¹ Silia la Isalayele wayabatali wilanga isato odjangi wita. ² La elanga esato, Yosapata, likumu la yuda, akeeli atie likumu la Isalayele. ³ Likumu o Isalayele aasali la wasali wande ate: Oewini ate moki mo Lamote e Gilaade edjei esu? Totiasumbwaka l ototi eho atie likumu la Silia! ⁴ Aasali la Yosapata ate: Okobala odji la mbai mongindji osanesi Lamote e Gaalade? Yosapata amowongoselali likumu o Isalayele ate: Tokoke, mbai la owe, wato wa mbai nda wato wa owe, ngombe dja mbai nda ngombe dja owe. ⁵ Yosapata aasali alidji la likumu la Isalayele ate ate: Iyakongi la owe, huela yo poo amungwene ma Yawe. ⁶ Likumu la Isalayele awabomesanali watiesakoli, wato inga nkama inei, awaaselali ate: Ike okasanesi Lamote e Galaade inga idhe? Iwo kpaa wamowongoselali ate: Keke, Likumu akowakawa la mawo ma likumu. ⁷ Ase Yosapata aasali ate: Motiesakoli odji o Yawe ati ahala ongo okoenga iso mohueli? ⁸ Likumu o Isalayele amowongoselali Yosapata ate: Edjei la odji moto ongo okoenga iso omohueli Yawe, ase imotoni, la ebili ate atitiesakolaka ema elamu atie mbai, akotiesakolaka ndji obe: Edjei Mik, monga Yimila. Yosapata aasali ate: Likumu atiase ndjongo! ⁹ Likumu la Isalayele amowelali mokube mwesi, amoaselali ate: Keke obangu omowele Mika, monga Yimila. ¹⁰ Likumu la Isaayele la Yosapata, likumu la Yuda, wayabatali moto la moto la gbelengo e okumu wonde, wakpali wisindja wa okumu, ebete e olingeli la moluhe mo Samalia. Watiesakoli kpaa wadjaakali otiesakoli liwoso lawu. ¹¹ Zidikia, monga Keneene, ayakelelali mahili ma wilonda, aasali ate: Dhenge enge easi Yawe: La dji mahili okobinga wato wa Silia tee okowasesela iwo ngoo. ¹² Watieskoli kpaa koto watiesakolali dji ndenge kikima, la oasi ate: Keke la Lamote e Galaade! Okolonga, Yawe akowakawa iwo la mawo ma likumu. ¹³ Mosumbi mboli ongo okeeli omoweli Mika amoaselali ate: Dhenda, watiesakoli, iwo kpaa mongindji, wakotiesakolaka olamu atie likumu; engbundu e owe edje oto nda engbundu e mwesi mwesi owu! Asa ndji sambo ndamu! ¹⁴ Mika awongosali ate: Yawe adjei la mokalo! Ikoasa ndji enge Yawe akodjasela mbai. ¹⁵ Ango emoumesali inde liwoso la likumu, likumu amoaselali ate: Mika, toke osanesi Lamote e Galaade, inga totike? Mika amowongoselali ate: Keke! Okolonga, Yawe akowakawa la mawo ma likumu. ¹⁶ Likumu aasalila inde ate: Mbala woni ekoolapesa mbai owe ndai ate ondjasele ndji meemene la nkombo e Yawe? ¹⁷ Mika amowongoselali ate: Ikoeneke Isalayele wayaandji la mikoli, nda wapata wango wadjangimobanei; Yawe aasi ate: Wa wato wati la mobanei, moto la moto awongwe la monguta monde! ¹⁸ Likumu la Isalayele aasali la Yosapata ate: Itiowaselali eho? Atitiesakolaka atie mbai ema elamu akotiesakolaka ndji obe. ¹⁹ Mika aasali koto ate: Oka engbundu e Yawe! Imoeni Yawe ayabati likolo langbelengo ende e okumu, wigogo kpaa wa wamasaze wa likolo wayabati ahue ende, la ewo e lilome koto la ewo e liali. ²⁰ Yawe ahuelali koto ate: Ndai okomokosa Akaba, laate ake la Lamote e Galaade laate ague? Wawongosali mwesi mwesi la ndenge ende. ²¹ Eimo eesi edjaali oyasumi liwoso la Yawe, easali ate: Mbai, ikomokosa. ²² Yawe amohuelali ate: Okokela woni? awongosali ate: Ikopumba, ikodja elimo eesi e moleho la