¹ Kaikonde, owe asaka saa sambo djinge ewongi la matiesakoli enge ekohekeleke olamu. ² Asa ate mbange dja pele watilekese likamiti la ekaleli ewu, watitote sambo la lisimbo, wadje la mamungo malamu, otetelake e ogemei, la libalano, la ekaleli e egalela. ³ Ase mbange dja wali pe wadje la esombeli enge eengi la watuke wa Mwengei, watibukele wato mileho, watidje watuke wa maana, watiesakoli dja sambo ndamu; ⁴ ase waklotiesakola seka wabale pele djau la wana wau, ⁵ wadje la mamungwene malamu, walange, wakeli tomu dja monguta, wato walamu, wango wakoyatitimisaka liwoso la pele djawu, laate liloba e Mwenge etitangeme wailiko. ⁶ Djaka oaseli wana wa pele wadje la mamungwene malamu. ⁷ La sambo kpaa odje owe amene ndakisa e sambo ndamu, otiesakolake djinge idjei meemene, etidje la mbeti, ⁸ maloba ma owe malange enge ekokiti okwi, laate moto ongo odjei eeti ngambo atume la soni, ango edjangi inde ema ebe etwaseli iso. ⁹ Asela watuke watemei makumu mawu la sambo kpoaa, pe wawayemeleseke olamu, watiwawongoselake maloba mbe, ¹⁰ watiyiwe, kasi wadje meemene la ndenge enge eengi, laate watemeye la ohola matiesakoli ma Mwengei Likumu lasu. ¹¹ Ango logoo e sungu e Mwengei, enge ekokalesaka wato wa ndenge kpaa eenani ohola. ¹² Etoyinyei totone ekaleli edhendeyake Mwengei alidji la posa dja moki pe toyabate la mamungwene malamu pe la omeemene pe la ekaleli enanganake l;a Mwengei masio kpaa, ¹³ ango ekolambelaka iso oemeli elamu pe oeneni e Mwengei mosungu la ongali pe la mokalesi osu, Kilisito Yesu. ¹⁴ Ongo ayahali la kole esu laate atokalese la sambo kpaa e obuki pui pe akpololi wato wango wango wadjei wato wande amene, wango wadjei la egalelela la tomo ndamu. ¹⁵ Djaaka ndji oasi djinge sambo la otomi pe la opami e okumu kpaa. Te moto tueti atiodhende.