¹ Iokia moli mwesi motetelake elongoi la tepelo easia la waahumbwa waho sambo ate, ''Kekeni osuakoli teni sambo e limemu e Mwengei la mbume.'' ² Ongo o liwoso akia, asuia teni ende la mbume; pota mbe ewabingia wato wango wadjali la elembo e mbau mbe, la wango wayakongoli la elima eho. ³ Ongo o wale asuia teni ende la ewale. Eumali makila nda enge e moto ongo ogwi, koto milimo kpaa e mokalo eguali, koto wikelamu kpaa e mokalo winge widjaali la ewale igwali. ⁴ Ongo osato asuia teni ende la ewale asuia koto la wiloa wa malia, eumali koto makila. ⁵ Imookia ahumbwa ongo o malia aasia ate, ''Owe ongo odjei koto odjaali, Moto omeemene, odjei moto molamu, laaate ototi witeneli eho. ⁶ Laate wasuali makila ma wasantu koto e watiesakoli, owahekelia makila laate wakenge, waengi la maho. ⁷ Iokia etumbelo easia ate, ''Ndjongo, Likumu Mwengei Mokondji e okulu kpaa, witeneli e lisambesi e owe edjei meemene koto olamu.'' ⁸ Ongo onei asuia teni ende likolo la liwusa wuse, emohekelania awalongose wato la misa. ⁹ Wato walongolia la ehela esungu, waaselia obe kombo e Mwengéi ongo odjei la okumu likolo la djinge sambo mbe. Watonia oongi olimbesi la omohekeli Mwengei mogano. ¹⁰ Ongo otano asuia teni ende ndondo e okumu e mbau mbe, okumu wonde eumali la molili, wato wayatwakolia malemi. ¹¹ Wamoaselia Mwengei obe Mwengei ongo o likolo, la odjidji wou, watonia omoongi Mwengei olimbesi la tomo djawu. ¹² Ongo o motoba asuia teni ende likolo la ewale Epalate. Malia maho mahuali, laate mboka ewongesani la makumu wango walongoyi ongo la epumbeli e liwusa wuse. ¹³ Ienia wingbundu isato e elimo mbe enge edjaaki nda monoko mo ndjoo, nda monoko mo mbau mbe, koto la monoko mo motiesakoli o moleho. ¹⁴ Laate edjei wingbundu e milimo mibe, minge mikokelaka wikamweseli koto minge mikokeke atie okumu e mbume kpaa, ebete eyabati wato wango wa mbume, la owabolei la kindo e wuse wo Mwengei ongo oteteli. ¹⁵ Dhenga! Ikodjaaka nda iwa! Mwemu la wango walangaliti ilo, la ongo okowongeleke wisindje wande, laate atisombe lingbengbele laate atiene soni ende.'' ¹⁶ Awaboleia la ebete eweli owo la Ebele Alamagedo. ¹⁷ Ongo o sambo asuia teni ende la ehoho. Moli mwesi motetelake e pumbali ongo la tepelo, elongoi la ngbelengo e okumu moasia ate: ''Ekelania!'' ¹⁸ Mikalali mipumbali, miili miokanali, ngombe engbumali, mbume edudumali la ndenge enge ekelanakiyo opoti oyabati e wato la mbume. ¹⁹ Gbata enge esungu ekawania la isuki isato, mawange dja mikuali, Mwengei amomungolali Bbilona mosungu, laate amohekele teni ende e logo. ²⁰ Wisii kpaa itilia, mikoli itieneneli kine. ²¹ Ewongo e malanga esungu enge libukeli liesi liesi edjaakali la oliti inga e mbela eesi, elongwali la likolo, eyadjimbelia wato. Wamotangali Mwengei la odjidji woho e ewongo e mabukeli, laate odjidji woho wodjaali osungu.