monoko e watiesakoli kpaa. Yawe aasali ate: Okomokosa, okouma koto la gboo; pumba, koto kela ndjongo! ²³ Sikandjo, dhenda, Yawe abatali elmo e moleho la minoko ma watiesakoli wa owe kpaa wango wadjei ango. Yawe aasali obe la kole e owe. ²⁴ Zidikiya, monga Kenaana, ayandongbali, amobingia Mika la likeke, aasali koto ate: La nda mboka elimo e Yawe longoi atie mbai la oaseli owe? ²⁵ Mika awongosali ate: Okoene la lisio wungo okoke mwange la mwange la okayaisi. ²⁶ Likumu la Isalayele aasali ate: Motota Mika, keke la inde atie Amona, likumu o gbata, koto atie Yoasi, monga likumu. ²⁷ Okoasa ate: Likumu aasi ate: Mobatani oholo moto la woyogo, molakesani ma okoke keke koto mokengesani ma malia keke tee engele ekowongwa mbai la logoo. ²⁸ Mika omowongoselali ate: Inga okowongwa logoo, asa te Yawe atiaselali mbai. Aasali alidji ate: Ino kpaa, wato, ookaani! ²⁹ Likumu la Isalayele la Yosapata, likumu la Yuda, wakeeli la Lamote e Galaade. ³⁰ Likumu la Isalayele aasali la Yosapata ate: Mbai ikokela ate wato watiewe mbai laate ike osani; ase owe, Kpala wisindje wa owe. Likumu la Isalayele akelali ate watimoewe, akeeli la wita. ³¹ Likumu la Silia ahekeleli omaka atie makumu ntuku isato e makalo ate: Otisanakeni la moto mokeke te moto mosungu, ndji likumu la Isalayele. ³² Ango makumu ma makalo wamoeeli Yosapata, waasali ate: Meemene, inde nde likumu la Isalayele. Wandongbali atie inde la omosanesi. Yosapata apotali opami la oweli ligamesi. ³³ Makumu ma makalo waenia ate aeti inde nde likumu o Isalayele, wamodheeli. ³⁴ Moto mwesi agulali otolo wonde la odjangi oani, amobingali likumu la Isalayele ebete enge mokoto monde mo ewonda etidhihali. Likumu aasali la moto ongo odjaakali osombesi likalo lande ate: Kukola, pumbesa mbai la lisai e kindo, laate ikondjoi, ³⁵ Wita widjaali minga use woho. Eongoli ate wamohele likumu laate ayamale ndji ndondo e likalo, liwoso la wato wa Silia, Aguali la pokwa. Makila e pota ehumbali ndondo e likalo. ³⁶ La olangali e wuse, wapamali ndondo e lisai e kindo la opami la moli motetelake ate: Moto la moto la gbata ende koto moto la moto la moki monde! ³⁷ Likumu aguali, wamokpalali la Samalia; wamoombali koto la Samalia. ³⁸ Ango edjaakali iwo okpoli likalo e wita la eliwa e Samalia, mbwa idjaakali oheli makila Akaba, wali wa nduma wadjaakali koto oyakpoli la eho, ndji ndenge engbundu e Yawe easali. ³⁹ Sambo djadji dja Akaba, la djinge kpaa ikelali inde , la monguta mo pembe e mbongo enge emaali inde, wagbata djinge imaali inde, djaho itidhinganali la ahala e masio ma makumu ma Isalayele? ⁴⁰ Akaba alangalali ebete eikima la wasango. Akazia, monga monde aumali likumu la ebete ende. ⁴¹ Yosapata, monga Asa, aumali likumu la Yuda, la elanga enei e okumu wo Akaba, likumu la Isalayele. ⁴² Yosapata adjaakali la wilanga ntuku isato la itano engele eumali inde likumu, ayamalelali wilanga ntuku iwale la itano la Yelusaleme. Nango awelanali Azuba, moseka Siliki. ⁴³ Yosapata atutiali esombeli e sango, Asa, atiakukolali, adjaakali okeli enge edjei olamu la maiso ma Yawe. Longosa ndji wibete widjambani witisalamatali, wao wadjaakali ndji otumbi mbeka la malasi. ⁴⁴ ____ ⁴⁵ ____ ⁴⁶ __ ⁴⁷ __ ⁴⁸ ___ ⁴⁹ ___ ⁵⁰ __ ^{52 53 51}