¹ Itu kudi faraja munda mwa Kristo, itu ku kujika tima munda mwa upendo, uti kudi lumbakano ja tima, itu kudi ka manina lukwa na ku samee. ² Muni abile kyanya ki kumilifu, mu tuule na nia jijimo, upendo umo nafsi jijimo, nganyi jijimo. ³ Ndamuta kyekya kyooso na nia jaku saaza, ao kwa mbunda jishidi ja Faida, ila kwa kujika mu mane baangi bidi badi juulu jiinu banikindu. ⁴ Kila mundu mukidi kiinuwa kebe faida ja baangi kushidi bobo jaje mwinikindu. ⁵ Mutuule na muma tima minu na haki jakadi jeja jadinange munda mwa Yezu kristo, ⁶ Ije wadinange mufano wa Vidinyambi ndadi zindalala muku keba ku dingama na Vidinyambi kindu kya kuibidila. ⁷ Ila wadi kui katusha mbuta na ku buula mufano wa mutumishi na ku manikwa bidi bandu booso; na wadi lolibwa bidi mundu kawaida. ⁸ Wadi jika ije mwinyi kindu, na kutuula mutiifu mpaka kufa, kwa musalaba. ⁹ Ni kwa maana pia Vidinyambi wadi mutundula juulu kabisa na wadi mu abila zina jidi juulu ja zina diooso, ¹⁰ Ili kwa zina dia Yezu inywi dioso dia jike kujuulu, anao duniani na kuusi kwa dunia, ¹¹ Na lulimi lwoso lwa kivi tiiti Yezu kristo ni Fumu, kwa mbunda ja Vidinyambi taata. ¹² Kwa bibya, bakwami, bya mwadi titi mafuku mooso, mute mudimo juu ja wokovu winu na kutiina na mojo, ku shidi bobo buusu bwami ili zaidi a shidi n'ghan'gha; ¹³ Sababu ni Vidinyambi ukita munda mwinu ku vula na kuta byali vula ije. ¹⁴ Mute byoso bila kunungunika wala mashaka. ¹⁵ Ili mutuule ba shidi na kosa na ba tooka, bana ba Vidinyambi balweele mukidi kya bukoo bu kasike na bunyinya mukidi kyaje banye muki ngeenga bidi biinga bya mudilo munda mwa Dunia. ¹⁶ Mukuzindalala ku kumo dia bukome; na nikuindumbula, kwa lufuku lwa Kristo, kwa kushidi kwena lubilo bulele na kuta mudimo bulele. ¹⁷ na itu njidi nvinyo juu ja sadaka na juuja mudimo wa imani jiinu, njidi na kyanya na amo na banywe booso. ¹⁸ Na banywe, muume na kyanya amo nami. ¹⁹ Ngibadila munda mwa Fumu Yezu na mutumine jajaja Timoteo, ili napate bukome mimi mwinyi kindu kwa kujuka bya mudi kokwa. ²⁰ Sababu shidi na mundu ano kidi na nia nja jidi najo juu jinu kwa ku kwata kwa tima diooso hali jinu; ²¹ Booso, baki keba bobo Faida jabo bani kindu, na kushidi ja yezu Kristo. ²² Mukijuka wadi kila ku jaribu, kwa kuita bidi sadaka kwa mudimo wa enjili amo nami, bidi mwana na shaaje. ²³ Ngi badila kumutuma kwa mudi ambi mana bya mbitulanga, ²⁴ Na njidi na tumaini munda mwa Fumu titi mimi mwini kindu ni jenanga jajaja. ²⁵ Nadi mana biija na mutume kwa mudi mukwitu Epafrodi, mulonda wami wa mudimo na wakijumbu wa mwadi abila kya mbadinange nakyo shida. ²⁶ Sababu wadi vula kumumana banywe booso, na wadinange mu nyongame bwa mwadi uja lufu lwaje. ²⁷ Wadinange na lufu karibu kufa; ila Vidinyambi wadi mumanina lukwa, na nda ije mwinikindu bobo, ila namimi ili shi tuula munyongame ku kila kipimo. ²⁸ Fa mutuma jajaja, ili muume na kyanya kwa kumu mana luungi na mimi mwinikindu na tuule bila kunyongama. ²⁹ Mumu yambidile munda mwa Fumu na kyanya kyoso, na muba abile heshima badu ba namuna jiji. ³⁰ Sababu ni juu ja mudimo wa Kristo ni wadinange karibu kufa, wadi nyomosha bukome bwaje kwa kutumika ku fasi jiinu amwasha dinange ku kyekya kya dimu usu banywe kundeela.