¹ Nembisi mosala-nu Foibe, aloasu, na mokobe asuba kanisa nda Kenkulea, ² Ngaa bon'sesee asuba Mokama na bosike inde atolei bande babhu, na bomoe ema nde anga laela au toala nganu, ngaa aya aetabeli bati na ngee eme. ³ Bon'sesee Pilisika na Akila, ba bhedi mobili na eme asuba Yeso Kilisito, ⁴ Bande ayi bameisi maabo sube kua ngaa lamisa la ngebe ami; Indande eme amene yeu ne n'sima, ande bobhu bande ba kanisa nda bapagano. ⁵ Bon'sesee Kanisa nde aiki suba neenduabo. Bon'sesee Epaineto, dhami, yeu mbe ayadji anga Kilisito mososolo naa Azia. ⁶ Bon'sesee Malia, imbe aya aehaholi kpee angaame. ⁷ Bon'sesee Andloniko na Yunia babotiami na bande ayi bamo nyangi nabo, bande bana bosike mati angala batetea-li, na bande maba ayi ba nebei Kilisito mosala-mi. ⁸ Bon'sesee Ampliato dhami asuba Kilisito. ⁹ Bon'sesee Ulbano, dhasu asuba mobili nda Kilisito, na Stakisi, ndami. ¹⁰ Bon'sesee Apele, imbe banebei anga Kilisito. Bon'sesee bande ba neendu'a Alistobulo. ¹¹ Bon'sesee Helodioni, n'boti'ami. Bon'sesee bande ba neendu'a Nalkiso bande basuba Mokama. ¹² Bon'sesee Tlifaina na Tlifosa, bande bakola mobili nda Mokama. Bon'sesee Pelesida, aloa-mi, imbe ai abhedi mobili ati nda Mokama. ¹³ Bon'sesee Lufo, somboli nde ma Mokama, na amae, amami neme. ¹⁴ Bon'sesee Asinklito, Fulego, Helma, Patloba, Helma, na badhasu nde banaabo. ¹⁵ Bon'sesee Filologo na Yulia, Nelea na aloae, na Olimpa, na babhu-li bande banaabo. ¹⁶ Bon'seseane na guliana na meema abhu. Kanisa bhuu nda Kilisito ano sesei. ¹⁷ Nono hana, badhami, bolenge hele anga bande baso katanisa na etanisa, dholo na yonga nde ayi basogolisi. Bosedee dholoabo. ¹⁸ Ngaa bato sinda bando inda bambedala nde Kilisito Mokama nde masu mobili, che soabo ibo baameene; na yonga alee, na inda dhemaga, ba helisa meema bande bamoti mbe. ¹⁹ Anganu, sikisa ndanu aubhianani na bobhu; nedjema m'pa ngea-nu, na nekondi ndete bobe baenge a inde alengeleli bodja na baakpee ainde alengeleli bodjede. ²⁰ Mokonga imbe ma djedje anda n'detela uma sesene nde ani Nketi asuba egala-nu. Na lokoo nda Mokama nde masu Yeso-Kilisito abe na benu! ²¹ Timoteo, dhami asuba mobili, ano sesei, ankindi na Lukia, Yasoni na Sosipatlo, baboti'ami. ²² Nono sesei asuba Kilisito eme Teltio imbe ne sai eloba nde. ²³ Gayo, imbe mamo na imbe ma Kanisa-li bhu, ano sesei. Elasto, mbisi mpimbo nda boma-li, ano sesei, ankindi na Kwalto. ²⁴ Lokoo nda Mokama Yeso Kilisito abe na benu! ²⁵ Anga imbe angano meisa asuba mbino bodjeme namo na mbino, a Yeso Kilisito, sinde hobisa la bumbo inde ayi meno basomei meno kala. ²⁶ Che teisiliala nsao nda baubhilili-li ahobeli ndiende, inde nde yona nde atoi anga Mokonga ma meyo, na keanda-li bhuu aoiki adha yonga nde, angaa basikise lebeali. ²⁷ Anga Mokonga, iye mene Moenge, abe ebhebho kelemo na kelemo teisiliala Yeso Kilisito! Abebo!