¹ Idhendia, koto ienia, mana omeme ayamali la mokoli e siona, mongindji la inde wato koto kama la tuku inei la inei, wango wadjali la nkombo ende la nkombo e sango, idhingani la mbanda wa ewu. ² Iokia ongo likolo etale, nda etale e malia masungu minge makohumbaka koto nda etale e ngombe enge egbami, etale eokaki mbai edjeiyaka nda walembi wango wakolembaka la djegedje, wakobingaka djegedje ewu. ³ Walembakali lembo epoli liwoso la ngbelengo e okumu, liwoso la wikelamu winei winge widjei la mokalo la mbange. Moto tweti atiewakali lungo lembo, inga te wato koto kama tuku inei la inei, wango wakalesanali la mbume. ⁴ Edjali wango watiyabitesali la wali, wadjei seka. Wakomobiliaka mana o meme ibete kpaa ekokeke inde. Wakalesamiaka ndondo e pele, nda pukapuka dja liwoso dja Mwengei, dja mana omeme koto. ⁵ La minoko mau ekosako etieneneli, laate watieneneli la obe. ⁶ Imwenia koto ahumba mwesi akohumbwaka ongo likolo aiki mboli ndamu enge eengiti osili, laate awasumbele wato wango wakwabataka la mbume, la miki kpaa la maliye kpaa, la minoko kpaa, la wato koto kpaa. ⁷ Asakali la moli mopamake ate, ''Mowangani Mwengei, mohani odongo, la ebili ate engele ende esambesake ewumia, eho lenge yakongoni la Ongo okeli likolo la mbume, ewale la wilua.'' ⁸ Oeti koto- ahumbwa-ahumbwa ongo owale, abiliali, adjaaki oasi koto ate, ''Akpia, akpia, babilona mosungu, ongo okengesiaka miki kpaa mana mande malangwesake ma ondumba wonde.'' ⁹ Oeti koto ahumbwa ongo osato awabilioali, adjaki oasi la moli mopamake, ''Inga moto ayakonga la mbau la ema enge emokwi, inga koto adja la elembo la elongi ende te la ewo ende, ¹⁰ Inde koto akokenga, bino e limemu la Mwengei, enge etiwanese iwo la ema koto etiswane la kopo e limemu lande, akoene odjidji la misa koto la supulu liwoso la waahumbwa wasatu koto liwoso la Mana o meme. ¹¹ Milungu ma odjidji mawu mikotelaka libela la libela, likolo la wuse wango wakoyakongoko mbau mbe eho koto elima eho koto moto kpaa ongo okondji elembo e kombo eho watihomaka. ¹² Ahala nde wasatu, wango wakotemeiyaka tomani dja Mwengei, koto wakomogemeiyaka Yesu, waongi onangi motema.'' ¹³ Iokia koto moli mwesi molongoyia likolo, moasia, ''Dhinga ndjo: Mwemu la wagui ndondo e Likumu, elimo easi ate, ''Wahome laate wakelali tomo tetelake, laate sambo djau ekoabilia.'' ¹⁴ Idendia, koto ienia, lipata libubake, ongo likolo la lipata moto mwesi ayabati okwani wonde nda Mana o moto, likolo la moto monde adjei la lingboka e wolo, aiki la ewo ende ema ewotake. ¹⁵ Oeti ahumbwa apumbali la ebete mosatu e tepelo, adhumbeiya moto ongo oyabati la lipata eho la moli motetelake: ''Lumba ewuni eowe enge ewotake, buka pukapuka, laate engelenge ebukake pukapuka eumia, laate pukapuka itania''. ¹⁶ Ongo oyabatiaka ongo la lipata alumbia ewuni ende la mbume, wabukali pukapuka e mbume. ¹⁷ Ahumbwa odji koto apumbali la ebete mosatu e tepelo enge edjei likolo, ende koto aheli ewuni ewotake. ¹⁸ Ahumbwa odji koto apumbali la etumbeli adjaki la okumu likolo la misa. amodhumbeyali ongo oiki ewuni enge ewotake la moli motetelake ate, ''Lumba ewuni e owe ewotake, kokeya mambutu ma pukapuka e mote mo bino e mbume, laate pukapuka eho etaniga'' ¹⁹ Ahumbwa alumbia ewuni ende ewotake la mbume, akokeiya bino e mbume, alumbali eho koto la epoteli esungu e bino e limemu e Mwengei. ²⁰ Wahotoli pukapuka la epoteli eho e bino saa e liwange, koto makila mapumbali la epoteli eho e bino etelia tee la wibende e magago e punda, la olayi e metele koto esi la kama motoba.