia na hagumona buneme bwa Vili , biguleg'lejya na bigubahajya booso ba kai na tima limini ba'gangubu uli mwanana . ²⁴ Wilondena gwali ni tutu jimu gwa buose, gwa na Chiuli Ilumbului na luitabu.Na ibumbu fuliiti bichi ulonda Mwanana. ²⁵ Balnaba biguwe'honga û Talsisi mwikeba Sauli; ²⁶ Ma haguum'mwona biguuv'naji Atiokiya . Iliu izima, bamwichibunga nga mu bibumbu bya kanisa na bibawigisha bandu bashwali. Waali ngu Antiokiya ubatelejya mitwana mu zina lya Baklistu. ²⁷ Mu lolwa lugumbu, ba Ng'hang-Biloto bibatuä ufumina Yelusalema vuhu û Antiokiya . ²⁸ Jimu hangati yabu , gwam'telubu Agabu, biguwigoya, na bigusahula mu buswata bwa Chiuli naha ulibukalilu bwa ibizi ya zala mwa'alunga -mugaza kaazima. Cheé ibizi ya zala ya fiila lugumbu lwa 'utang'yala Klôde ²⁹ Mitwana biyiwiyitena naha babakwatilijye banduku bam'kaanga û Yudea, chila jimu wilondena na buswata bwaji. ³⁰ Bibafisha go'muongo gwabu mu magaza ga banunu kuilila Balnaba na Sauli.