¹ Polo, moombhe nde ma Yeso Kilisito, imbe bankonga ntetea, aba ika a embhe la to;ia la yonga inda Mokonga, ² imbe aya sudjuli mosa anga Mokonga na baubhilili la Nsao abhu, ³ na inde alengeleli nae (nde aboteani nendu'a Daudi a inda ngombo. ⁴ na imbe bamubha Muna Mokonga na kala, a meema Ebhu a toa-la djudjua la bande baaku), Yeso Kilisito Mokama nde masu. ⁵ Angambe bena lokoo na apostola mbia la inae asikisa la lebheisa la banongo-li bhuu. ⁶ Anga benu bande Yeso Kilisito a ekogi. ⁷ Nanga bande ba Loma, bakondigi nde ba Mokonga, anja-la babhu: lokoo na boumu abe anganu toa langa Mokonga na Yeso Kilisito. ⁸ Neusima bhea Mokonga a teisila-la Yeso Kilisito, angaa lebea nd'anu aubhianani na leengo bhuu. ⁹ Mokonga nde ne nkolela asuba mem'anu atomiala mbino'a nae, ande dhemu sinde neono kanisa esali bhuu. ¹⁰ Nee memi namo esali bhuu bala na sei anga longonu. ¹¹ Angaa ne asei'a onala adha benu ngaa ngodealanu edado nnda meema nnd bhu, angaa bosike. ¹² Angao go, bebe na mohuo ankindi a meeme'anu teisila la lebea ndasu anganu na angami. ¹³ Ndaga nekondi inte boike ama kanga ubha, badhami, sinde ne meno na maako la gala lenga lanu, angaa ne one bato balebei a meeme'a bato batoo, che indai atoani ibo. ¹⁴ Nena bungu a kidala anga bagiliki na basenji, anga baubhi na anga babhobho. ¹⁵ Aindo neeno sesei kpee tomila lanu mbino'a Yeso anganu na Loma. ¹⁶ Angaa inda nena soni'a tomi'ala mbino Yeso: ande kala atii inda Mokonga, anga nto bhuu imbe alebei, anga bayuda mbee, impa naanga bagiliki. ¹⁷ Angaa teisila la ngae haki nda Mokonga aehangiani teisila la lebea na angaa lebea sinde basai ne: ''Nto nde atonganani ama uma beli anga lebea''. ¹⁸ Boetani inda Mokonga aehangiana toa la na kobha anga bato nde badjede bande balibilaga domi. ¹⁹ Angaa nde anga beubha ango Mokonga aubhianini angabo, Mokonga na ehangiani. ²⁰ Ang'indo tonganana nde atoa anga Mokonga, inde ndaga beona na iso, kala ndae inda meyo na meyo na boosomanalae, aonena aiso, toala telekisa la leengo-li, mbeno nde besikisa teisila la mobili ndae. Ande mobili nde ndaga bayongela. ²¹ Angama aibamubhi Mokonga, indai basikisi sinda Mokonga, na indai bansimi, che aibabungi amaako labo; na ameeme'abo ind ndana boenge ai oengesi asubelie. ²² Na beibhebha bate ibo bande baenge, baetii bagesile. ²³ Na ai batii boumu nda Mokonga inde ndana bodjede djala elilime inde ahangiana into madjede, elimelile a bobhuu, banyama ego ini na banjoa. ²⁴ Angaa indo Mokonga aedoleani a bodjede, na njala na sei adjede toa la meemabo, angaa badje bato nde nda baesikisi nkenkeabo. ²⁵ Ibo bande aibatiio domi nda Mokonga, na ngeli ndondo Mokonga ai aedoleani a bodjede: ngaa bake babo batii nkani ndadja a nkani adjede. Abebo! ²⁶ Nangee li ndondo Mokonga ai aedoleani asuba bodjede atii: ngaa bakeli bai bagalii indanja abodjede. ²⁷ Na babooli abai ba doa nkani indanja inda ikala na bake abai babaemea kpee bodjede laboo na baboo, na bakola moo na moo ema adjede, na aba banja na boembo ina ayi atoleli abungalabo. ²⁸ Anga indai badjomani ubha la Mokonga, Mokonga abai aedoleana a maako indabo inda djede, bakole emande nde atoleli angabo. ²⁹ Batumi na bodjede-li bhuu, bokpee adjede, sei adjede, mayele adjede, kenea, na booli, na sani, na mayele akpee, na bochweka. ³⁰ basekele, badjomi, bande bayonga adjede, bato'a ebombo, bato'a bookubhaga, bato'a bhea, bochweka kpee, bato nde nnda baeisikisi bati'abo, bande inda baye meno na maako. ³¹ bande inda baa domi, bande inda ban'ekondi, inda bana lilia. ³² Na ndege ama baubha ekale nda Mokonga, na bayonga bate batoleli kua bande bakola mamuna yonga nde, inda te bakola ema nde bosa, che baelebea bande bakola bodjede nde.