¹ Paulo, nkoli mobili nde ma Mokonga, na ntetea nde Yesu Kilisito asuba lebea nnda bato nde Mokonga aesomboli na ubha la domi nde alengeleli maano nnda Mokonga, ² yeunde ameli nde aa boosobelaga, a balabe-li meyo na meyo, inde ba sunjili toa-la kala na Mokonga nde nnda yonga bhea na ngee nede. V 3 na yeu yembo ai an'hangi'ani yonga ndae toa-la kala teisi-la la tomia-la yonga nde bai bamopi toa-la Mokonga namisi nde masu. ⁴ na Tito , nami nde neboti asuba lebea indasu. Lokoo na njenje abe nowe toa-la Mokonga Ebha na Yesu Kilisito Namisi nde masu. ⁵ Nei neodu naa Kelete, ngaa okomise inde atigi akomisa-la hele, na, asuba maano ndamo, oomeise ban'homi a kela nji. ⁷ Ngaa abongi nangi nde ma batetea nde ba Mokonga abe imbe atonganani, sinda nto nde abhisa inda Mokonga. Abai nto'a boo kubhaga, nangee imbe aedjoka, nangee imbe akondi moenge, nangee makpe, nangee imbe ma boembo adjede. ⁸ Che abe imbe aesesea bato, imbe aekondi bande bakola hele, manja, into'a domi, mobhu, mawede. ⁹ Imbe akondi yonga la Mokonga sinde nde ban'hangi'ani nee, ngaa dja-la n'ekala a hana asuba nkani abhu na koma-la bande bapenjani. ¹⁰ Aanga, bete, meene'a bande bagu ganja, bati bande bakoma yonga nda Mokonga, bato'a neolaga na helisa-la batoo. ¹¹ Bande oodhaise. Ama basanisa endu angaya, na ban'hangelisa ngaa bala na boembon a haya inde nnda ban'hangiana. ¹² Moti angabo, moubhilili nde mabo, agte: Bakeleto bomeno nde bato'a bhea, banyama bakpe, baleema. ¹³ Bodhemu nde ande domi. Na ngee-li ndo ookalee kpee, ngaa babe na lebea anja, ¹⁴ na babaemeai gani nnda bayuda na maano nnda bato inde ndaga nde domi. ¹⁵ Bhu ande abhu anga bande babhumani; che naanda abeli abhu anga bande inda batonganani, maako na meem'abo inda anja. ¹⁶ Bakola ubha-la Mokonga na bankoma ngaa mobili ndabo adjede, na bande bato'a budjede, na inda anga batoisa kola-la bonja.