¹ Eho lenge, liwoso idjakali ohandjei ate wiyongolo, oyatati, owaongeli wadji, oho dombwa okelake eho la loyi e wato kpaa; ² la loyi e makumu pe la wango kpaa wadjei la wisuleli wisungu, laate todjake oyabati logoo pe te la ewedje la mokalo la ekaleli e nanganake la Mwengei, ³ eho edjei olamu pe endjimami la maiso ma Mokalesi mosu Mwengei; ⁴ ongo oani onde edjei ate wato wa ndenge kpaa wakale pe watote oyewi o meemene. ⁵ Laate edjei la Mwengei sa mwesi, pe mookanesi sa mwesi ndondo e Mwengei la wato, moto mwesi Yesu Kilisito, ⁶ ongo ayahali inde amene likawo likalesake enge eengi la wato kpaa. Eho nde loyi enge eengi ototolami la engele eho. ⁷ Wabati mbai motiesakoli pe motutiani la ototoli eho-ikoasaka meemene, itikosaka-la otiesakoli witondo ogemei pe omeemene. ⁸ Ibali ate pele wayatatake wiholo kpaa la odjambi mawo malangi, te la limemu te la kokia. ⁹ Ndenge kikima, ibali pe wali wawongele wenge wau la wisindje wiwongi, watietese molelo pe wadje la oyatitimisi, watinangake sue pe la wolo te la mapengo te la wisindji wa motio motetelake, ¹⁰ Kasi la ndenge enge ewongi la wali wango wakoasaka ate wakomowangaka Mwengei. ¹¹ Moli ayabate bii pe ayekole oyatitimisi. ¹² Ibaliti atiesakole te odjei la okumu likolo la molome, kasi oyabati bii. ¹³ Laate Adama akelamate liwoso, Eva mbuse. ¹⁴ Adama atikosamate, kasi moli akosamate pe abukali pui. ¹⁵ Kaikonde, wali wakobanyana la ligamesi e watake wana, inga wahelana la ogemei pe la libalano pe la osatisani mongindji la mamungwene malamu.