¹ Angao, a yonga a emali bhulibhu a nkani abhu. ² Oyonge te banuno-li babe baadja, batonganane, bawede, babhu alebea, aekondi na a midila-la meema. ³ Oyonge te bake bamoti babe na bobhu inde aonekani, badjai bato nde bayonga adjede anga nto, makanga bakundilia; bagabhe mahano anja, ⁴ asuba-la hangi'ana-la bansea konda la bamunyabo na baanabo, ⁵ Abe mbe aeubhimbe bake, na imbe alengelela mobili nda neendu, banja, bande baekikisa anga bamunyabo, ngaa yonga na Mokonga bayongai au adjede. ⁶ Oohane baluana babe bawede, ⁷ na boon'hangianalao mawede, na hangiana-la ema adja, abobhu, ⁸ yonga nd'abhu, inde ndaga bakanisa, ngaa imbe aolubgutisa ahemoe, abole dodje nde nga yonga angasu. ⁹ Oohane baombe-li baekikise anga bagolisi nde babo, adjemisa-labo aema-li bhulibhu, nabateisai aema nde bayongi, ¹⁰ baubai, che bahangiane kangana bootiaga, ngaa sikisa-la nkani nda Mokonga Namisi nde masu. ¹¹ Ngaa lokoo na Mokonga, tina elamisili a bato-li bobhu, ai aehangi'ani. ¹² Aaso hangi'ana doa-la budjede na sei adjede na inda na leengo, ika-la elie nda ndiende a maako ubha la bonja, na domi na tambela-la suba maano nda Mokonga, ¹³ Abonde'ala bodjeme anja, na hangiana-la boti nnda Mokonga na Yesu Kilisito Namisi nde masu. ¹⁵ Oyonge yonga nde, ohane, na kalea, na hangiana la botiao. Abai na nto nde aobhoni.