1
Enge edjakali la lipoteli, engo ewokali iso la enge toenali la maiso masu, la enge iso todhengi la owangatali pe mawo masu mapotoli, la enge edhengi liloba e mokalo.
2
Mokalo, eenani ngbai, toeni pe todjei wademo alidji tokootiesakolakani ino mokalo mo libela enge edjei mongidji la wawa pe eenisani la iso.
3
Enge iso toenali la tookali, tokootiesakalakani ino eho laate ino pe oboliane la iso. Alidji, limbutukele aho enge etobondji iso edjei mongidji la wawa pe mongindji la mana onde Yesu Kilisito.
4
La eho, tokoeneke dji sambo laate mwemu musu motume botoo.
5
Mboli enge tookali atie inde pe tokootiesakolakani eho lele: Ate Mwngei adjei ngbai pe likolo liti la inde mongindji.
6
Inga toasi ate toboliani lainde, kaikonde tokosombaka la likolo, tokobukaka moleho pe totibiliaka meemene.
7
kasi inga tosomba la hoho nda edjei inde amene ndondo e hoho, toboliani limbutukele, pe makila ma Yesu mana onde ekotolangisaka la obe kpaa .
8
Inga toasa ate toti la masumu, tookoakosaka iso amene pe meemene eti la iso.
9
Inga tolimbola masumu masu, inde adjei meemene pe moto molamu la otolimbesi iso la masumu masu pe akotolangisa la sambo kpaa enge edjangi o meemene.
10
Inga toasa ate, tokeliti masumu, tokomowumisaka moto o moleho pe liloba la inde eti ndondo esu.